كشكول أفلام 187

اهلا انا جلست اتكلم عن الشباب وماتكلمت عن نفسي ، انا سمعت مراجعتكم واتفق معكم باكثر الأشياء لكن عندي بعض الملاحظات المشهد الأول كان ممتاز جدا اخراجيا وكتابيا وبعدها كمية حوارات ومشاهد جيدة لكن يبدأ الملل يدخلني ليين تظهر احد الشخصيات وبعدها عرفت طريقة الفلم والكتابة وانها دائما تبدأ التحظير للحظة قوية وتنتهي وتبدأ تحظر للحظة كبيرة بعدها واحيانا التحظير كانت تحوم حوله لحظات من الملل وهذا السبب اللي يخلي بعظكم يقول طويل وكان مفروض ينقص تخيلوا انه كان على الأقل بكل مشهد تحظير نص دقيقة بدأتو تحسون بالملل هذا الوقت القصير لو تجمعه مع باقي المشاهد بتحس ان الفلم طويل وكان لازم ينقص، ايضا بعض اللقطات القوية لأي درجة قوية وكم تستحق من الوقت والمشاهد اللي تحظر لها وبعض الاحيان تعيدها من منظور مختلف وطبعا الأسلوب الكتابي هذا يحسسك بالروتين لذلك ممكن حنا تفاجأنا المرة الأولى المرة الثانية والمرة الثالثة لكن بعدها عرفت انه يحظر لي مفاجئة كيف بتفاجأ، وترا هذا احد الاسباب بأن الكتاب يخلون المفاجأة آخر شي، برضو لاحظت ان الشخصيات جيدة فيه محاولات بأنها تكون عميقة وذات معنى ،( طبعا لما اقول محاولات هذا يعني بأنهم مانجحوا بشكل كامل) وحدة هي اللي كانت كويسة الشايب بس وفيه بعضها ذات فلسفة قوية وخصوصاً شخصية هيمسوورث واشوفهم فشلوا بهذا الشي عشان كذا تحس النهاية موب لايقة شوي ، برضو الفلم فيه كوميديا سوداء رهيييبة، وماعليش ياشباب طولت عليكم وأعتقد فيه برضو ملاحظات لكن بتعب اللي جالس يقرأ 😥