كشكول أنمي 205

السلام عليكم ورحمة الله وبركاته
يالله حي الشباب جميعا اللي جاء واللي ما جاء
شخباركم وش مسويين عساكم طيبين ، بعدين شوي شوي على يامن يا عبدالرحمن تراه تبعنا حنا قبل لا يصير تبعكم ابناء التعليقات بعضهم لبعض 🧡 يا صاحب المشاعر والاحاسيس😂 وين الشباب ليش ما فيه الا تعليق فيلسوف ؟ كذا انا اضطر لاتخاذ اجراء طوارئ واعوضكم .

لاه لاه لاه منب مصدق معجزتين حصلت بحلقة وحدة ما تصير هذي الا بالحياة مرة وحدة لازم تسجل بالتاريخ هذي الحلقة ، رقم واحد قيثم غايب 💔 والله فقيدة هالادمي ما يشوف شر ان شاء الله ويرجع بالسلامة ، رقم اثنين واخييييرا تحقق واحد من احلامي عبدالرحمن ((((( يصيح ويدمع ))))) واخيرا ها بديت تحس باحساسنا اذا صار لنا زي كذا لا عاد اسوفك تقول يا ضعيف 😂😂 يله عقبال الجايات ان شاء الله يالضعيف.

يا جماعة نبي حل والله كل المانهوات طلع لها انمي الا سولو هل فيه مشكلة بينهم والا هو ما يبي لها انمي لانه بيطلع خورافي لو صار + هل تتوقعون الانميات الكورية تبي تغطي على اليابانية ؟ يعني المقصد في حال نزوله والصيت اللي يجيه مهب مثلا على مر السنين اتكلم عن مثلا وهو ينزل حلقة بحلقة .

يا اخوان انا طايح بحركة ودي اوقفها بس ما اقدر ألا وهي اني اتابع اكثر من انمي بنفس الوقت فمثلا حاليا قاعد اتابع aho girl ( يا رب عناد ما يشوفها ويقول مافيه واقعية) وايضا بنفس الوقت اتابع fate stay night unlimited blade works وهذا بداياتي في سلسلة فيت وبرضو اتابع Blue Exorcist خووورافي مدري اذا شفتوهم والا لا ، وهل انا لحالي اللي يسوي هالحركة 😂😂 .

انا ابي اموت واعرف ليش عبدالرحمن يقول ( بنراجع انمي اليوم ) ليش ما يقول فلم انمي تراك توترنا بهالكلمة اروح اتاكد هو فلم والا انمي ، عالعموم انا بروح اشوفه اليومين هذي ان شاء الله ومن مدحكم له شكلي يالحطة رقم 1 بقائمة المشاهدة 😋.

بعد ما علمتوني على تشابتر حق المحاكمة لانمي بطل الدرع رحت اشوفه قلت الحين داخل على ذبح وذبيح ودم واسكت بس ، ادور شي فيه سوداوية ما حصلت ما ادري هل لاني انا ما لاحظت شي والا لان طلع بالانمي شي منه لكن ما اشوف ذاك الاختلاف الكبير الحاصل بينهم احسه نفسه مافيه الا لقطة وحدة بس لناوفمي بس غيرها ما لقيت شي يسوى انك تفضلها على الانمي او تقول انها السوداوية فيها اكثر ب 10 مرات ، تهاوييييل .

قيثم يمكن ما جيت الحلقة الماضية لكن اكيد لازم تسمعها والا تدري شكل اعضاء البودكاست كله ما يسمعون الحلقة😂 من يوم دريت ان ما احد منكم سوا حساب بالموقع وانا غاسل ايدي لكن المهم تكلمت انا عن انمي الفاشن اللي تقول ما فيه امل اشوفه رح شف تعليقي وتعال + حاي اذكرك مره ثانية فيه التصنيف بتاعك دووووس يا وحش 😉.

اوكي هنا المفروض اني اكتب جوابي لسؤال الحلقة لكن مدري وش اللي صار وما سألتوا والا انتم حاطين لغز نطلعه من الحلقة ؟؟؟ وش هالحركات الخطيرة يا عبدالرحمن ما دريت انكم فنانين لهالدرجة ( اجحد الترقيعة عاد ) ، دامكم ما سألتوا خلوني انا أسالكم اجل وش اكثر مانهوا من الاربع متحمسين لها ولأنميها ؟

وبس والله معليش على الاطالة تحملوني شوي زود ونحتري الحلقة بفارغ الصبر 🤍🤍🤍