حرق لعبة العروش GAME OF THRONES S08E01

السلام عليكم
كم سؤال أتمنى تناقشوها في الحلقة ، وممكن بعضها تتم الاجابة عليه في الحلقة الثانية
١- شفنا في الحلقة الأولى كيف دينيرس تارقاريان أخبرت سامويل تارلي انها أعدمت أبوه (راندل) وأخوه (ديكون) بسبب رفضهم لـ ”ثني الركبة“ ، ايش موقفها راح يكون لما تقابل جيمي لانستر وهو اللي اغتال أبوها
٢- كيف جون سنو (ايقون تارقاريان) ، راح تكون ردة فعله لما يقابل جيمي ويعرف انه هو سبب شلل بران ، وهو اللي اغتال جده الحقيقي (مع اني ما اتوقع تفرق معاه)
٣- هل ممكن يتخلى سام عن سيف أهله ويعطيه محارب أمهر منه ، خصوصاً انه سام ثقيل وسيف عائلة تارلي من الفاليريان ستيل
٤- أيهم أسرع من يصل الى وينترفل ، جيش الوايتس أو بقية النايت ووتش ، الغريب في الموضوع انه الطفل اومبر طلع من وينترفيل وراح لقلعت الأومبر ، لما وصلوا النايت ووتش الى القلعة حصلوها فاضية وفيها فقط اومبر مقتول ومحول الى وايت ، هذا يعني واحد من اثنين ، اما انه تم ابادتهم وتحويلهم كلهم بعد ما وصل اومبر لهم أو أنهم قتلوه في الطريق ورجعوه للقلعة (احتمال مستبعد)
٥- لما طارت التنانين بجون ودينيرس ونزلوا عند الكهف ، كيف ما انتبهوا لآثار النايت كنق وجيشه اللي بأعداد خيالية ، أيضا التنانين بما انه عندها ارتباط ببعضها ، كيف ما حست او استشعرت بأخوهم يطير على مسافة قريبة منهم
٦- تغيير الاضاءة في افتتاحية المسلسل هل يعني حصول معركة باتل اوف ذا دون لثاني مرة بعد آلاف السنين من المرة الأولى
٧- بران ذكر انه ينتظر صديق قديم ، واحنا نعرف انه بران هذا يختلف جذريا عن بران الأصلي ، هل هو فعلا جيمي أو شخصية ثانية ، البعض يقول انه ثيون جريجوي ، وأنا أتوقع بأنه شخص اقدم ، ممكن يكون هولاند ريد بما انه صديق قديم لأبوه وهو الوحيد اللي يقدر يثبت صحة قصة الزواج السري ، أو ممكن يكون المتحدث هو الغراب الثلاثي الأعين عن صديقه القديم اللي هو النايت كنق قبل لا يتحول الى نايت كنق ، خصوصاً انه باقي له شوي ويوصل وينترفيل
٨- من يتكفل بحماية بران اذا وصل جيش النايتس الى وينترفيل ، أو ان بران ينقل وعيه لتنين ويطير ، او بقدرة سحرية هو يصير يطير بنفسه
٩- أطفال الغابة هل فعلاً انقرضوا كلهم ، أو لسى فيه باقي قلة منهم