كشكول أنمي 219

السلام عليكم ورحمة الله وبركاته
حي الله الشباب جميعا اللي جاء واللي ما جاء
عدنا اليكم من جديد ولله الحمد ، لكن ما اتفقنا كذا يا شباب وش السالفة وش اللي حاصل وين المقدام والمتحدث الرسمي ورئيس #حزب_تصنيف_قيثم قييييثثثثمممم وينه يا جماعة ما اقرت اوقف دموعي كل ما سمعت دقيقة بدونه 💔 ، رئيسنا المقدام اين انت ؟ 😞💔 .

خلاص قضينا بكبكة على قيثم ندخل في الحلقة سريع سريع ، سولو ليقلنق بيرجع واخيرا لكن تصدقون للحين ما قريت اخر تشابتر مدري ليه انا نسيته والا وش لكن اذكر ايامه كان لها طعم ثاني يوم الاربعاء تشابتر سولو تشوف الناس كلها مغردة عنه والنظريات مع كل جهة اشتقت لتلك الايام 💔 متى تجي يا اغسطس

وين فيلسوف يقول اذا تبون اعمال موقفة وتكمل كلموا دحتوك شف كنقدوم بتوقف والسبب اني انا قاعد اشوفها ، لكن خلوني افضفض من هالناحية كنقدوم سعيد جدا جدا جدا اني اقراها موصل تشابتر 400 حاليا وما كنت انوقع بيوم بحياتي اني بقرا مانغا بهذا العدد من التشباتر لكن كل تشابتر يجرك ورا تشابتر ثاني وكل شوي تنكشف حقائق اكثر عن كل دولة المشكلة يا جماعة كل ما تعلقت بشخصية يموت 😭😭 انا نذير شؤم يا ناس وش اسوي يعني جنرالين تعلقت فيهم وماتو لكن ما نقول الا الشكوى لله ، ومن هنا عرفت ان كينغدوم عمل يستحق الذكر والتشبيح اللي يجيه لان الشخصيات مبينة على شي واقعي فالموت والحياة مهب بيد الكاتب ( صححوا لي اذا انا غلطان ) هل الكاتب يمشي على كتاب المؤلف الكبير اتوقع اسمه كذا والا عنده حبكات هو يسويها ؟

بعدين لحظة شوي يوم غاب قيثم صار الثابت ديكستر ؟؟؟؟ وش العدل هذا اللي عندكم يبوي حتى لو غاب قيثم الحلقة هذي يبقى هو الثابت الاول والاخير في قلوبنا 🤍🤍 اتعجب منك يا عبدالرحمن بلاهي هذا رئيس البودكاست حقكم ؟ يجب اعادة النظر في المنصب حقه واعطائه لمن هو اجدر منه ( قيثم حساب البنك بيجيك خاص لا اوصيك عاد ) .

عناد تكلم عن made in abyss واشكره الصراحة الانمي شي شي شي مهوووووول العالم لحاله خورافي ما ودي اتكلم اكثر من الدي قاله لان الصدق قفل على كل شي لكن الاوستات اللي فيه خورافية الى الان اسمعها من كثر ما هي جميلة وعن نفسي ورأي الشخصي الاوست الدي نهاية الحلقة الاولى والسابعة اتوقع ( ما طلع الا مرتين بالانمي ) هو افضل اوست سمعته بالانميات كلها ، اختلف مع عناد في ان البناء بطيء اسوفه انا عااادي جدا جدا لا هو اللي سريع مره ولا هو اللي بطيء مره متوسط يعني تخيل معي انه ساحب على المقدمات اللي حطها وخش علطول في العالم مهب ببتلخبط كذا ؟ فعشان كذا اشوفه بناءه رهيب واحداثه كويسه نقطة قد قلتها قبل وبقولها مره ثانية شخصية ناناتشي من الشخصيات اللي تدخل القلب اهني ام الكاتب على هذي الشخصية تجسيدها لها من اول ظهو لاخر ظهور شي اسطوري .

ادري طولت لكن انتم تبون كذا والا لا دحومي ( my love ) ، بتلكم عن انمي شفته قبل فترة قريبة وهو Golden Time اتوقع اغلبكم يعرفه لكن الصدق شفته كامل 24 حلقة ولا حسيت فيها عكس مثلا تورادورا ( برجع له ) مره سلس ولطيف وميزته غير مبتذل يعني ما فيه تقليد اللي دايم نشوفه قصص الرومانس كلها بلا استثناء مدارس ثانوية هذا لا عكسها وخلاها جامعية هذي اكبر ميزة ممكن اشوفها فيه العلاقات بين الشخصيات جدا جدا جميلة بانري وكوكو ممكن من الكبلز القليلين اللي اعجبوني بالمجمل رهيب والفكرة اللي فيه مممم مش بطالة مرة عشت فيه الحزن والفرح ، ولو اقول سلبية ممكن فيه شخصية ما عرفت لها وحتى الى اخر حلقة تنرررفز لو انها بس مرت بسلام كان افضل ، ارجع لتورادورا شفته بعد قولدين تايم بفترة جميل بالمجمل لكني ملييييييييت بنص الانمي وانا اقعد اقول متى اخلص الحلقة بس عكس قولدن تايم كنت مستمتع وانا اشوفه ، تورادورا ممكن اقول انه افضل انمي سوا مشهد ال kiss scene حتى اني عدته مليون مره ضابطينه مررره .

صح شباب اذكر انكم راجعتوا فلم hello world قبل فترة شفته قبل امس تدرون ما كملت 20 دقيقة وقفلته اعلمكم السبب ، كله بسبب السي جي والله ما قدرت اتحمل ابددد وش ذا شلون شفتوه يا جماعة والله لو ان القصة افضل قصة بالعالم والرسم كذا اني منب شايفه انا مستغرب انكم ما قلتوا عنه شي تلوث بصري يعني تخيل تشوف ساعة ونص سي جي 🤢🤢 شلون تحملتوا يا شباب علموني انا ما قدرت والله

في النهاية ادري طولت لكن مبطي ما نشفنا حلق عبدالرحمن قلنا خلنا نقول به هالمرة وننشفه له يستاهل هذي علامة جودة ترا لا تستهين فيها ، بالنسبة لسؤال الحلقة ما تابعت افلام مكملة الا واحد وهو بني قيرل سينباي وبرضوا حتى لو شفت غيره ما اتوقع القى مثله اللي ناوي اتابعهم هو نو قيم لايف و بيوندراي حق البنت اللي تتحكم بالدم .

ويله اجل لا اطول عليكم ( كل ذا يا دحتوك ولا اطول عليكم اتقي الله ) موفقين اجمعين والله يسعدكم جميعا واحد واحد واللي غايب ليته يجي دايم واللي حاضر يا رب يكمل دايم الا على الطاري متى اخر مره سجلتوا فيها كلكم موجودين ؟ واو سؤال اللي ما ادري وش الفايدة منه ، يله مع السلامة نراكم على خير شباب 🤍🤍