كشكول ألعاب 215

بقلم:

في هذي الحلقة شطحتا بالبداية وتكلمنا عن رمضان وعن تسريبات إستديو
Naughty Dog
وعن اللي صار في لعبة
The Last of Us

وبعدها تكلمنا عن ألعاب لعبناها بالبداية تكلمنا عن  لعبة
Final Fantasy 7 Remake
ورأي اللاعبين المتفاوت يعد ما خلصو اللعبة
وبعدها تكلمنا عن لعبة
Trails Of Mana
وكيف هي نسخة محسنة من اللعبه الأصليه،
وبعدها تكملنا عن لعبة
Valorant
وكيف طريقة دخول البيتا حقها

وبعدها تكلمنا عن لعبة
Superliminal
واخر شيء تكلمنا عن لعبة
Street of Rag 4
وكيف ألعاب التسعينات هي اللي صارت ترند الشهر

بعدها تكلمنا عن اخر الأخبار منها السماح في لعبة
Read dead redemption 2
بالسعودية وعن عرض
Assassin’s Creed Valhalla
وكيف كان مثير وغيرها من الاخبار النقاشية

واخر شيء قرأنا وتناقشنا في ردود واستفسارات المتابعين

الحضور
فايز، سعد، علي

By |2020-05-03T21:26:20+03:00مايو 3rd, 2020|بودكاست|10 تعليقات

10 تعليقات

  1. ibrahim_1243 3 مايو، 2020 at 5:20 م

    طبعا ابي اشري اساسن كريد على Uplay

    • ibrahim_1243 3 مايو، 2020 at 5:54 م

      فيزا قابلة لشحن ارختها الراجحي خلت رصيدي سالب الف ريال
      (بدون اي عملية صار سالب )

      اقتراحي سو حساب عادي ثاني يكون خاص بالشراء وتربطه بالباي بال علشان تشري على راحتك خصوصا مع دعم مدى

  2. AFS.abdulziz 3 مايو، 2020 at 6:24 م

    الله يعطيكم العافية
    ثانيا هذا ثاني مره يستفزني علي 😂💔 ياخي بتلفيلد توه ما ماتت بس يمكن بس الجزء الاخير هو الي جابو به العيد من ناحية المشاكل التقنية و و نزول البتل رويال الي متاخر على الحفلة لكن اذ تبي على السلسلة الي اليوم رح العب الجزء الثالث و تبي تلقاء فيه ناس الجزاء الرابع مليان و بتلفيلد ون برضو مليانه هذا يدلك ان محرك اللعبة جبار و اسلوب لعب ممتع و انه متعوب عليه بس مشكلة نزول الجزء الاخير من بتلفيلد انه كان وقت ذروة فورتنات و البتل رويال

  3. d3bol_al7rbi 7 مايو، 2020 at 11:24 م

    السلام عليكم ازيكم يا حلوين ؟
    دلعت نفسي الشهر هذا و شريت سلسلة Mateo كاملة . الاستديو سوا حركة مره حلوة هي انك تختار اذا تبغى تلعب بي اسلوب الجزء الأول الثقيل و التجربة الكلاسيك أو اسلوب الثاني بي تجربة اخف و اسرع و الصراحة انا اخترت المتعة عن التجربة الاصلية. خلصت الجزء الأول و كان جيد فيه مشكلة مزعجة جدا و هيا : انه اذا فيه احد تتكلم لازم تصوب عليه عشان تسمع صوته و اذا وخرت الكاميرا عنه شويا الصوت يوطي الين يختفي تماما يعني تخيل انتا في وسط المعركة تقتل الأعداء و في نفس الوقت تحاول تخلي الكاميرا على صديقك عشان تسمع ايش يقول .
    و حاليا في بداية الجزء الثاني metro last light , و مع الاسف مشكلة الصوت لسع موجودة . و مشكلة ثانية : في نهاية الجزء الأول انا السوبر مان الي انقذ البشرية و في بداية الجزء الثاني يسموني الارنب و يرجعون يدربوني مره ثانية كان شيء غريب

  4. salmanaldossary1991 9 مايو، 2020 at 12:07 ص

    السلام عليكم

    الله يعطيكم العافية دايم مبدعين في الطرح الاداء وتحليل الالعاب.
    انا صراحه ماعندي شي اضيفه بس عندي ستفسار بسيط
    الكل يمدح في اكس بوكس قيم باس وانه فيه العاب والاشتراك فيه رخيص ومن ذا الكلام فيه خدمة مدري ليه الناس مايتكلمون عنها في البلايستشن الى هي PlayStation Now ادري انها بس موجودة على الاستور الامريكي بس تقدر تسوي لك حساب امريكي وتشترك وتحمل الالعاب وتلعبها على حسابك السعودي مع ان الاسعار اشوف انها كويسه ماهي غالية مرة والخدمة فيها العاب واجد حصريات البلايستشن من قود اوف ور والى اخرة. ليه الخدمة هذاي ماهي مشهورة زي الاكس بوكس قيم باس

    واسف طولت عليكم (:

    • Mr.Ahmed 10 مايو، 2020 at 8:50 م

      السلام عليكم
      عدنا بعد غياب شهر عنكم ياحلوين. تعليق سريع عن موضوع تسريبات لعبة last (نختصر اسمها كذا احسن). للامانه من بعد العرض اللي عرفنا من خلاله توجه الاستوديو في اللعبة قررت اني ماراح العبها. عشان كذا لمن نزلت التسريبات ماكان يهمني انه ينحرق علي او لأ. المهم عشان محد يدرعم ترى انا اكره شي اسمه حرق ولا احب احد يحرق علي ولا انا احب احرق على احد. ولكن هالمرة اللي سرب أحداث ومشاهد من اللعبة لو كان قدامي راح ابوس رأسه. شكرا ياشيخ انك وفرت على ناس كثير 60 دولار. عارف ان فيه ناس كثير الحين زعلانين من كلامي. ولكن الايام بيننا ياوحش. لنا لقاء اذا نزلت اللعبة. وابغى اسمع كلامكم وقتها. واللي انا متأكد ان كرهكم لمخرج اللعبة بيوصل أعلى مستوياته بعد ماتخلصون اللعبة. هذا اذا خلصتوها اصلا من المسخرة اللي فيها.
      شخصيا اتوقع سوني راح يطيرون (نيل) من منصبه لانه مايستاهل. بس انتظروا اللعبة تنزل.

  5. Abdulrahman 10 مايو، 2020 at 7:37 م

    السلام عليكم ورحمة الله وبركاته
    معكم D7mee، الحلقة الماضية كتبت لكم تعليق عن الألعاب اللي لعبتها. وقلت لكم بأرجع اذا خلصت the witcher 3. توني مخلصها وهذا رأيي فيها.
    طبعا تحمست ألعبها بعد ماشفت المسلسل 🙄. رأيي راح يكون عن اللعبة الرئيسية من غير DLC

    اللعبة رائعة، كنت أسمع الناس يمدحونها وكنت أقول عليهم شبيحة 😂😂😂 بدون ما أجربها. تجربة بصرية جميلة. طبعا اذا اي أحد يبي يلعبها، أنصح انه يلعبها على pc والاعدادات ultra اذا جهازه يتحمل، لأنه في فرق كبير.

    في البداية ماكنت فاهم طريقة اللعبة، مثلا ال healing ماكنت اعرف انه يمديني أحط الاكل في quick access عشان أهيل وسط القتال. فكنت ألعب على بار واحد من الطاقة. واذا ابي أهيل كنت اسوي meditation عشان ترجع الطاقة.
    بس بعد ماعرفت صارت اللعبة أسهل.

    عندي بعض السلبيات:
    ١- أكبرها واللي ترفع الضغط هو الحمار roach يا انه رفع ضغطي. ما يعرف يمشي عالطريق لازم يصدم في أي سور عالطريق 😂😂. ولما تناديه وانت جنب بيت يرسبن داخل سور البيت اللي جنبك (أقصد سور الحديقة)

    ٢- فيه غموض في بعض الخيارات. مثلا من غير حرق الساحرة الأولى اللي تقابلها وتساعدها. آخر شي يعطيك خيارين وأتوقع الأغلب اختار الخيار اللي أنا اخترته ولا كان يتوقع النتيجة اللي انتهت فيه. وانقهرت بصراحة (أتمنى انكم فهمتم علي)

    ٣- هذي سلبية تكون في البداية اذا ماكنت فاهم اللعبة: انه في بعض الأحيان لازم تكمل المهام الجانبية عشان تطلع لك المهام الرئيسية. مثلا في بداية اللعبة ( يوم تقابل البارون اللي لابس أحمر ويطلب منك تدور بنته وزوجته ) عشان تعرف مكان الزوجة لازم تسوي مهمة جانبية، عشان تاخذ كتاب يدلك على مكانها. والله جلست أحوس ساعتين وأنا أدور في الماب ابي أعرف المكان ولاقدرت، آخر شي بحثت في النت، وحصلت واحد يشرحها. بس بعد كذا صرت أسوي المهام الجانبية. أحاول أخلصها وبعدين أسوي الرئيسية.

    ما أكذب عليكم اذا قلت لكم اني حسيت بفراغ يوم خلصت اللعبة، كنت أتمنى إنها تستمر ولا تنتهي. ما أدري إذا انكم تبادلوني هذا الشعور يوم خلصتوها.

    في الملخص:
    اللعبة ماتتفوت والآن قاعد أستمتع بلعب DLC
    Blood and wine + heart of stone
    يعطيكم العافية واستمروا بامتاعنا ❤️🌹

  6. Mr.Ahmed 10 مايو، 2020 at 8:59 م

    اخ علي وش العنجهية اللي عندك. يعني لازم اللعبة تعجبك ولا تصير كخة؟ عموما توجه باتل فيلد اخر جزئين للامانه كان سيئ وقتل السلسلة. ولكن لو ينزل جزء يكون بأسلوب باتل 3 وباتل 4 بتنتعش السلسلة من جديد. وبعدين من حق الفانز انهم يطالبون بلعبة تكون شبيهة او مقاربة لجزء سابق عجبهم من السلسلة. أما إذا جينا على سالفة البكاء على الاطلال ترى محد يبكي على الاطلال وازعجنا ببكاءه اكثر منكم يافانزات ميتل قير. 😂 يارجال حتى آخر جزء من لعبتكم قلبت زومبي. يووووه يالخاتمة التعيسة. اوه صح انا زعلان على علي فيصل ماله دخل 😂 اسف يافيصل ميتل قير سرفايفل أفضل لعبة في القرن. عشان ماتزعل بس

  7. Mr.Ahmed 10 مايو، 2020 at 9:12 م

    ههههههههههههههههههههههههههههههههههههههههههههههههههههههههههههههههههههههههههه تعبت من الضحك خلوني اخذ نفس بس. هههههههههههههههههههههههههههههههههههههههههههههههههههههههههههههههههههههههههههههههههه.
    معليش بس ماقدرت امسك نفسي بعد ماشفت Inside xbox . ازعجونا قبل بثهم انهم راح يستعرضون العابهم للجيل الجاي. وهذي اخرتها أفضل لعبه في بثهم مطورها شخص واحد. والالعاب الباقية رسوماتها رسومات الجيل الماضي بإستثناء اساسينز كريد. وين ال 12 تيرا فلوب اللي ازعجتونا فيها. والمقلب الأكبر هو كذبتهم انهم بيعلنون gameplay لفالهالا واخرتها مشاهد من (محرك اللعبة). وسالفة ال140 مطور اللي شغالين حاليا على العاب بتنزل على جهازهم الجديد هذا اكثر شي ضحكني. يبغون يعبون بثهم بأي شي. كل هالمطورين شغالين على أجهزة الجيل الجاي مع بعض يعني مايشتغلون لك لحالك وش هالبجاحة انك تذكر هالشي على أنه ميزة لك. ياجماعة سارة بوند هذي واضح انها ماتفقه في عالم الgaming شي شكلها ماسكه المنصب بالواسطة. عموما هذا وضعهم من زمان هياط بس وهايب على الفاضي. انتظروا بث سوني وتعلموا كيف تعلنون عن قدرات وألعاب الجيل الجاي. يمكن تشوفوني متحامل عليهم ولكن للامانه انا ما اطيق الكذب. خلك صريح وأعلن عن الأشياء اللي عندك لاترفع امال الناس وتوقعاتهم وفي الاخير يطلع ماعندك شي.

  8. Mr.Ahmed 10 مايو، 2020 at 10:07 م

    شكلي ابثرتكم بس خلاص هذا اخر تعليق والله 😂
    المهم فيه شي غريب صار الاسبوع الماضي. تخيلوا ان فيه لعبة لprince of persia كانت قيد التطوير وتكنسلت ومحد كان يدري عنها. الغريب ان فيه مقطع مسرب للعبة نزل في اليوتيوب قبل 8 سنوات ومحد طق له خبر. عموما من المعلومات اللي تسربت قبل 8 سنوات هههههههههههه. ياخي كيف تجي كذا خبر جديد بس انه في نفس الوقت قديم. المهم من المعلومات ان اللعبة كانت مفروض تنزل على الجيل الماضي. ومطورين assassins creed 3 بعد ماتم إلغاء هاللعبة. فهي كانت مصدر الهام لهم واقتبسوا منها اشياء كثير للعبتهم. سؤالي لكم وش تتوقعون السبب وراء إلغاء هالمشروع مع ان واضح من المقطع اللي تسرب من اللعبة انها جدا ممتازة. وخاصة في هذاك الوقت.
    ملحوظة للي يبغى يتابع المقطع اسمه في اليوتيوب
    Prince of persia redemption
    وسلام عليكم والى اللقاء

Leave A Comment