كشكول مسلسلات 181

السلام عليكم ورحمة الله وبركاته

ابي اتكلم عن كم موضوع بالنسبه للمسلسلات العربيه وبطول عليكم تحملوني شوي

اول شيء بالنسبه للعاصوف ، وكلام ناصر القصبي أن مافيه ناس يمثلون وان هذا الأمر أجبرهم انهم يجيبون من مشاهير السوشل ميديا ، ترى برى فيه ناس متخصصين للكاستينق وكل شيء هم يتواصلون مع الممثلين ويجيبونهم لين عندك عشان يسوون تجارب أداء ، وأشك انك تسوي تجارب أداء اصلا ، إعلان فقط على حسابك في تويتر ويجونك الناس من كل مكان .

أما بالنسبه لكلام الأستاذ عبدالعزيز عن المؤثرات انا اتفق معه تماما ، قاعد اشوف مسلسل أجنبي منتج في 2005 والمؤثرات أفضل بكثير وهو قبله ب 15 سنه ، الموضوع ومافيها أن الشركه المنتجه تابعه ل MBC ، ولا كلفوا على نفسهم وجابوا ناس متخصصين في ال CGI .

أما فألاجابيه الوحيده الي اسعدتني وهي مسلسل كوكب آخر ، مسلسل جميل يطرح أفكار تقليديه لكن بطريق جديده وجميله ، وهذا الي لازم يوصل للناس الآخرين ، مهب لازم تجيب فكره من العدم عشان نمدحك ، كل الي نبيه طرح جديد فقط حتى لو كانت الفكره مكرره ، الإبداع لايشترى بالمال يا القصبي .

أما بالنسبه لو ولد الغلابة ، انحطاط لأبعد مستوى ، والله احترم كاتب شباب البومب ولا احترم كاتب هذا المسلسل المنحط ، لازم الناس تفرق بين الاقتباس وسرقة الفكره ، نفس القصه ونفس الشخصيات ونفس المشاهد، هذا ليس اقتباس هذا سرقه .

سؤالي الأخير لكم بخصوص نهايه الموسم للعاصوف ،هل الزامي كل نهايه موسم تويست صادم حتى لو على حساب المنطق ؟

معليش هذا هو السؤال الأخير فيه أحد شاف مسلسل Doom patrol وعطونا رأيكم فيه .