محتويات الحلقة
أحصائيات سينمائية لعام 2018
إختيارات الأعضاء لعام 2018
أفضل 3 أفلام
أسوء 3 أفلام
أفضل 3 ممثلين
أفضل 3 ممثلات
أفضل 3 مخرجين
أفلام خذلتك
أفضل أخبار السنة
أسوء أخبار السنة
أفلام متحمسين لها في 2019
نتائج تصويت كشكول لأفضل أفلام 2018
تجربة الأعضاء الجدد مع كشكول
أفضل لحظاتنا مع كشكول في 2018
الحضور أبو عمر و خالد زرعوني و محمد الدوسري و عبدالله العشوان.
15 تعليقات
ماشاء الله شايف تعليقات المستمعين طويله ف ماني حاب اطول عليكم اكثر هي سؤالين اللي عندي :
في الفتره الاخيره طلعت ( فضائح) لمخرجين عرب واستغلالهم لممثلات هل تتوقعو يكون في رده فعل هنا مثل اللي صار بهولوود ولا لا؟
وفي حلقه الريفيو تكلمتو عن جمعه لشباب كشكول سويتوها بالاستراحه هل سجلتو وقتها حلقه بودكاست واذا سجلتو كم رقم الحلقه
وعشان الحلقه كلها توب ٣ حبيت اقول التوب ٣ لحلقات كشكول من وجهت نظري
حلقه توم هانكس، وحلقه الريفيو ل٢٠١٨، وطبعا افضل حلقه في تاريخ كشكول حلقه ١٠٠
واستمرو يا افضل بودكاست محليا وعالميا
السلام عليكم
فيه فقرة أحسها ناقصة من مراجعة السنة هي أفضل أفلام شاهدتوها خلال السنة ( غير أفلام ٢٠١٨ طبعاً ).
وسؤال آخر .. هل فيه أفلام وثائقية حول الأفلام مخرجين ممثلين أو behind the scenes أو مقابلات تنصحوا فيها ؟ أو قنوات يوتيوب متخصصة ؟
وشكراً جزيلاً لكم جميعاً
أحمد ومحمد وعبد الله وزرعوني وأبو باسل
يعطيكم العافيه على الجهد الكبير
اقترح اضافة فقره قصيره بالافلام اللي راح تنزل في السينما عندنا استعراض بس مع رايكم
وشكرا
ابو منيره
عموماً ودي تزينون حلقة اسمه الخذلان كل الافلام تكون به خايسه عشان عبدالله إذا جا يسفل يسفل من قلب
سؤال لعبد الله العشوان هل انت القصيم ؟
ملاحظة: كل مايضحك عبد الله انخرع احسه يضحك من كلوته
لحظه وش به القصيم🤨
السلام عليكم ورحمه الله وبركاته.
تعلييق طويل جدًا فالي واقف يجلس والي جالس يتربع والي متربع لايسوي شيء.
عرفت كشكول من اخوي الأكبر يوم كان يشغله بالسيارة ثم بعدها قلت خلني اشوف وش وضعهم ذولا وكانت اول حلقة اسمعها هي الحلقة الي تكلموا فيها الشباب عن أنمي كذبتك في ابريل ولا إله الله الشباب رفعوا بالعمل وقاموا يتضاربون من الي بكى اكثر حتى عرفت وش النهايه من تلميحاتهم، عاد انا قلت لازم اتابع هالأنمي واشوف وش سالفته عاد بديت اتابع الانمي واقفل الغرفه واجهز ثلاث علب مناديل وابدأ اتابع وها الحلقة الأولى الثانيه الثالثة اوكيه لا شكلي ببكي بالرابعه وهععع ماش مافيه بكاء “مع اني اكثر بكاية على وجه الأرض” المهم خلصت الأنمي وانا عارف وش النهايه وماتأثرت بشيء من الانمي بسبب ترفيع الشباب بعدها مافيه دعاء الا دعيته على البودكاست وقلت توبه اسمع هالبود مره ثانيه طبعًا اسبوع ورجعت وخضعت للبود وبدت رحلتي مع البودكاست وبديت افهم الشباب واكثر.
عندي سؤال لأبو عمر ياليت تكلمنا كيف بدأ كشكول ومن صاحب الفكرة والي حمس الشباب ووش طبيعة علاقتك مع شباب كشكول القدامى قبل البودكاست .
اعتذر على الإطالة الله يوفقكم ياشباب ونشهد الله على محبتكم❤️🌹
السلام عليكم كشكول
سبب كتابتي شلهذا التعليق الطويل هو عبدالله، لما ذكر أغنية (always remember us this way) ، لإنه الحقيقة أنا من الناس اللي ما أهتم للصوتيات والساوندتراكات كثير ، لكن هذه الأغنية أول ما سمعتها حملتها ، وكل مرة أسمعها تجيني قشعريرة ، والعجيب إنك لو تقرأ الكلمات، تحسها عادية ( ما عدا مقطع ” lovers at the night ” ) لكن ليدي غاغا أدتها أداء خرافي.
الشيء الثاني : (Johnny English) صحيح إنه بايخ ، بس فيه أشياء من بياختها تضحك ، كنت ألعب بتل فيلد ومشغلنه في الخلفية ، ولا بأس استمتعت. (ما يستحق صفر أبو عمر (: ).
الشيء الثالث : (the office) ، أنا من الناس اللي ما تقبلت فكرة أشوف مسلسل وفيه ناس تضحك على الأشياء اللي مفترض أنا أضحك عليها ، لكن بعد خمس محاولات مع (friends) تقبلته وحبيته ، وبعدها خلصت (ساينفيلد) ولحقتها بمسلسلات زي (happy endings ) السخيف ، (curb your enthusiasm) وكلها عجيتني ، لكن (the office) ما قدرت أستوعب ليش هو مسلسل جيد عند الناس ، وحاولت كثير ، حملته خمس مرات بالكامل ، وكل مرة أشوف كم حلقة وأحذفه ، لكن كل تغريدة لنتفليكس الشرق الأوسط كل التعليقات “متى تجيبوا ذا أوفيس؟” ، وأرجع أحمله ، آخر مرة وصلت لأربع حلقات ، بس نفس الحالة ، طريقة تصوير مزعجة ، نكت غبية سخيفة لا ترقى لأي نوع من الكوميديا مهما كان سخيفا ، فياليت إذا تمكنتم تشرحولنا ليش الناس تحبه ؟! مع إني شفت بروكلين 99 ، وأتوقع إنه من نفس نوع الكوميديا ، مع إنه بروكلين عجبني.
وبس والله ، أعتذر عن الإطالة ، لكن ما صدقت نفسي لما قالي أبو عمر إنه بيزعل لما قلت إني ما بعلق إلى سنتين قدام.
سلااااااام.
*لهذا
تحية للجميع ,, ياليت كانت اختياراتكم موجودة بالموقع , حتى يمكن الرجوع لها في اي وقت .
+ غرين بوك فيلم عظيم .
السلام عليكم..
حبيت اشارك معكم اليوم لسببين. الاول عشان أعبر عن كرهي الشديد لفلم بوهيميان رابسودي الي اعتبره اسوء فلم في ٢٠١٨ بدون منازع حتى، و للاسف ماقدرت أقول هالشي لما خذينا حلقتكم و جلست بنفسي 😂. حتى رامي مالك الي هو الشي الوحيد الي مايعتبر مره سيء بالفلم، مايستاهل الترشيح. حسيته مبالغ مره بتقمصه لفريدي ميركري و مطلعه بشكل تمثيلي و ليس واقعي.
و السبب الثاني هو انتو و عملكم عالبودكاست. احب اقولكم انه بودكاست كشكول افلام هو الوحيد الي ما فوت منه ولا حلقه السنه الماضيه من بين جميع البودكاستات الي اتابعها عربيه او اجنبيه.
فشكرا لكم جميعا و انشالله القادم اجمل.
و نقطه عالجانب، اتمنى اقابل عبدالله بيوم كشكول القادم ابيه بسالفه عن lotr 😡
السلام عليكم جميعاً
انا مستمع قديم لبودكسات الافلام لاكن في الاواني اللخيرة بودكاست المسلسلات اكل الجو مع الاعضاء الجدد ابو خالد وخالد واحمد وعبد العزيز طبعا ولاننسى عبد الله وابو حصة الي انقذو البودكاست من السقوط . والمنافسة الان بالنسبة لي هو بودكاست المسلسلات والافلام ولا يهونون باقين البودكاستات واسف على الاطاله .
وعندي سال بسيط هل برايكم المسلسلات بدت تنافس الافلام من ناحية الارباح والقاعده الجمهورية . ووش رايكم بالممثلين والمخرجين الكبار توجهو للشاشة الصغيرة هل هو افضل لهم وياخذون واحتهم اكثر ومن جد اسف على الاطاله 😁
مع اني اشوف الافلام افضل بودكاست لكن اتوقع المسلسلات اللي يميزه انو مسلسلات السنه ذي كانت افضل من الافلام بمراحل
السلام عليكم مرحباً جميعاً
بحكم أني مستمع جديد نسبياً مالي إلا سنة تقريباً ماكنت اعرف الصعوبات اللي واجهت كشكول وخطر التوقف لكن بفضل الله ثم فكرة الإنقسام أصبح فيه متنفس جديد وفيه تعمق أكثر في كل قسم من أقسام البود كاست وحماس الجيل الجديد الرائع كان سبب كبير في إعادة الروح للبود كاست شاكرين لجهودك أستاذ أحمد وأيضاً عمور ولا يهونون البقيه الرائعين
عندي نقطه أخرى انا كنت لما أسمع فقرة التعليقات والمستمعين يقولون أفضل بود كاست مدري ايش الخ…. كنت يوه غثونا لكن أعتذر كنت شاب جاهل متحمس فعلا شبكة كشكول في مجال البود كاست الأفضل عربياً لسنة 2018 عن جدارة وبلا أي نوع من المجاملة والآن ننتظر إنطلاقة اليوتيوب كي تكون شبكة كشكول أفضل شبكة عربية وليس فقط في مجال البود كاست فعلاً اعني كلامي وهذا رأي شخصي
وبالنسبة للي يرسلون كلام جارح هذي الأشكال من أيام الجاهلية موجودين وماراح يختفون فلا تلقوا لهم بال وانا أجزم انهم ينعدون عالأصابع ان شاء الله
اعذروني عالإطالة أتمنى ما أزعجت أحد وألف شكر عالجودة اللي تقدمونها ❤️😊