أخبار متفرقة
مستقبل الأفلام و السينما في ظل نهضة المسلسلات و سهولة مشاهدتها ( تأثير خدمات البث على صناعة الأفلام)
أفلام السهرة
Wonder
A Star is Born
Roma
صفحتنا على باتريون
www.patreon.com/alkshkool
الحضور ابو حسين و ابو حصة وخالد و بندر (ابو خالد) عبدالعزيز و احمد و عبدالله
الضيف عبدالرحمن
7 تعليقات
شباب يعطيكم العافية أولا ويبعد عنكم المافيا
شباب رايكم في سنة ٢٠١٩ هل في مجال الأفلام تنافس المسلسلات
ابي افلام اقدر اشوفه مع ابوي
وودي تخلون اللخبطه كل ٣ شهور
السلام عليكم ورحمة الله وبركاته
اكتشفت بودكاستكم على الحلقة 54 وقتها كأني اكتشفت كنز لاني طحت على اهتممامات واذواق مشابهه ل إهتماماتي لذالك حاب اشكركم من كل قلبي على العمل الجميل والرائع والنقاشات الفريدة من نوعها بكل المجالات.
حتى ببعض الاحيان م اسوي سكيب للانمي(بحكم اني غير متابع للانمي) فقط لكي اسمع بعض النقاشات في كشكول القديم. وكان كل شخص في مجال يمثل رائيي بشيء فمثلاً ابو عمر ذوقه بالأفلام قريب جداً من ذوقي ولم اختلف مع ذوقه من سمعت كشكول الا بفلمين فقط (Saving Private Ryanو Mission: Impossible – Fallout ) وفيصل يعجبني ذوقه بالالعاب و المسلسلات والصوتيات عموماً و ابو إبراهيم ب هتمامه بالحوارات والرسائل الموجوده بالأعمال الفنية.. هذا فقط مثال لان كل عضو كان مميز برائي واسلوب يختلف عن الآخر مما يعطي البودكاست تناغم رائع وهذا ينطبق ايضاً مع الاعضاء الجدد الرائعين, ربي يوفقكم ولايحرمنا منكم.
من اول البودكاست وانا ابي اشارك في نقشات كثيره فاتت وكل مره بشارك اقول بالحلقة الجايه شكلها صارت الحلقة الجايه اخيراَ هذه الحلقة 🙂 الله يعينكم علي بما اني انطلقت وبديت اشارك.
اتمنى تتكلمون عن فلم The Intouchables الفرنسي بحكم انه قريب من قلبي و النسخة الامريكية منه نازله وضيقتو صدري لما قلتو اسم الفلم بحلقة 165 وطلع غيره.
السلام عليكم
انا متابع لكم من 2014 وقتها كان عمري 14مدين لكم باشياء كثيره فعلا لانكم حسنتوا ذوقي ( ذوقي مكان خايس بس انه ذوق واحد عمره 14 ) بشكل مو معقول ماتتصورون قد ايش انا ممتن لكم على هذا الشي وللمعلومية عمري 19 ذحين بس حبيت اقلكم عشان ببدا اتفلسف مو متقلون شيبي ذا البزر مسوي فاهم بس بتفلسف بحكم اني متابعكم من زمان بسم الله نبدا في بدابية 2018 يوم قلتوا عن الشكل الجديد لكشكول زعلت جدا لاني كنت شايف البودكاست في احسن حالاته ميحتاج ذا التغير و 2017 كانت ملايانه بالحلقات الاسطورية من جهة البودكاست وجبتوا فيها ضيوف رهيبين مثل فهد البيتري و محمد مهدي واتمنى ترجعون لذي الحركة بس اهم شي الضيف خارج كشكول مو ظيف من نفس البودكاست ضيوف ضيوف بالمعنى الفعلي وكمان كانت فيها البداية القوية لقناتكم في اليوتيوب اللي اتمنى ترجع باسرع وقت وبشكل اقوى وبدون انقطاع وركزوا على ذي النقطة او تكون بشكل مواسم زي قناة محمد لان اسلوب المواسم يعطيكم فتره راحة ويكون احنى المتابعين ضامنين ان فيه عودة ،شطحة شوي خلنا نرجع للموضوع الاساسي اللي هو اني زعلان من الشكل الجديد وبس يوم سمعت للبودكاست بالشكل الجديد طحت على على شخصيات جديده وبطبيعة الحال على اراء جديدة لاني كنت متعلق بالطاقم القديم وكل البودكاستات متتعه وصار في محتواء اكثر مو زي اول استنى اسبوعين وتجي حلقة كبيرة جدا ومضغوطة في المواضيع وصراحة اشكركم على هذا القرار وفي الاخير اتمنى فيصل و ابو ابراهيم الكبير يرجعون يسجلون لو بشكل متقطع والله اشتقنا لهم .
ما تقولون ،بداية،ضيف ،ممتعه(هذي تعديلات لاني حمار) اسف محمد تعبتك .
السلام عليكم يا أحسن أعضاء بودكاست
تنورون أي بودكاست مهما كان تخصصه
بما إنكم تكلمتوا عن مسلسل You, الي فهمته من كلامكم إنه في بما يسمى الهندسة الإجتماعية أو السوشل إنجنيرنق كما هي معروفة
ياليت تتكلمون عن الموضوع هذا خارج نطاق الأفلام وهل تعرفون قصص صارت في الحياة الواقعية ؟
ووش هي الأفلام الي أعجبتكم تكلمت عنها أو إستخدمت فيه بطريقة مخيفة ؟ (بعيداً عن خرابيط الاف بي آي الي بضغطة زر يحدد كل شيء)
وياليت إذا بتتكلمون عن الفلم الدينماركي غيلتي تستضيفون أبو حسين, كان من أفضل من فصل وتكلم عن فلم لوك الشبيه به.
والله يعطيكم العافية.
ابيكم تعطونن فلم مثل locke
وعندي سؤال فلم legend ل توم هاردي يستحق المشاهده