كشكول ألعاب 213

سلام عليكم
هذي اول مشاركة لي في بودكاست العاب 😘
حسيت انه آن الاوان عشان اسوي تسجيل دخول

مادري شلون صراحة للحين باقين متحمسين للاست اوف از بارت ٢، بعد الكشف عن توجههم الخبيث وعن تغيير جو القصة من “الكفاح من اجل النجاة” الى “الانتقام من مناهضي الشذوذ من اجل علاقة رومنسية شاذة” هل فعلا بيكون شي حماسي انك تعيش من زاوية نظر انسانة شاذة وتترمي عليك كل المبادئ والقيم والمعايير المغلوطة والملخبطة عشان تروح وتذبح جميع من يملك رأي مختلف عنها؟ وانت كلاعب مالك اي قدرة على توجيه الاحداث او اختيار اي طريق مختلف؟، هل راح يكون شي حماسي انك تشوف مفهوم التدين يتم تصويره على انه شي وحشي وان المتدينين اللي يأمنون بأن الشذوذ يعتبر ذنب عظيم يتم تصويرهم على انهم ارهابيين ووحوش تذبح حسب افتراضات فكرية معينة؟ ادري انها في نهاية اليوم تعتبر لعبة
ولكن حتى الالعاب لها تاثير كبير على الناس، ومثل ما تشوفون اليوم شلون الجيل الصغير يتبنى بعض الافكار الغربية من دون اي قدرة على الفلترة، وهذي اللعبة راح توصل لهم ١٠٠% بسبب البهرجة الاعلامية اللي تحظى بها اللعبة، قد يقول البعض ان اللعبة تصنيفها ام وغير موجهة للاطفال، وينسى ان معظم اللي يلعبون جي تي ايه او كول اوف ديوتي هم من جيش التسع سنين، وقد يقول البعض “في العاب اخرى فيها شذوذ ليش جت على هذي؟” رغم الفرق الكبير حيث ان معظم الالعاب الاخرى مثل ماس ايفكت او دراغون ايج وحتى العاب صغيرة مثل لايف از سترينج دائما يكون الخيار في التعرض لهذا النوع من العلاقات بيد اللاعب، ولكن لاست اوف از تسلبك حق الاختيار، او العاب مثل اوفرواتش حيث حضور هذي الافكار شبه غير موجود ولازم تقرأ شي خارجي عشان تلاحظه، ولكن لاست اوف از متبعين اسلوب اون يور فيس، اللعبة كلها تدور حول الشذوذ الجنسي والترويج له والحرب ضد حقيقة ان الشذوذ الجنسي يعتبر ذنب وان اللي يصدقون هالشي هم ناس رجعيين وارهابيين، انت طول الووكثرو حقك ما راح تنسى ان الشذوذ له حضور في اللعبة وانك تحارب وتقتل من اجل الشذوذ. ادري ان الجرافيك شي اسطوري والانميشن احسن ما يكون، والجيمبلاي راح يكون خرافي ولكن هل ستكون التجربة الكاملة مع كل اللي ذكرته فوق شي لطيف وجميل، هل راح يكون شي ممتع؟

لاست اوف از الاولى كانت من افضل الالعاب اللي لعبتها بعيدا عن حقيقة ان الدي ال سي قدم ايلي الشاذة وبعيدا عن حقيقة ان في شخصية شاذة في اللعبة الاصل، الا ان الشذوذ نفسه ماكان ابد محور القصة وكان مثل وجود الشذوذ في مسلسل مثل قيم اوف ثرونز، حضور جدا جانبي وقابل للنسيان والتغاضي والناس راح تقول لوع الله جبدكم وراح ينسونه بس في حالة بارت ٢ مافي مجال للتغاضي ومافي مجال للنسيان لانك (انتي شاذة) في اللعبة ولانك (انتي (رايحة تنتقمي عشان حبيبتك) من (الارهابيين المتدينين اللي يكرهوا الشواذ)

فمرة اخرى يا اعزائي شلون للحين باقين متحمسين للاست اوف از بارت ٢؟

نجاح هذي اللعبة تجاريا راح يكون كارثة لصناعة الالعاب بتشوفونهم يصيرون اكثر جرأة في طرحهم مواضيع مثل الشذوذ الجنسي والتحول الجنسي والى اخره من افكار اختلاط الحق بالباطل، ماكو لعبة راح تخلوا من هالفايرس الفكري.. اذا هاللعبة نجحت

اتمنى اللعبة تفشل، عشان ما تتغير صناعة الالعاب اللي نحبها -بصورة اسرع- الى الاسوء.

من الاشياء اللي راح تكون مؤلمة ايضا الحلطمة اللي راح نشوفها على قرار منع اللعبة من دخول دولنا، وانا ١٠٠% مع اي قرار منع لهاللعبة.

في النهاية شكرا ويعطيكم العافية