كشكول 77

الله يعطيكم الف عافية يا شباب، حلقة جدا جميلة. وأعطيتونا نظرة شاملة ومفصلة عن معرض CES و عن الأبتكارات الي فيه. ما قصرتوا.
لاعبين الأحتياط مشعل و ابو فراس ممتازين جدا وعقبال ما يتعينوا لعيبة اساسيين. وفيصل و ابو ابراهيم ان شاء الله يتعافون من الأصابة ويرجعوا في الخطوط الهجومية مرة ثانية. وعقبال ما نشوفهم يهدفون في مرمى ابو يوسف كالعادة ههه. لاني اشوفه هالأيام ماخذ راحته بزيادة ههه.

عندي ملاحظة بسطة على مشعل يا ليت تتقبلوها. بعض الأحيان لمن يجي يتكلم عن حاجة معينة ياليت لو يوصف بشكل ادق اكثر لأن بعض الأحيان ما اجمع معه. الرجال احترمه ويهمني كثير رأيه مثل بقية الشباب الموجودين طبعاً.

فلم اليوم للأمانة ما شدني ولا اضن اني راح اشوفه حتى رأيكم ما حمسني كثير عليه. ممكن اذا جا على التلفزيون.

ابو عمر انا استغربت منك الصراحة يوم قلت انه بيتر دنكلج زبال في الأفلام. انا للأمانة شفت له فلم واحد واعجبني جداً تمثيله و واحد ثاني مكسيكي معه برضو تمثيله كان خرافي في الفلم اسمه The Station agent . اذا ما شفتموه انصحكم فيه جميل جداً ومؤثر وخفيف برضو. وبيتر دنكلج كان تمثيله فيه اذا ماهو زي لعبة العروش افضل حتى.

عندي اقتراح بسيط في فقرة الانمي. في فلم اسمه wolf children نزل في 2013 على ما اضن بس كان ممتااز جداً و الرسم الي فيه تقريباً كان افضل رسم انمي شفته في حياتي للأمانة.

اسف اذا طولت عليكم بس تعرفوا ملل الطيارة وش ممكن يسوي . استمتعت كثير وضحكت كثير خاصة على سالفت السمكة ههه . مرة الخمس ساعات ولا حسيت فيها ما شاء الله واصلوا يا شباب الله يقويكم.