كشكول أنمي 212

السلام عليكم ورحمة الله وبركاته
حي الله الشباب جميعا اللي جاء والل ما جاء
عناد بيجي والا مهب جاي ؟ عشان خلاص اثبت تعليق اللي جاء وعناد ، الزبدة هذا التعليق الحقيقي اللي فوق كان عن نوبة غضب فغضوا البصر 🌚 .

بحاول بحاول في هذا التعليق ما اذكر اسمك يا عبدالرحمن واخفف شوي من الانفعال ضدك نقول ان شاء الله اني ما اكتبه بهالتعليق ، ( بعد ما راجعت التعليق بعد الكتابة طلع اكثر واحد انكتب ) .

الحلقة عبارة عن بودكاست كشكول انمي ، تقني ، العاب ، انا اقترح يوقفون البودكاستات الثانية وانتم تكملون شرايكم ؟ العيب في المقدم غيروه وتسلك اموركم اني لكم من الناصحين #الانقلاب.

بالنسبة للركومنديشن وخاصة المانغات يخي انتم عرب ؟ جيبوا شي مترجم على الاقل ارحمونا ياللي ما يعرفون انجلش ويحاولون بقدر المستطاع انهم يدورون شي مترجم وانتم تخربون علينا 💔 ، عشان كذا قفل مانغا روك تستاهل انت وياه عشان المرات الجاية تجيبون عمل مترجم عربي نشوفه ونستانس عليه وايييييه صح عبدالرحمن اخبرك تدور تطبيق على الايباد للمانغا والله يا عندي واحد خورافي بس والله يا انت تشششششمه بعد والله يا انت تشمه 😂😂😂 حسيت بشعور اني اذل احد ، صدق التطبيق من افضل التطبيقات اللي جربتها اشوف عليه مانهوات كثير واغلب اللي اشوفها كان ما نزل منها الا 5 تشباتر بس في مانغا روك ويوم بحثت فيه لقيتها كاملة + فيه خاصية التحميل وببلاش بعد ، تقولي عبدالرحمن المانغات حقتك اللي مغبيها وش صار عليها 😂😂😂 منت معطينا؟ ، اذا تبي البرنامج ( والله يا انت ….. ) معليش بس عشان تعطينا اللي حنا نبيه .

افا فقرتي ما يبيها عبدالرحمن 💔 ، والله حزنت شكلي بوقف عن التعليق فترة بنقل عفشي لبودكاست ثاني على الاقل يعاملونك شبسل كستمر يرسلون لك البودكاست قبل لا ينزل خاص ويقولون لي تكفا علق ، شف شف المعاملة الطيبة يا عديم الاحساس والمشاعر شف شلون تعامل اللي يعلقون لكن لنا الله بس لولا رئيس الحزب العظيم والا كان علوووم بسامحك هالمره ( يا رب يسامحني بعد ) 😂 ترا ما ودي اتهاوش معك احسك شديد .

عموما جازت لعبدالرحمن والا لا بقولها بقولها ، بس بختصر هالمره وبقول وش شفت علطول ( بديت بقراند بلو حاب اصنفه بافضل ثالث انمي كوميدي بعد اسوبي وكونوسوبا خووووافي وراكم ما علمتوني عنه عطوني انميات زيه ابي ازغل ضحك ، بعده شفت انمي رينبو هممم ما ادري هو زين والا لا ابي رايكم فيه الصراحة انا اشوف انه انتهى بعد الكور الاول من الانمي ( الحلقة 12 ) بعدها صار ماصخ مدري عنكم ، ثم شفت chivaliry الظاهر قد تكلم عنه دكستر رهييييييب مره 10/10 ودي بموسم ثاني لكن حلم ابليس بالجنة ، اوكي نجي للانمي اللي ندمت بكل دقيقة شفته فيها قارون لاقون انتجاج اخراج تحريك كلها اسطورية لانمي ميكا فكرة القصة حلوة لكن لكن لكن اذا انت ما تعرف تحط علاقات حب يرحم اممممك لا تحطها الله ياخذ ابليسك لا تخليني اتعلق بشخصية واحبها اخرتها تدمر ام ام العلاقة يخي انا داخل على انمي قتالي ابي حماس ابي استمتع بقتالات تجي تخرب علي بحبك اللي ماله داعي ليييييه؟؟؟ تحس الكاتب توه منفصل عن حبيبته وبيطلع الحره فينا اخخخ بس لو انه حابكها صح كان صار افضل انمي ميكا ، الزبدة خلصت منه وكانت قاااافلة معي فرحت اشوف الموسم الثاني حق كونوسوبا واشوا تعدلت النفسية ، ثم طبيت سباحي على افضل انمي شريحة من الحياة سجلوني شبيح ومطبل ومروحة على 200 يا دكستر وقيثم لياهاري شي شي اسطوري انتظر الموسم الثالث بفارغ الصبر 🤍🤍 .

يا جماعة انا عندي مشكلة كبيرة لازم لها حل 😂 انا شخص بعض الاحيان تهج بي واحمل موسم كامل بس يصير مهب اللي انا ابيه فمثلا يوم خلصت موب سايكو الموسم الاول قعدت فتره ما تابعته ثم رجعت وحملت الموسم الثاني على اساس انه الثاني بس طلع الاول 😭لكم انكم تتخيلون محمله بلوراي الحلقة الوحدة حول 2 قيقا و 12 حلقة فعليك الحسبة الزبدة اني للحين ما تابعته منغبن😭 هذي تهووون عند نورغامي يا جماعة ما دريت ان له سيزونين 😂😂 حملته وبس الزبدة تابعت الموسم الثاني علطول وداخل جو وحماس يوم وصلت الحلقة 10 انتبهت انه السيزون الثاني 😭😭 صرت متابع السيزون الثاني وساحب على الاول اكلمكم وانا للحين ما تابعته .

عبدالرحمن تراك انت قايل في الحلقة اللي قبل انك بتتابع دان ماتشي وش صار عليك وراك هونت ؟ بنشبببب لك مافيه لازم تروح تتابعه .

طبعا عشان معكم واحد ذكي ما شاء الله عليه وما ينسى ابددد وكان المفروض اختم تعليقي بسؤال الحلقة لكن انا قايل لكم يا شباب غيروه اني لكم من الناصحين ترا ثاني مره يا عبدالرحمن تنساه ماش ماش نطالب بتغيير المقدم الى قيثم رئيس الحزب العظيم 🤍🤍🤍 .

بالنهاية حاب اقولكم اني استمتع كثييييييييييير والله بالبودكاست وبصارحكم وترا مهب مجاملة لكن الحق يُقال انا ممكن سمعت لاكثر من 8 بودكاستات للانمي مالقيت شي يشدني كثر بودكاست كشكول متحسف اني ما تعرفت عليه الا متاخر والله لكن الكيمستري اللي بينكم والمواضيع اللي تجيبونها وروحكم المرحة اللي نحس بها وحنا منحب حولكم تحسب لكم وتخليكم في التوب كلام في الخاطر والله وابي اقوله الله يسعدكم كلكم من اكبر واحد في كشكول لاصغر واحد ، المعذرة على الاطالة ودايم اطول والله بس ما اقدر اوقف كتابة هذي مشكلتي 😂😂 في امان الله دُمتم بود 🤍.