كشكول أفلام 190

السلام عليكم معاكم خالد وليد.

بالنسبة لفلم Quantin Tarantino القادم ،أنا أتمنى يكون فلم Star Trek على حسب كلام الناس أو فلم جديد كلياً وأنا مع أبو باسل وخالد زرعوني انه ما أبي يكون فلمه الجاي Kill Bill 3 لسبب إضافي محد ذكره منكم انه سلسلة جون ويك رفع معيار أفلام الأكشن وحتى فيه جزء رابع جاي في سنة ٢٠٢١.
———————————————
بالنسبة لمبيعات فلم سبايدرمان فار فروم هوم.
فعلاً الفلم جاب مليار دولار عالمياً ومعلومة:
‏- أول فلم سبايدرمان يصل للمليار.
‏- ثالث فلم من MCU في نفس السنة يصل للمليار.
‏- تاسع فلم من MCU يصل للمليار.
بصراحة أشوفه يستاهل.

تبون أكون معكم صريح أفضل حل لسوني يكنسلون العالم السينمائي الي فيه فينوم والشخصيات الثانية ،ويستمروا في سلسلة أنيميشن spider-verse ،ويعطون حقوق سبايدرمان الكاملة لمارفل.
لأن فلمهم الجاي Morbius مدري أحس مصيره مثل فلم Suicide Squad.
———————————————
عندي مشكلة مع الناس انهم يقولون “والله هذا الممثل أسطوري”وهو ما أبدع الا بكم فلم وباقي الأفلام مب مرة.

أنا شخصياً ما أعترف بكلمة ممثل أسطوري ،لكن عندي ممثلين مفضلين زي: توم هانكس ،ليوناردو ،روبرت داوني جونيور ،بينيدكت كمبرباتش، توم هولاند، توم هاردي ،كريس ايفانس ،جيك جيلنهال وغيرهم من الكثيرين ،أقول عنهم ممثلين ممتازين لكن ما أقول “ممثلين أسطورين”.

أبعطيك أمثلة مثلاً توبي مغواير أشوفه ممثل جيد لكن مب ممتاز ولا أسطوري ،أوكي أعترف ثلاثية سبايدرمان حقت ريمي على وقتها فتحت مجال لأفلام السويرهيروز الثانية ،لكن لما تجي تشوفها بعين اليوم الأول والثاني مب سيئين لكن عاديين ، سبايدرمان ٣ سيء جداًّ ،تمثيل توبي كان كارثي الرقصة مدري وش تبي، قَصَّة الشعر ولا لو تشوف عيونه تحسه توه طالع من مستشفى مجانين،حتى جابوا الغبي توفر قرايس عشان يمثل فينوم ،وبعدها توبي سوا فلم أو فلمين جيدين وبعدها طفى نجمه بسهولة وما أشوفه ممثل أسطوري.

مثال آخر دينزل واشنطن أنا ماعرفته الا يوم جيت تتكلمون عنه في الحلقات الي فاتت وقررت اني أشوف أفلامه ،صراحةً أشوفه ممثل عادي جداًّ مافي الا Training Day و Philadelphia و Malcolm X هم الكويسين ويمكن فينسس ،باقي أفلامه مب مرة:
فلم Man on Fire تحسه تقليد أبو كلب من شخصية The Punisher.
فلمي The Equalizer عبارة عن النسخة الرخيصة من جون ويك.

وأيضاً في أفلام أقل من عادي زي book of eli – safehouse – virtousity – the magnificent seven – john q – 2guns وغيرهم.
هل يستاهل الفوز بالأوسكار أنا أقول كترشيح ايه لكن يفوز لا ،أشوف راسل كرو هو المفروض يفوز في تمثيله لفلم beautiful mind.
عندي تصريحات نارية:
كيانو ريفز احسن من دينزل واشنطن
كريس هيمسوورث احسن من دينزل واشنطن
(كريس هيمسوورث أشوفه ممثل جيد صح mib: international و ghostbusters الأخير مب مرة ، بس عنده أفلام مرة ممتازة زي Rush و Bad time at the el royal و Star Trek: Into The Darkness وأيضاً أفلام مارفل)
ويل سميث احسن من دينزل واشنطن
توم هانكس احسن من دينزل واشنطن
ليوناردو احسن من دينزل واشنطن
براد بيت احسن من دينزل واشنطن
كريس ايفانس أحسن من دينزل واشنطن
سامويل جاكسون احسن من دينزل واشنطن
بري لارسون احسن من دينزل واشنطن
انثوني هوبكنس احسن من دينزل واشنطن
توم هولاند احسن من دينزل واشنطن
روبرت داوني جونيور احسن من دينزل واشنطن
توم هاردي احسن من دينزل واشنطن
ماهرشالا علي احسن من دينزل واشنطن
رامي مالك احسن من دينزل واشنطن

يارجال عندي أفلام زي lord of the rings و hobbit و thor ragnarok و أفنجرز endgame و سبايدرمان far from home و black panther وdjango unchained و trueman show و fightclub و zodiac وcatch me if you can و coco و toy story مرة ممتازين ومستعد أعيدهم مرة ثانية.
اما فلم زي equalizer2 واوك ايش هالخياس.

مشكلة الكبرى لدينزل بعد training day غير فينسس ،كل أفلامه من بطولته كدور رئيسي يعني هل المشكلة انه ماصار يمثل زي أول بعد ما فاز الأوسكار والا المخرج والكتاب مايعرفون يضغطون عليه والا الفلم صار فيه مشاكل بينه وبين طاقم العمل والا المشكلة من سوني كولومبيا.
في كم حل لدينزل يا يعتزل عن التمثيل أو يكمل لكن يكون بدور مساعد أو cameo ومايسلط الضوء عليه لأن الفلم الوحيد لدينزل كدور مساعد هو فلم Philadelphia.

معليش على الإطالة و يعطيكم العافية.