كشكول أفلام 202

السلام عليكم جميعاً معاكم خالد وليد.

شفت فلم The Irishman وهذا رأيي عن الفلم:

الفلم ممتاز من ناحية الحوارات والتمثيل بين دنيرو، آل باتشينو وجو بيشي مرة ممتازين، الإخراج والسينماتوقرافي متعوب عليه، الموسيقى جميلة، الطرح القصصي كان جيد.

الشي الوحيد السلبي هو مدة الفلم وبعض الأحداث، مدة الفلم ثلاث ساعات ونص وهذا كان خلان أحس بعض تسلسل أحداث الفلم طوله فيه، في بعض الأحداث ممتازة لكن في بعضها لو خلوها أقصر كان أفضل.

بشكل عام الفلم أعجبني، وأنصح فيه وأتوقع بيترشح لجوائز الأوسكار.

————————————————————
عندي كم سؤالين:

1. وش أفضل فلم بالنسبة لكم لسنة ٢٠١٩ حتى الآن ؟

بالنسبة لي Avengers: EndGame هو أفضل فلم شفته لسنة ٢٠١٩.
ليش لأن جمع تقريباً كل Genra الأفلام في فلم واحد، تبي أكشن حماسي موجود، تبي طرح قصصي، إخراج، سينماتوقرافي، كتابة والتفاصيل متعوب عليها موجود، تبي كوميديا رهييبة موجود، تبي إثارة موجود، تبي تمثيل أوسكاري موجود وخاصةً بالممثل Robert Downey Jr تمثيله كان إبداع من أول مشهد الى آخر مشهد في الفلم وأتمنى يأخذ الأوسكار، معليش دينيرو ال باتشينو براد بيت كريستيان بيل ممتازين لكن Robert Downey Jr وأيضاً Joaquin Phoenix هم الي يستاهلون جوائز الأوسكار هذي السنة.
حتى فيه احتمال Robert Downey Jr ممكن يترشح لفئة أفضل ممثل مساعد بدلاً من فئة أفضل ممثل.

2. شفته تريلر لي Black Widow، جيمس بوند وBloodshot والا لا ؟
اذا ماشفته تريلر bloodshot نصيحة لاحد يشوفه لأن تقريباً حرق أحداث الفلم بكبره، في مقطع قناتكم في اليوتيوب تكلموا عن تريلرات الأفلام، bloodshot يطبق عليه المثل.

وبس يعطيكم العافية.