كشكول ألعاب 211

بقلم:

محتويات الحلقة
تكلمنا في بداية الحلقة عن ألعاب لعبناها وتجربتنا للعبة
My Hero One’s Justice 2

وبعدها تكلمنا عن لعبة
Resident Evil 3 Remake  واللي خلانا نتسائل هل شركة Capcom هي ملكة ال
Remake

وبعدها تكلمنا عن لعبة
DOOM Eternal

وبعدها تكلمنا عن اللعبه الي سحرتنا
Ori and the Will of the Wisps

واخر لعبة تكلمنا عنها
Nioh 2

وبعدها تكلمنا عن الألعاب اللي راح تنزل من تاريخ 23 مارس إلى 2 أبريل

وبعدها ناقشنا اخر الاخبار
ومن اهمها فروقات بين مواصفات الاجهزة القادمة
Xbox serios X و جهاز Playstation 5

وأخر شيء إستمتعنا بتعليقاتكم وإسئلتكم بالموقع

الحضور
فايز, بويوسف, علي, فيصل

والضيف
جيكس GEX

حساب الضيف في التويتر

@GgameEfactsX
By |2020-03-23T10:15:00+03:00مارس 23rd, 2020|بودكاست|7 تعليقات

7 تعليقات

  1. ibrahim_1243 23 مارس، 2020 at 2:59 م

    ori
    من اجمل العاب عندي بس قررت اجلها لوقت اخر لاني ودي العب هولو نايت بعدين اجيها

  2. salmanaldossary1991 23 مارس، 2020 at 9:55 م

    يعطيكم العافية ي فريق كشكول صراحه ساعتين واربعين دقيقه بدون ما اطفش ابداع .
    بخصوص الجيل القادم من ال بلايستيشن و الاكسبوكس التنافس الى يصير بينهم شي من صالحنا زي ما ذكر اخوي فايز لان هذا الشي راح يخليهم يطلعون افضل ما عندهم وراح يخلينا نستمتع في الالعاب وفي الحصريات حقتهم بس اهم شي لا يخذلونا في السعر لاني ناوي على الجهازيين.
    والشي الثاني بخصوص العاب الشوتر مع الانترنت الفايبر والتطور الملحوظ في النت عندنا في السعودية لا تزال العاب الشوتر مكررة وممله جدا في كل الالعاب ماعندهم غير تطوير سلاح تمشي وتقتل وبس واذا جاك واحد قدامك اقعد نطط واطلق عليه لما ربي يفرجها يعني مافيه استراتجيات صراحه .
    والشي الاخير بخصوص شركة كابكوم صراحه اخر السنوات شفنا منها اشياء جدا جميلة صحيح ان اغلبها ريميك بس الالعاب جدا قوية اتمنى ان كونامي تصحى من النوم وتشوف ابداع شركة كابكوم كيف كانت وش صارت الان وتبدا تطور لنا العابها القديمه زي شركة كابكوم

    واخر اخر شي زين ان فيصل صمل معكم لين نهاية الحلقه ههههههههه

    واختم كلامي استمرو على الابداع 👍

  3. salmanaldossary1991 23 مارس، 2020 at 10:08 م

    ونسيت اضيف شي بسيط بخصوص الننتندو
    صحيح اني ما اني من عشاقه ولا قد شريت ننتندو غير السويتش وصحيح انه جهاز بعيد التنافس عن السوني والاكسبوكس بس صراحه فيه العاب تخليك تعيش جو وتخليك تركن السوني والاكسبوكس على جنب بس عشان تخلص العابة هذا التعليق ماهو تحت تهديد فايز كتبته وانا بكل قواي العقلية وشكرا 😂

  4. ibrahim_1243 23 مارس، 2020 at 10:24 م

    من ناحية ps5 اتوقع تعثر مشاكل تصنيعية لان واضح عدم تركيزهم على التبريد ولا تنسى مشاكلهم في الجيل ps4 صوت مزعج وتبريد سيء
    فاتوقع او نسخ من البري اورد راح تكون مضربة

    وسعد مستحيل اللودنق يكون من الماضي لان يعتمد على المحرك وطريقة التصميم وما اتوقع حتى بمحرك سونيراح يبقى لودنق يبي يخف لكن لن يزول
    ووقف تطبيل لجهاز الذي بلا قيمة
    وانظر الى نور نتيندو الجميل

  5. Kha_21 24 مارس، 2020 at 12:56 م

    السلام عليكم
    عندي سال بخصوص final fantasy 7 remake هل راح تنزل كاملة ولانظام حلقات .وهل اذا شريتها مره هل بدفع مره ثانية .يعطيكم العافية

  6. Mr.Ahmed 30 مارس، 2020 at 8:16 م

    سلام عليكم
    مبدعين وياليت حلقات البودكاست تستمر بهذا الطول. وخاصة في الفترة الحالية.
    عموما فيه شي صار لي مع لعبة من العاب EA خلاني اكره هالشركة اكثر، اللي صار هو انا احب سلسلة need for speed. ولعبت كل أجزاء هذي السلسلة. اذا تذكرون المصيبة اللي سووها في جزء nfs payback وكيف انهم اعتذروا بعدين وقالوا انهم بيشيلون صناديق الغنائم من اللعبة. وان الأجزاء الجاية من هذي السلسلة ماراح يكون فيها microtransactions. عموما. لعبت need for speed heat وبعد تقريبا 50 إلى 60 ساعة لعب وبعد ماخلصت تقريبا كل شي في اللعبة. مابقى لي غير الcollectables واجيب البلات. اللي صار اني بعد تقريبا 3 ساعات لعب جمعت كل شي ولكن ماطلع لي التروفي. في البداية فكرته قلتش او اني يمكن نسيت شي. ولكن فتحت الخريطة واكتشفت ان فيه اشياء كثيييير ناقصتني ولكنها ماتظهر في الخريطة. طيب تدرون وش السبب؟ السبب ان EA قررت انها تخفي التجميعات وماتظهر لك الا بطريقتين. الأولى انك تستكشف الخريطة كاملة بنفسك والتجميعات ماتطلع لك الا اذا قربت منها. والخريطة جدا ضخمة ومشكلة هالطريقة انك تحتاج اكثر من 5 ساعات عشان تجمع الاشياء اللي ناقصتك.
    بس عشان EA شركة محترمة وتحب انها تريحك وماتخليك تضيع وقتك في الاستكشاف. اعطوك طريقة ثانية سهلة وماتكلفك الا 6 دولار بس. شفتوا كيف انهم ناس طيبين. وحتى كاتبين في الوصف في المتجر اذا ماتبغى تضيع وقتك في الاستكشاف تفضل هذي الحزمة اللي تفتح لك كل التجميعات في الخريطة وب 6 دولار بس!!
    طبعا يخسون ادفع لهم. اصلا اللعبة شريتها بنص سعرها مع التخفيضات لاني ما ابغى اعطيهم 60 دولار. لأنهم مايستاهلون هالمبلغ. وطبعا اخترت الطريقة الأولى. والحمدلله حصلت خريطة في redit ولكن حتى مع الخريطة اخذت حول 3 ساعات عشان اجمع كل شي. عموما بعد هذي الحركة كرهت الشركة زيادة على كرهي لها.
    اسف عالاطالة لكن هالموضوع غبنّي، وجيت افضفض لكم.

  7. AFS.abdulziz 31 مارس، 2020 at 2:23 ص

    السلام عليكم الله يعطيكم العافية حلقة رائعة
    لكن انا استفزني كلامكم عن war zone خاصة علي انه يقول ان اللعبة تجبرك تشري اللعبة كاملة عشان تلفل سلاحك انا عندي اللعبة من زمان لكن سحبة عليه الى ان نزل war zone و انا صرت اذ بغيت اطور سلاح اروح العب warzone ال xb هناك مجنون لدرجة ان فيه سلاح ماعمري لعبت به بالعبة العادية وصل اخر لفل بس من كم قيم

Leave A Comment