كشكول أنمي 200

السلام عليكم ورحمة الله وبركاته
يالله حي الشباب جميعا اللي جاء واللي ما جاء
حلقة اسطورية وفخمة لسببين الاول وجود السنباي القدير يامن نور الحلقة واحلى مفاجئة والله والسبب الثاني الحلقة كانت ساعتين ما حسيت بها ابددد ليتكم تكثرون من هذي الحلقات ( ادري بتزبدون بوجهي لكن ما عليه ) والسبب الثالث المخفي هو وجودكم اكيد لبى قلوبكم واحد واحد 🌹

عبدالرحمن بالحلقة مثل الشايب اللي بالمسجد يحتري الجماعة يمشون عشان يطفي اللمبات لو اقدر احط ميم هنا ( نيم انا ) حطيته 😂😂 اعترف كم مرة نمت بالحلقة ؟ حتى الفلم دكيستر جدعه عليك وانت مالك خلق ( الله يصلحه)

بعدين تعال يا يامن الحين الواحد يجلس ما يقارب الساعة عشان يلقى ترجمة لانمي ثم يقعد ساعة يحمل الحلقات ( اذا ما تستخدم تورنت ) ثم ينتظر التحميل لين يخلص هذي انت ونتك ، وانت تجي بكل برود تحذف ملف راديان ؟ لييييش لييييييششش 💔 ، والله اني قلته الحلقة اللي راحت وبقوله مره ثانية ( انتم خليتوا احد بيشوفه بعد السب ؟ بعدين تعال يا عبدالرحمن تقول بكمله 😂😂 ضحكتني انت ما شفت الا حلقتين ثم تجي تقول بكمله وبشوف الموسم الثاني ( حلم ابليس بالجنة ) عندي لك اقتراح تابع المانغا لين ما توقف الموسم الثاني تشابتر 28 وفيه اشياء كثيييير ما جابوها بالانمي ادري اني اهوش لكن تحملوني 😁😁.

فيه نقطة لفيلسوف تعال ما تابعت سولو ؟؟ بقول زي ما قال عبدالرحمن بجيك رجلية الحين واتفاهم معك تابعها والله اسطورية وجااامدة ( مع ان الفصل الاخير قصير ومخيب للآمال بس يله ) .

انمي دان ماتشي خوووورافي اتعب وانا استغرب من اللي للحين ما تابعه وش ينتظر ؟ من التوب عندي والله بالنسبة لي اشوف الموسم الاول افضل من الثاني ، ما اقول ان الثاني سيء لا بالعكس كان حلو وسرده في الاحداث كان كويس لكن ما حسيت بالمتعة اللي كانت بالموسم الاول ، واتفق مع دكستر حلقة 8 نهايتها اسطوووووووووورية والله اتعب وانا اقول اسطورية اللي بيتابعه لا ينسى حلقة 8 اللقطة مع الاوست اخخ ينتهي الكلام والله ان قلت اني عدتها 100 مرة فهي قليلة من قوة اللقطة اللي فيها تابعوه وبس.

انمي ما بعد المطر بحطه في اللسته اللي ما فيه امل تقضي اللي يقلع ابليس بتلت احط انميات فيها لو احسب الحلقات اللي بتابعها +500 حلقة تقريبا لكن احتري الاجازة تجي ونختم قدر المستطاع منها + شباب انتم مثلي ؟ وقت الاختبارات بدال ما تنجز في المذاكرة وتقضي اكبر قدر ممكن تنجز بالانميات😂😂 ، يعني انا حرفيا وقت الاختبارات خلصت 3 انميات منها الطفيليات ونوقيم نو لايف وماي سينباي بني قيرل هذولا قضيتها في اقل من اسبوعين انا منصدم من نفسي 😂 .

عندي سؤال لكم وش اكثر فلاش باك حزنتوا عليه او صحتوا عن نفسي ارك فيري تيل زيرو وماضي مايفيس 😭😭 خاصة اخر حلقتين .

بالنسبة لانميات ودي ان لها جزء جديد
كروركو نو باسكت
نو قيم نو لايف ( ما شبعت ابد من العالم حقهم)
عادي اقول هنتر ؟🌚

لكن فيه انمي انا ابي جزء ثاني Rokka مهب حباً فيه لا والله عشان اشوف القصة اللي ما قصوها اصلا انا ابي اروح لليابان بس عشان اشوف الكاتب وش في مخه هو زينا والا لا ، انمي حرفيا حرفيا قصته المفروض يكون قتال واكشن وكذا هذا المفروض لكن سوبحان الله فجأة الظاهر الكاتب كان معجب بكونان قال والله ما يصير احسن مني قلبه تحقيق طيب لييش لييييش لا واللي يغبنك اكثر ليته خلص انميه تحقيق لا في النهاية باخر حلقة اخر دقيقتين خلاص بتنتهي قصة كونان رجع مره ثانية لمسار قصته لييييييش ؟؟؟ ادري حرقت لكن لا احد يشوفه والله بينفجر غضبا انا لكم من الناصحين .

وبس والله ادري طولت لكن كالعادة تحملوني
ايه صح ترا في الاصل التعليقات 7 لكن فيلسوف ما يحب هالرقم قال والله لاخليها 27 وما قصر قول وفعل ابن البودكسات + لكم سنة ما رديتوا علينا
جانا ✋🏻