كشكول ألعاب 217

السلام عليكم ورحمة الله وبركاته
شكراً لكم على مجهودكم المستمر في كل مجالات الترفيه، أنا مستمع للبودكاست من الحلقة 30 إلى اليوم الحمدلله، ودائما كنت أسمع البودكاست وما أفوت ولا دقيقة حتى فقرة الألعاب، مستمع بكل النقاشات والضحكات مع أني ما افهم شي ابد من الفقرة، السبب لأن اخر جهاز ألعاب لعبت فيه كان بلايستيشن 2! ايه نعم PS2 و ما كنت ألعب فيه الا ويننق 11 و لعبة السيارات نادي منتصف الليل مع اخواني وعيال اعمامي!
قدر الله علي ونقلت مع الدوام لقرية صغيرة حرفياً ما فيها الا محطة بنزين و 3 مطاعم فقط! وقعدت فيها حوالي السنتين وكان كل الوقت بعد الدوام يضيع على مسلسلات وافلام وانمي ولا شي غيرها، ف من قوة الفراغ وتختيم المسلسلات والافلام اصابني الملل والكره لها و لعلي تحمست شوي قلت اشتري بلايستيشن بس ما كان عندي تلفزيون و كنت اسمع عن السويتش ومميزاته قلت يالله نشتري، وشريت سويتش نسخة سوبر مايو اوديسي وقلت لو عجبني شريت ألعاب ثانية، ختمت اللعبة 3 مرات و المرة الأخيرة اخذت مني قرابة 3 شهور لين جمعت 999 نجمة وهنا طلعت الكرت حقت اللعبة و عطيته احد الاقرباء و بديت ابحث عن لعبة جديدة، طاح اختياري على زيلدا botw بس واجهت فيها مشكلة؛ ما أعرف وشلون ألعبها! 😅 وشهي من لحية هاللعبة و وش تسوي فيها والهدف منها! ف يا ليت اخوي فايز تعطيني شرح بسيط عن اللعبة لأني ما شريتها الا من كثر ما تتكلم عنها!

اعتذر عن الاطالة وسرد قصة حياتي وآمل ان يتسع صدركم لي.
شكراً جزيلاً لكم والله يوفقكم جميعا