كشكول أفلام 183

السلام عليكم معاكم خالد وليد
معليش أعذوني أبكتب تعليق طويل

أولاً يعطيكم العافية على حلقة الحرق لفلم EndGame وتصحيح لأحمد مب حرق بس Skrulls هم لهم علاقة في Secret Invasion مب Secret Wars.

1- متى ناووين تتكلموا عن The Trueman Show و Catch me if you can
—————————————————————

2- من بعد ماشفت تريلر لفلم Far From Home ومعظم ردات فعل العالم انهم يبون سبايدرمان يكون مع مارفل وماييون يرجعون لسوني، سؤال هنا هل تتوقعون انه سبايدرمان بيستمر مع مارفل والا يرجع لسوني ؟ الصراحة لو تبون رأيي أتمنى يستمر مع مارفل للأبد ولا يرجع لسوني نهائيا.

أبعطيكم رأيي أفلام سبايدرمان وليش أشوفه مكانه مع مارفل ولا يرجع لسوني:

‏فلمين Spider-Man و Spider-Man 2 يعتبروا جيدين الا انهم ماخذين الجدية بزيادة و ايضاً سالفة الحب والدراما السخيفة وغير كذا الإستعجال في الأحداث وتطوير الشخصية.

‏الين يوم جاء المأساة فلم Spider-Man 3 سبايدرمان كأنه Edgelord صدقي ،لا قصة ، لا أكشن ، الدراما السخيفة و لا كوميديا زي الناس والعدو غبي جداًّ.

بعدين سوني قرروا يسوون ريبوت للسلسلة لكن للأسف فلمين The Amazing Spider-Man و The Amazing Spider-Man 2 ، كل واحد أسخف من الثاني و أيضاً نفس القالب السخيف: الإستعجال في الأحداث وتطوير الشخصية ، الدراما السخيفة ، الجدية الزايدة و مافي كوميديا زي الناس.

‏بعدها سوني قرروا يسوون عقد مع Disney/Marvel عشان شخصية سبايدرمان يكون متواجد في عالم مارفل السينمائي (MCU).

‏فلم Spider-Man: Homecoming هو أفضل فلم سبايدرمان بالنسبة لي. (تصريح ناري)
‏قصة جديدة مميزة ، شخصيات جديدة والشرير ممتاز ، الكوميديا المتقنة ، ما إستعجلوا في الأحداث وتطوير الشخصية.
‏الممثل Tom Holland هو أفضل شخص تقمص شخصية Spider-Man بشكل ممتاز.

هل سوني تعلموا الدرس في فلم Venom ؟ لا طبعاً.
‏الشي الوحيد الي شال الفلم هو الممثل Tom Hardy.
‏لكن باقي الفلم للأسف الأكشن والعنف ضعيف وممل، جميع الشخصيات سيئة جداًّ (ماعدا Tom Hardy)، القصة أقل من عادية.

‏معليش أبشطح شوي في الألعاب مطورين Insomniac Games في لعبة Spider-Man واضح انه شغل من عشاق الأصليين حقين الكوميكس (مب عشاق الأفلام القديمة حقت سوني)
‏والصراحة اللعبة ممتازة ومتعوب عليه.

نرجع للأفلام فريق Sony Animation Studios في فلم Spider-Man: Into The Spider-Verse أسلوب الرسم جميل والإخراج ممتاز وكان واضح إنه شغل من عشاق حقين الكوميكس.

‏فأتمنى إنه سوني ترجع جميع حقوق سبايدرمان لي Disney/Marvel بس Sony Animation Studios يستمروا بأفلام سبايدرمان الأنيميشن.

‏لأن صراحة مشكلة سوني و حتى أفلام DC ( أنا ماشفت Shazam ) مشكلتهم بتطوير الشخصيات والكتابة نفسها.

‏عكس Marvel الي جالسين يتعبوا بالكتابة ويوريكم تطوير الشخصية لسنين طويلة: أيرون مان ،كابتن امريكا ،ثور ،هالك ، بلاك بانثر ، هوك أي ، انت مان ، دكتور سترينج وغيرهم من الشخصيات.

حتى في مشهد القتال الأخير في EndGame أبكتبه في حلقة الحرق لفلم EndGame الي يبي يعرف ،ما أبغى أحرق هنا.

مب بس العالم ، حتى معظم مقابلات مع ممثلين مارفل كلهم يبون سبايدرمان مع مارفل.
مثلاً مثال (نتفق او نختلف) ممثلة letitia wright الي هي أخت بلاك بانثر تتمنى انه شخصية انه يكون فيه علاقة قوية بين شخصيتها وبلاك بانثر مع سبايدرمان.

حتى فيه اشاعة مدري صدق والا لا انه العدو في فلم Black Panther 2 بيكون أحد Villains من شخصيات سبايدرمان الي هو Kraven The Hunter طبعاً اشاعة ما أكدوها بس المخرج كان ناوي يجيب الشخصية في الجزء الأول في فلم بلاك بانثر.

يعني تخيل الكتاب تعبوا بكتابة الفلم وخلصوا ماعندهم غيره و موعد التصوير باقي يومين او ثلاث ،فجأة بدون مقدمات سوني اخذت سبايدرمان
يعني سوني دمرت أمال العشاق حقون الكويكس وحقون مارفل ولا زيادة على كذا دمرت أمال الممثلين والكتاب حقون الفلم.

وفي المقابلات الأخيرة مع توم هولاند يقول انه مستعد انه يسوي مجموعة أفلام كثيرة مع مارفل.

لهذا السبب أشوف سبايدرمان مكانه مع مارفل وليس مع سوني أبداً.

لأن الصراحة سوني ما عندهم أفلام ممتازة في الفترة الأخيرة غير Spider-verse.

يعني عندك من أفلام سوني:
Escape Room
Miss Bala
Ghostbusters الأخير
The equlizer 1 و 2
Holmes and watson
The Dark tower
The Emoji Movie تخيل
ممكن life – captain philips – blade runner كانوا جيدين لكن الباقي من سيء الى أسوأ.

معليش على إطالة بس يعطيكم العافية على الي تقدمونه في كشكول.