كشكول ألعاب 207

السلام عليكم ورحمة الله وبركاته، يعطيكم العافية يا شباب على الحلقة الرائعة. أنا سألتكم عن ألعاب على pc وماشاء الله ماقصرتوا. بس واحد منكم نصح بألعاب strategic مثل ستايل league of legends. استحملوني شوي، أنا هذا الشي في صدري من زمان وودي أقوله. الألعاب مثل ذا الستايل مال أم أم أمها داعي، ألعاب سامجة واللي يقهر ان لها فانز و منافسات وفرق محترفة 😭😭😭 ( واو أخيرا قلت لأحد لأن الموضوع قاهرني من سنين)
فيه موضوع ثاني:
فيه لعبة جديدة نازلة نهاية ٢٠١٩ “GTFO”. بصراحة لعبة رهيييييبه. ما أدري اذا تكلمتوا عنها. اللعبة عبارة عن 1st person shooter
Strategic, stealth طبعا نظام انك تدرعم وتطلق ماينفع، بتنجلد انت وفريقك. تتكون من ٤ لاعبين ولازم تكونون على اتصال دسكورد عشان تتواصلون مع بعض. والأفضل انكم تكونوا أخويا عشان اذا غلط واحد تجلدونه 😂😂😂😂😂. تنزلون في سجن مكون من طوابق وكل مانزلت طابق كل مازادت الصعوبة ويكون عندكم task تكملونها وفي كل طابق في تيرمنال لازم تهكرونه وتدخلون كود. ما أدري من وين تجيبون ذي الأكواد، هل من موقع اللعبة أو تظهر لأحد اللاعبين أو من النت. المهم الخريطة مشتركة بين الجميع ونظامها ان اللاعبين لما يتحركون تنرسم الخريطة. طبعا السجن هذا فيه وحوش sleepers يستجيبون للحركة الكثيرة والفلاش لايت اللي مع اللاعبين. طبعا فيه أكثر من نوع من sleepers فيه الصغار والكبار والكشافة. كل لاعب عنده مطرقة و مسدس، تقدرون تتسللون ورا sleepers وتقتلونهم طبعا مع بعض في نفس الوقت كل واحد يقتل sleeper عشان كذا لازم تكونون في اتصال مع بعض. والأفضل انكم تحددون قائد بينكم عشان تكونون متفاهمين. شفت مقطع بسيط ل Markiplier وهو يلعبها مع ٣ من أخوياه بصراحة اللعبة جدا جميلة. أنا ودي ألعبها بس ما أعرف أحد على ستيم😭😭. بنتظر أخوي يخلص من الجامعة ذا السمستر و ألعب معه ومع ربعه والوعد الصيفية بإذن الله.