كشكول 54

شكرا لكم .. ماودنا تخلص الحلقة !

يعطيكم العافيه انا اسمعكم من زمان ممكن من الحلقه 14 تقريباا عمري مارديت او كتبت في الموقع بس اخر حلقتين اجبرتني اعلق
الصراحه مبسوط من فقرة الاسئله قمة المتعه والعفويه ” ابقوا على هالعفويه ارجوكم ” واتمنى نقدر نسألكم عن طريق الموقع لأن مالي في تويتر
وحلقة اليوم ضحكت فيها بشكل مجنون بالذات دخلت ابوحسين وصووووووت ابو ابراهيم احرجني في النادي واسمع البودكااست الا ويجي مقطع الشيخ واضحك بصوت عالي الناس تطالع فيني يقوولون وش فيه هالادمي مادرووو اني دااخل معكم كاني واحد منكم
اشكركم اشكركم استمرووو وامتعوناا

حلقة ممتازة جداً ومثيرة الله يعطيكم العافية ،،

صوت أبو ابراهيم إلي طلع في فقرة الأفلام يستاهل عليه جائزة كوشكار للكوميديا كان عليه ضحك غير طبيعي لولا فيصل لكنا ماراح نوقف ضحك

والله يعطيك العافية يا أبو ابراهيم واعضاء كشكشول فلم Reign Over Me كان رائع جداً الفلم شفت الترايلر حقه وقت ما نزل وتحمست له ،، لكني نسيته وما شفته الشيء الجميل أنكم ذكرتوني فيه فلم رائع جداً ما يتفوت

– – – – – – –

اتفق معاكم جداً عندما تحدثتم عن فقرة الأفلام بكل صراحة الواحد صار يتعب عشان يطلع فلم ممتاز كقصة خصوصاُ

في السابق كنا نتابع الأفلام بشكل يومي تقريباً ،، وبعدين صار الوضع كل اسبوعي ، ومن ثم شهري ،، والحين تقريباً كل ثلاث شهور

لا أتحدث عن متابعة الأفلام ولكن إلي اقصده عن مدى استماتعنا في الفلم الحين صار في السنة تقريباً 5 افلام إلي تكون ممتازة جداً وتبقى في الذاكرة أما الباقي صارت أفلام تجارية يعني لو تسألني على سبيل المثال عن قصة ايرون مان في الجزء الأول أو الثاني راح أقولك مدري أو نسيت ولكنه ممتع كـ أكشن لكن لو تسألني فلم THE SHWSHANK REDEMPTION راح أذكر لك بالتفصيل عن إلي صار

هذا الفرق الواضح بالنسبة أهم شيء القصة اكثر ما يهمني في كل شيء من ناحية أفلام أو مسلسلات
وشكراً لكم مرة ثانية كان نقاش ممتع جداً ،،

___________

مشكورين على الحلقة … جاري الاستماع

عندي كم نقطة ودي أكتبها عن الحلقة السابقة ( لأني للتو مخلص من سماعها ) :

فاجئتوني يوم تكلمتوا عن فلم Reign Over Me و ان الممثل هو آدم ساندلر بحيث ان معظم أفلامه تابعتها أو شفت لقطات عنها لكن هذا أول مرة أسمع به , راح احمله و ان شاء الله يعجبني .

بالنسبة لأنمي بليتش صحيح هو الفلرات قتلت الأنمي و لكن ما قتلته عندي لأني ما أحب اتابع حلقة كل أسبوع ( مثلا ون بيس أعتبره أفضل أنمي تابعته و لكن موقف في الحلقة 528 و ما أفكر اكمله الا بعد سنة أو سنتين ) , و سبب الفلرات هو الاستيديو وهو على فكرة نفس استيديو ناروتو و كل استيديو و اسلوبه في النهاية ( استيديو ون بيس الفلرات الي يحطها قليلة جدا و لكن يطول في الأحداث عشان لا يلحق بالمانجا ) و ودي أعرف وين وقفتوا في بليتش بالتحديد , اذا ما شفتوا آرك الي رجع في آيزن أنصحك ترجعوا تكملوه , و على فكرة هو من الأنمي الوحيد من نفس الاستيديو الي انهوه بنفس الطريقة ( انمي Beelzebub انهاه الاستيديو في نفس الاسبوع الي انهوا فيه بليتش رغم ان الأنمي جميل و المانجا مستمرة ) و فيه كلام وقتها ان الاستيديو كان بيفلس فترك معظم تركيزه على ناروتو شيبودن لأن مهما كان بليتش ليه جماهرية كبيرة و لكن جماهيرية ناروتو أضعاف مضاعفة <<< ما كان ودي أكتب الا ثلاث سطور عن بليتش و لكن ما قدرت أوقف ههههه .

و حاب أشكركم على معلومة قلتها في حلقة 52 عن ان جميع المسلسلات نزل مستواها في وقت اضراب الكتاب الا مسلسل lost الي بسبب هالنقطة بدأت فيه الأسبوع الماضي و حرقته بشكل مو طبيعي و انهيت أول ثلاث مواسم منه , و للأمانة ما أذكر ليش ما تابعته من قبل رغم الكلام الكبير الي اسمعه عنه ( أعتقد كان مبرر سخيف ) و لكن المسلسل أفضل مما توقعت … و شكرا مجددا .

في فلمين حاب أذكرهم :

الأول : The Prestige الفلم اعتقد غني عن التعريف و لكن ما اذكر اني سمعت احد يتكلم عنه في وقته و هو واحد من أجمل الأفلام الي تابعتها , فحبيت أعرف رأيكم عن الفلم هل هو ممتاز أو ذوقي خايس شوي .

الثاني : Semum متأكد انه ما حد سمع عنه من قبل و تقاييمه قليلة , الفلم تركي رعب و هو ممكن من أكثر الأفلام الرعب الي خوفتني ( ممكن لأني تابعته في جو خايس بعد الساعة وحدة في الليل و بدون نور و صوت حدث ولا حرج ) فإذا أحد أعضاء كشكول حاب يعطي فلم رعب تجربة يعطيه فرصة طبعا اذا حصله .

و آسف على الإطالة