كشكول أنمي 209

السلام عليكم ورحمة الله وبركاته
يالله حي الشباب جميعا اللي جاء واللي ما جاء
حلقة ممتعة وجميلة وتعليقي بيصير دسم لسببين الاول لان ما وراكم شي و 24 ساعة بالبيت الثاني لان بعد ما وراي شي ومالي الا ان اكتب لكم فتحملوني ( يااااله يمديك يا عبدالرحمن تشرب موية )

بس قبل لا ابدا التعليق حاب اقول شي لعناد ارجوك ارجوك لا تتدخل بعلاقتي مع عبدالرحمن حنا احباب ونعرف نتعامل مع بعض وبعدين تراي اعرف اكتب دكستر وبعدين من متى اسمه عبدالرحمن ؟ اقصد بالبودكاست يا اما دكستر او اسم اخر قديم كلنا عارفينه 😉 ، عبدالرحمن ما عليك منهم لا يخربون العلاقة اللي بيننا تراي احبك ومن حبك طقك لكنك منتب عندي عشان اطقك والا اتمنى ذلك 🤤 .

طيب بما ان سؤال الحلقة يمسني كثيرا ببدا فيه ، انا في صدد متابعة عملين كبار وعظام واحد منهم انمي معروف ومشهور توي ابدا اتابعه وصلت في الجزء الاول الحلقة 90 تقريبا والعمل الثاني مانغا نصحني فيها الاخ فيلسوف وليته ما عطاني اياها طبعا منب قايل لكم وشي بخليها مفاجأة لين اخلصها واقولكم رأيي عنها ، وهذولا الاثنين ماخذين وقتي وشاغلينه لكني تابعت اعمال مثل كونوسوبا الجزء الاول و تابعت بني قيرل سنباي الفلم حقه واللي ما ادري وش النهاية حقته المحيوسه وفيه فلم خووووورافي اسمه the anthem of the heart لا يفوتكم خاصة الاغنية اللي في النهاية 🥺🥺 ، ايضا عدت كم حلقة من كذبتك في ابريل لاننا في ابريل لازم نشوف كم حلقة منه .

عناد يا عدو الفرحة والبهجة مهب عشانك الوحيد اللي ما يجلس بالبيت تعطينا اشياء كئيبة وتحثنا عليها ؟ تبينا نصيح من اعمالك السوداوية ؟؟؟ ( عطني فلم يصيح تكفا قضن اللي عندي ) ايه نكمل يا عدو الفرحة .

اييييه يا دحتوك من قوة الحجر اللي انت قاعد فيه أُجبرت ان تقرأ مانغات لكن مهب هنا المشكلة ، المشكلة اكبر بكثير خلوني اقولكم وش المعاناة اللي عايشها طبعا من قايل اسم المانغا عشان ما احد يحرق علي + تشويق ايضا هي مانغا طويلة ابو 350 تشابتر ، المعاناة قبل لا تصير بالاحداث ولا تصير بالكاتب المعاناة بالترجمة يا جماعة💔💔 طبعا محدثكم تقوله how are you يرد عليك i am 20 yaers old يعني الانقلش في جهة وانا بجهة فأضطر اني اتابع بالعربي ومشكلة المترجمين ( الحجب ) تروح عليك نص المتعة والفله اوه اقصد الاحداث والحوارات اللي تصير بسبب اثنين متفصخين وحاجبهم المترجم ولا بعد ليتكم تشوفون الجودة حقت الصور يرجال برنامج السكانر افضل منها ، يله الشكوى لله هذا كله كوم والاحداث اللي تصير بالمانغا كوم ثاني مدري شلون كنتم مستحملينها؟؟ يعني انا قريت تشابتر 100 وقفلت الايباد ولي ثلاث ايام ما فتحت المانغا من الصدمة اللي حصلت لي 💔 الله يهديك يا فيلسوف يوم انك عطيتني اياها بسسس💔 ، طبعا نسيت اقولكم اذا ابي اناظر الصفحات المحذوفة اروح لمانغا روك اشوفها بالانجلش معاناة والله 💔😭.

فيلسوف لا تخاف تكتب اي شي بالتعليقات حتى لو ما قراه عبدالرحمن ترا خلاص الان نحن في عصر يعيش فيه رئيس حزب #تصنيف_قيثم اكتب اللي تبي ووسع صدرك فلن يردعنا احد من امثال هؤلاء الغرباء المدعويين بعدالرحمن وامثاله ، ومره ثانية يا عناد عبدالرحمن اللي هو الوهيبي مهب الثاني عشان ما تجي وتقول من تقصد يمكن ديكستر .

بالنسبة لتوصية الحلقة اخيرا ظهر الحق وسبيتو شي اقوى من راديان وعلى ذلك منب شايفه لكن يا شباب لا تحكمون عليه من سيزون واحد تابعوا السيزون الثاني تراه افضل من الاول وفيه حقائق تكشف ( خف علينا يا كونان ) لا صدق خلوا واحد منكم يتابع السيزون الثاني بما اننا فاضيين يعني ويعطينا رايه انا اثق برأي …. والله ما فيه احد مدحه للاسف عشان اثق برأيه 😭😭 .

اتوقع سمعتوا عن التاجيل اللي حاصل بالاعمال وكذا واول واحد ممكن تنغبنون عليه هو ياهاري مع اني ما تابعته لكن الخبر يطلع قبل العرض بيوم ؟؟؟ شي يغبن على العموم انا ما تابعت اغلب الاعمال اللي تاجلت لكن الوحيد اللي تابعته ولا تاجل للحين هو كاغويا و ان شاء الله ما يتاجل ، لكن الصدق الصدق لو ياجلون دان ماتشي هنا صدق بصيح والله ممكن تفقدوني بالتعليقات من كثر الهم اللي بيصير لي انا ما ودي اتخيل السيناريو اللي بيصير والله ممكن انهار كلش الا الموسم الثالث تكفون 💔💔 ، والا الكور الثاني حق هايكيو هنا بقول قابلوني عند الجسر المعلق ومعاكم كميرا لتوثيق الحدث .

ادري طولت لكن فيه شي ببالي من زمان ابي اسمع وجهة نظركم فيه وانتم جالسيين بالبيت فاكيد ما وراكم شي ، الزبدة الموضوع ومنب مطول ابي رايكم في فيري تيل اللي متابعه سواءا للنهاية او موقفه ابي اسمع وجهة نظركم فيه ، ممنوع ذكر كلمة قوة الصداقة 😂😂 لاني عارف انها اول شي يخطر ببالكم اذا تبون رأيي فانا اعطيه 8/10 باختصار ما ودي اطول .

في النهاية اسف اذا طولت لكن هالمره بس 🙏🏻😓 و ان شاء الله اني ما صوت ثقيل عليكم لكن مشتاق لكم وقلت لازم افضفض بمشاعري لكم فتحملوني والله يسعدكم جميعا 🤍