كشكول أفلام 194

بقلم:

محتويات الحلقة
أخبار متفرقة
فلم عالمي
فلم السهرة
تعليقات المستمعين
الحضور أبو عمر و محمد الدوسري و خالد زرعوني و عبدالله العشوان
By |2019-09-03T07:12:58+03:00سبتمبر 7th, 2019|بودكاست|5 تعليقات

5 تعليقات

  1. DHEDAN 8 سبتمبر، 2019 at 1:48 ص

    السلام عليكم
    مساكم الله بالخير
    شلونك بشرونا عنكم جميع ؟

    ياليت تتكلمون عن الفرق بين الأفلام الي تقودها الشخصيات والأفلام الي تقودها القصة Characters Driven و Story Driven

    وعطنا يا محمد وحدة Daisy Domergue بالصوت هذاك

  2. A.almania 8 سبتمبر، 2019 at 2:23 ص

    اهلا معكم عبدالعزيز

    اولا خل ادخل على السؤال اللي جاب راسي هل تستهويكم افلام المحنكين او لا،؟ انا ايه والسبب لأني محنك، لا لا جد تستهويني لأني شغوف بالفن و بصناعة السينما وما وراها وهذا النوع من الافلام مثل ما قال محمد هي السينما المجردة الأصلية.
    طبعا هذي الأفلام مو موجوده عشان تكون الناس المحنكين وياخذون اللي فيها وبس بالعكس هي ترفع من معايير الصناعة وتظيف لها، كما انها تغير ذائقة الناس وتجددها وترفعها.
    والحين اعطيك أمثلة
    مثلا اللقطات بكاميرا وحدة من أمتع الأشياء بأي فلم والثورة لهذي اللقطات زادت بعد فلم Birdman اللي كان فني بحت والافلام من بعده تتفنن فيها وصرنا نستمتع بهذي اللقطات
    مثال ثاني 12 angry man فلم فني قائم على فكرة الحوار والمكان الواحد تخيل من دونه ممكن ماشفنا افلام ممتعة من هذا النوع والامثلة كثيرة
    لذلك اللي ابغا اوصله ان الافلام الممتعة ما تتجرأ تجيب شي جديد لأنه ممكن يسبب لها مشكلة ومهما كانت ممتعة اذا تكررت تكون مملة والحل يكون الاقتباس من الأفلام الفنية، طيب ممكن تجي تسأل ليش الفنية ماتصير ممتعة مثل الأفلام اللي اقتبستها منها؟ لأنها تبغا توصل فكرة والفكرة تستحوذ على الفلم كله بحيث توصلها بافضل شكل فني يمديك تستفيد منه

    بالنسبة للعبدالله وامسيه بالخير انا اخالفه بشكل كبير هي مش انك تكون راضي او انك تصنف نفسك من فئات معينة، اولا المتعة بالافلام الممتعة تكون لحظية بوقت الفلم وتروح مهما كان معجبك وامتعك بعد وقت معين بتنتهي، لكن هذا النوع من الأفلام المتعة تبعه تجلس معك وقت طوييييل كل يوم تتذكر هذا الفلم ترجع لك متعته
    ثانيا مثل ما قال أبو عمر المتعة اساسا لها أشكال، ومن اشكالها لما تستنبط وتستنتج الحاجة اللي موجودة بالفلم انت جالس تعيش نوع من انواع المتعة زي اللي يكون فيه تحدي بينك وبين والناس اللي ورا الكاميرا ومايقدمونها لك على صحن من ذهب.
    آخر شي بالنسبة للفلم روما ممكن تسمعون مراجعتنا له بحلقة افلام 174 وأعتقد من التعليق تعرفون رأيي حوله.

    وشكرا

  3. M7trf 11 سبتمبر، 2019 at 10:02 ص

    السلام عليكم ورحمة الله وبركاته

    اول شيء أعتقد أنكم فهمتم كلامي غلط، يوم قلت أن كفرناحوم فيلم اجنبي كان على أساس أنه ترشح لجائزة الأوسكار لأفضل فيلم اجنبي ، وانتم هنا تتحدثون عن أفلام هوليود ، والفيلم هذا خارج نطاقكم فيعتبر فيلم اجنبي

    أما بالنسبة للأخبار الي تكون فيها ترفيع للفيلم ، في الغالب هي وسيلة لجذب الفئة الي تشاهد الفن السابع بشكل غير دائم ، ولي هي للأسف الشريحة الأكبر في المجال ، لو تقوله هذا الفيلم من تارنتينو ما راح يتحمس لأنه مايعرفه ،الكلام أيضا ينطبق على خواكين ، ما راح يجذبه الاسم لأنه ماله في المجال هو فقط يشوف افلام الشباك أو الافلام الي عليها كلام كثير .

    أمأ بالنسبة لنا الشغوفين في هذا المجال ، ما نحتاج شخص يصفق 8 دقايق لخواكين عشان نتحمس للفيلم نعرف ان خواكين ممثل رائع و ترنتينو مخرج عظيم .
    وشكرا

  4. Alto 12 سبتمبر، 2019 at 12:01 ص

    السلام عليكم

    معاكم عبدالله .. صاحب التعليق السابق (ولو كان التجهيز مو كامل) ههههههههههه

    اتوقع فهم قصدي بالخطأ .. ربما لسوء في الكتابة مني

    القصد أن لما ذكرتوا في الحلقة قبل الماضية أن نزول الحلقة بالوقت المعتاد أهم من التأجير حتى لو كان التجهيز ليس كامل

    فكنت امتدح هذا الالتزام الطيب ، اللي تشكرون عليه في مواعيد نزول الحلقات .. فخانني التعبير .. وزعل علينا بوعمر 🙂

  5. K167909 12 سبتمبر، 2019 at 6:11 م

    السلام عليكم.

    معليش عندي تعليق دسم جداًّ:

    شف سالفة سبايدرمان أنا لا مع سوني ولا مع ديزني لكن من ناحية ثقة بالجودة وfull package أثق بديزني/مارفل أكثر من سوني.

    أنا أتمنى أشوف شخصية فينوم في عالم مارفل وما أتمنى يعيدون نفس العلاقة مع سبايدرمان.

    لي فترة أقرأ الكوميكس حقت سبايدرمان شف ما أنكر في قصص خاصة لسبايدرمان ممتارة لكن في قصص مرة ممتازة لسبايدرمان مع الأفنجرز والا مع فانتاستك فور ،التعاون والكميستري بين سبايدرمان و وولفرين من أحسن القصص الي قريتها في مارفل وهذا إلي خله فلمين سبايدرمان far from home و homecoming أعجبوني مرة أكثر من spider-verse الأنيميشن (مع انه رهييب وأعجبني لكن far from home و homecoming أشوفهم أفضل)وأكثر من أفلام سبايدرمان سام ريمي. “ترى تصريح ناري على فكرة”

    ليش ،قبل شهر جالس أشوف أفلام القديمة من الثمنينات الى الألفينية خل نقول الى ٢٠٠٩، جلست أشوف أفلام الي تعجبني زي Fightclub و Catch Me If You Canو Trueman Show وغيرهم ،قلت لنفسي خل أشوف سبايدرمان ١و٢ حقت سام ريمي لأني أذكره بذاك الوقت شفتهم وأعجبوني وعطيتهم ٩ “طبعاً الثالث إنسى” لكن لما شفتهم بعين اليوم عطيتهم ٧ شف ما أنكر انه فتح مجال أفلام السوبرهيروز الثانية وفيه أشياء جميلة بالفلمين لكن أنا أسف بس ما أشوفها نضج أشوفها تشيزنز و أغلب مشاهد الدرامية وسالفة الحب بزيادة كانت مملة ، توبي مشكلته كان جاد بزيادة وماكان فكاهي ،لكن على بعض جيدين وينشافون عكس Friday.

    وقلت لنفسي هل أنا الوحيد الي أحس هذا الشي والا أنا غلطان ورحت شيكت في السوشل الميديا والقنوات اليوتيوب الأجنبية طلع فيه ناس حسوا نفس الشي إلي أنا حاسه ،وفعلاً إكتشفت انه أفلام السوبرهيروز القديمة من الثمنينات الى الألفينية ماتنشاف الا Iron Man الأول ، Batman Begins و Dark Knight هي الأفلام الوحيدة ممتازة.

    يعني فوكس في البداية كانوا أوكي مع اول فلمين X-men وبعدها جابوا العيد في The Last Stand وأفلام فانتاستك فور بكبرها يعني الأفلام الوحيدة جابوها صح: first class – days of the future past – logan – deadpool 1+2.

    بس سوني قبل كانوا شغلهم ممتازين لكن مشكلتهم نفس مشكلة WB مع أفلام DC السابقة انهم يتحكمون بالتوجه الفني/Creativity ومايعطون الحرية الكاملة للمخرجين ،عكس ديزني انهم يعطون الحرية الكاملة للمخرجين سواء كان مارفل ،بيكسار والا ستار وورز، بس مشاكل سوني فعلياً بدأت مع Bad Boys 2 وMen In Black 2وكان سقطة عن الاجزاء الأولى وبعده جاء فلم الله لا يوريكم Talladega Nights The Ballad Of the Ricky bobby من إسمه سخيف وجاء بعده سبايدرمان ٣ وكان قمامة بمعنى الكلمة ولاقالوا خل نسوي Ghost Rider ونجيب نيكولاس كيج وجابوا العيد وسووا ريبووت لسبايدرمان لكن للأسف فلمين Amazing Spider-Man كان سيء جداًّ وكان نفس الريسايكل القديم والجزء الثاني حاطين خمس قصص مالهم دخل ببعض بطريقة سيئة ،بعدين سووا أفلام سطحية مع دينزل The Magnificent 7 و Safehouse و The Equilizer 1+2 ،في واحد فلم مب قمامة القمامة اسمه Pixels ولا زيادة على كذة بطل الفلم Adam Sandler فلم معفن،وهذا غير Zombieland – Step brothers – Emoji Movie – Ghostbusters 2016 – The Dark Tower – Holmes & Watson – MIB: International ،شف كويس سوني انه ماتدخلت بشغل كوانتن ترانتينو Once Upon A Time In Hollywood والا كان المخرج ،ليوناردو وبراد بت بيسحبون لو سوني تدخلت بالتوجه الفني.

    لكن أنا ما عندي ثقة بسوني أبداً ودي أكون إيجابي مع سوني بس ما أقدر عقب آخر كلامهم وهو (سبايدرمان كان بخير قبل ينضم لعالم مارفل ورئيس مارفل Kevin Feige لم يفعل شي.)

    أول شي كلام سوني أحسه كذب وبنفس الوقت غير محترم ،سبايدرمان ماكان بخير في افلامه الخايسة: سبايدرمان ٣ و Amazing Spider-Man.

    ثاني شي Kevin Feige هو وفريقه overseeing ٢٣ فلم لعالم مارفل السينمائي وجالسين يتعبون في الكتابة ويتعبون في ربط العوالم مع بعض وهذا بين لي انه استوديوهات مارفل يشتغلون بصمت الين ما يقرب موعد الإصدار لفلهم الجاي ويتكلمون عنه ،مب زي سوني يتفلسفون واجد بدال مايشتغلون أكثر وفلمهم لسه مانزل وباقيله أكثر من سنة.

    لأنه فعلياً سبايدرمان بدون MCU زي James Gunn بدون Guardians of the Galaxy

    والي أبغى أقوله بالأخير شخصية سبايدرمان هو جزء من مارفل مو تعاملونه كأنه شخصية مستقلة بزيادة زي Hellboy والا Spawn ،لا ومب بعد “أوه والله سبايدرمان ،فينوم ،Morbius وBlack Cat فقط هذا إسمه universe” ،لا غلط الـuniverse زي ماسووا مارفل بدأو في فلم أيرون مان وبعدها فلم ثور وجاء بعده فلم كابتن أميريكا وتقابلوا مع بعض في أفنجرز الأول وبعدين صارت كل أفلامهم الجاية مرتبطة ببعض ،خل نأخذ مثال سبايدرمان جالس يساعد الناس في نيويورك فجأة جاء بلاك بانثر يبغى مساعدة منه عشان فيه مشكلة كبيرة صارت في واكاندا مثلاً ،والا زي ماقال أبو عمر المضاربة بين فينوم وكابتن مارفل ،والا blade يصيد المصاصين الدماء ويقابل شخصية morbius ،والا شخصية Doctor Doom يطلعله تلميحات عنه انه بيكون العدو الأكبر لعالم مارفل.

    وبس يعطيكم العافية ومعليش على الإطالة.

Leave A Comment