كشكول أنمي 206

السلام عليكم ورحمة الله وبركاته
يالله حي الشباب جميعا اللي جاء واللي ما جاء
حلقة خورافية اسطورية اهنيكم على الحلقة هذي صراحة ومنووور حسين 😂😂 ليتك تجي بدال كم واحد ببالي 🌚 ، عبدالرحمن شكلي عطيتك عين يوم قلت تحضير عسكرية الله يستر بس .

يامن خذ راحتك شغل مراوحك على 70 معذور فيه احد ما يحب فيت والا للحين ما تابعه ؟ طبعا غير اللي علمي علمك هذاك مدري ليش للحين ما تابعه الله يصلحه ، لكن الشكوى لله ما ندري وش نسوي به اقنعوه وحاولو فيه .

صح شباب بغيت بس اطلعكم خبر جميل لي وسيء لكم Radiant بيحصل على موسم ثالث المصدر (dude trust me)
لا لا صدق اعلنوا بحسابهم انه بيطلع له موسم ثالث ، والثاني صراحة كان خورافي مع انه كان على ارك واحد لكنه شامل اشياء كثييييره .

شباب حسين هذا لازم تجيبونه مره ثانية😂😂 بس تكفون تكفون لا تخلونه يقص قصة لان الصراحة الفهم بالسالب ليته صفر بعد + يوم جت فقرة يامن ويبي يشغل المراوح عشان فيت حسين راح يشفط بيبسي الانسان ذا رهييييب 😂😂😂 يا حبي له ولا عزاء لاعضاء البودكاست اللي حشيتوا فيهم حشششش رهيب والله حلقه حلوه 😂.

صح على الطاري حسين متى التحدي وصلت التعليقات 15 يله نحتريه بالقناة حقت كشكول 🔥🔥 + وش هالشغل ؟؟ ما عرفتكم يا خطيرين يا خورافين يا ( امدح زود ؟ ) يعني بعد ما قفلتوا على البودكاست الآن بتتسيدون اليوتيوب ؟ يا قوكم والله ، لا صدق شغل بطل اهنيكم ابو عمر مبدع اهنيه الصراحة + تكفون جيبوه هنا والله للحين اتذكر حلقته اللي سفل فيها بذاك العمل ( حسين شكلي سأخطو خطاك وبتجين طعنه 💔😂) .

على طاري فيت توي مخلصت انلمتد بليد وورك طيب ، الحين وش اسوي انتظر لين ينزل الفلم الثالث من هافنت فيل والا ابدا بزيرو + تراي منب عجل اقدر اصبر فنصايحكم + اذا خلصت منهم كلهم وش اشوف عطوني المسارات والشخصيات اللي فيها يمكن يجوز لي شي واتابعه .

ياخي عندي تساؤل يدور في ذهني من يوم بديت اتابع البودكاست ابي اجابة صارمة من القائد السؤال مرعب شوي وقد يهز كيان البودكاست وقد تتناقرون فيما بينكم الا وهو ( متى البودكاست يمثل نفسه ؟ ) تعبنا والله تعبنا عطونا الاجابة .

بعد ما تابعت انمي kenja no mago وصراحة كان بالنسبة لي ( لي انا ذوقي انا ) شي اسطوري اكتشفت بعد ما علمني واحد ان المانغا حقته افضل بكثييير من الانمي حتى انتم قلتوا كذا بعد ان الانمي ما طلعوا المانغا على المستوى المطلوب فقررت بعد مشاورة لنفسي اني ابدأ ابحر في هذا العالم وابدا اقرا مانغات و ان شاء الله اني اعرف لها لاني الصدق اكثر من مره حاولت ولا عرفت ما ادري شلون ارتب الكلام لكن الزبدة ابي مانغات حلوة ومنتهية وتكون ابو 30-40 تشابتر خفيفة وحبذا لو يكون تصنيفها سحر لاني اعشق هالتصنيف + حق قيثم اكيد محد ما يحبه ، اوكي عبدالرحمن تقدر ترد علي مقولتي المعتادة ( حلم ابليس بالجنة) .

سؤال الحلقة ما عندي شي محدد الصدق كل اللي عندي ودي لها موسم جديد .

في النهاية الحمد الله على سلامة الاعضاء اللي جو واللي ما جو الله يوفقهم ويسهل امرهم حتى اللي جايين طبعا ، ادري طولت وكتبت واجد لكن هذا التعليق لعيون قيثم هو اللي قالي اكتب تعليق طويل عاد مشكلته 😂😂❤️ ، وبس والله الله يوفقكم ويسعدكم جمييييعا .