مراجعة سنة 2019 مسلسلات

السلام عليكم .
اسعد الله مسائكم بكل خير .
أنا عندي موضوع ابيكم تتحملوني فيه شوي ممكن يخالف جميع مبادئكم في كيفية حبكم للمسلسلات .
اولاً انا شخص يعشق الكتابة العميقة اياً كانت سواء في مسلسلات او في أنمي او في ألعاب .
بالنسبة لي مسلسل game of thrones أفضل مسلسل بلامنازع واللي تحته فيه بينه وبينهم ثغره كبيرة جدا جداً ، ببساطة لأن الكاتب العبقري جورج آر آر مارتن كان دارس الحورات والشخصيات والعالم وترابطها مع بعضها منذ البداية ، انا تعجبني الأعمال اللي يكون فيها اللور المترابط هو اللي يحرك الاحداث مو العكس وهذا صعب جدا جدا ولا شفته إلا بأعمال قليلة جداً فمثلاً المسلسل الرائع breaking bad يعتمد أكثر شي على اداء الممثلين أولا وآخراً الكتابة ، الكتابة في breaking bad ممتازة جداً لكن ليست الكتابة العميقة اللي فيها لور مترابط يحرك الأحداث ، قصة بريكنق باد تتبع مسار واضح وبالكاد يوجد ترابط في الأحداث فهي مجرد احداث تمشي للأمام بناءاً على احداث ظاهره ماضية ليست خفية وكلها ظهرت بالمسلسل ، طبعاً انا ما اقول ان هذا عيب لكن اسلوب breaking bad كأنه اسلوب مغامرة حياة بسيطة صحيح مدروس وفيه بناء ولكن الترابط العميق لايوجد فيه عشان كذا انا برأيي الأعمال الأمريكية أغلبها تتبع هذا الأسلوب لأنه بسيط فبتالي يكون الأعتماد على اداء الممثل أكثر ويكون casting هو النقطة المفصلية بالموضوع وانا صراحة ما أفضل هذا الأسلوب لأنه بشكل تلقائي يهمش دور الكتاب ، فعشان كذا game of thrones بمواسمه الأولى يتعبر ظاهره لعمق الكتابة والعالم المترابط والاحداث اللي يحركها اللور الغامض اللي الكاتب خطط عليها منذ البداية هذي تحتاج جهد عقلي لا اجد الكثير يتقنوه
وانا صراحة ألاحظ هذا فيكم فأنتم في هذه المراجعة لم تكتبوا ” أفضل كاتب ” او مثلا” افضل كاتب بالعقد ” مع انكم تقولون ان الكتابة في المسلسلات أهم شي لكن بالنهاية لا أرى هذا الشي بأرض الواقع .
لو تسألوني ماهي أفضل المسلسلات لدي بقولكم
game of thrones بلا منازع وأسلوب الكتابة الخارق جدا جدا
DARK المسلسل الألماني اللي دايم يفجر عقلي بكتابته وتعقيده
leftovers وقصته الفلسفية الرائعة
والسلام عليكم .
هذا أول ردي لي وابي تعيقبكم على كلامي
ولأنه في جعبتي المزيد من الآراء ايضاً ولكن ما ابي احرق الكروت من الحين اذا ماكنت تمانعون تعليقاتي التي ربما تكون مزعجة وغريبة لكن هذا رأيي 🙂