كشكول أفلام 213

السلام عليكم
هاذي اول مرة اشارك معاكم اختكم عايشة من الامارات
انا اتابعكم من زمان بس من كثر حماسي بعد مراجعتكم لفلم كيل بيل حبيت اشارك
مدري كيف هذا الفلم كان غايب عن بالي رغم اني من محبين كونتن ترنتينو
الفلم ابهرني جدا من جد “بيور انترتيمنت” كونتن ابدع ابدع ابدع التركيبة الامريكية اليابانية الصينية عجييييبة خصوصا مقطع انمي كان مفاجئة جميلة في نص الفلم
كل شي ابهرني من المشاهد القتالية لزوايا التصوير القصة والحوارات كل شي ١٠ على ١٠ على راي اخونا عبدالله الفلمين ولا غلطة
وفي اعتقادي التمثيل في الفلم المفروض ما نركز عليه لانه يعتبر شي ثانوي لو بتقارنة بالاداع في الكتابة والتصوير والاخراج لكن اتفق معاكم الجزء الثاني كان افضل من هالناحية لكن هذا ما يقلل من جودة الجزء الاول ابدا
الشي الويحد الناقص كان ودي يكون في اعضاء كشكول اكثر عشان نسمع رايهم وانطباعهم عن الفلم
يعطيكم العافية وشكرا جزيلا
عندي طلب ما عليكم امر لو كل عضو يشاركنا لستته الخاصة بافلام لازم نشوفها “مست سي موفيز” على قولتكم افلام المحنكين الي هي ١٠ علي ١٠ عسب كلنا نستمتع باذواقكم الجميلة