كشكول أنمي 220

توضيح لتعليقي في الحلقة الماضية
وييييين طوكيو غول والله مدري وش جابه بوسطهم أنا آسف ⁦🤦‍♂️⁩😂

الأنميات الكبيرة والطويلة بديت أشوفها من منتصف 2017 إلى عيد الأضحى 2020 وكان أول أنمي بديت فيه هو بليتش ثم كونان ثم فيري تيل ثم جينتاما وكنت أشوف تقريباً من 3 إلى 5 حلقات باليوم وبالويكند دبل، و ببداية 2020 شفت ون بيس وخلصته بأربع شهور من الحماس ثم شفت ناروتو كامل بين العيدين، علماً أن أي حلقة من الأنميات هذي تصنف فيلر اسسسسسسسسحب عليه، والآن صرت أشوف الحلقات مع الناس أسبوعياً.

بالنسبة لهنتر و فل ميتل ألكيمستو (أغلب لأنميات المشهورة في الفترة بين 2007 و 2012 اللي نسيت اسماءها) كنت اتابعها اسبوعياً بوقتها كان واحد معي بالمدرسة كل يوم خميس* يعطيني فلاش فيه حلقات الأسبوع لكل الانميات اللي يتابعها لأنه كان (الهاكرز) الوحيد بالمدرسة اللي يعرف يحمل 😂

كثير من الأنميات المعروفة والمشهورة ما تابعتها إلى الآن وتقدرون الله يعافيكم تفيدوني فيها مثل سلسلة فيت اللي لو اصنع صاروخ اسهل من أني أعرف ترتيبها.

بالنهاية شكراً جزيلاً لكم على مجهودكم والعطاء المستمر الله يوفقكم جميعاً.

* الويكند جمعة وسبت بالإمارات من عام 2006