مرحبا بكم في الاسبوع السادس من محطة محروقات كشكول
في هذه الحلقة تم تحليل الحلقة السادسة من الموسم الخامس لمسلسل لعبة العروش
المشاركين
ابو عمر – ابو حسين – ابوفراس
حرق لعبة العروش GAME OF THRONES S05E06
المقال السابق
مرحبا بكم في الاسبوع السادس من محطة محروقات كشكول
في هذه الحلقة تم تحليل الحلقة السادسة من الموسم الخامس لمسلسل لعبة العروش
المشاركين
ابو عمر – ابو حسين – ابوفراس
14 تعليقات
يا ليت تحطون حسابات تويتر للمشاركين بالبودكاست في الوصف
فعلا
حطوا حساباتكم
الدرونيين معروفين بصناعة السم واعتقد انهم كذلك يصنعون مضاد السم
عشان كذا اعتقد انهم راح يعالجون االي مع جيمي وأنجرح بالسيف الملوث
يعطيكم الف عافية على الحلقة وعلى النقاش الممتع..
فيه نظرية شفتها منتشرة كثير اليومين ذي وحاب اعرف رأيكم عنها.
خصوصاً ان جاكين كان عارف كل الكذبات اللي كانت تقولها اريا يوم كان يجلدها.
الله يعطيكم العافيه ياشباب ماقصرتو
تتذكرون الفلاش باك في الحلقه الاولى لما راحت سيرسي للساحره وقالت علميني عن مستقبلي وقالت الساحره انك بتكونين ملكه لفتره بعدها راح تجي بعدك ملكه اصغر واجمل منك بتاخذ مكانك.
هل تتوقعون هذا هو سبب هجوم سيرسي على مارجري ؟
السلام عليكم
بالبدايه اشكركم على مجهوداتكم
وبالنسبة لجورا يوم لمس تيريون هل تعتقدون انه بينعدي او انه ماينعدي إللا اذا لمسه من المنطقة الي تحولت الى حجر .
سلام عليكم
يعطيكم العافيه ع الحلقه الممتازه
عندي كم نقطه ودي اسمع رائيكم ونقاشاتكم عليها
1- بما ان جورج ار ار ماترن ( كاتب الروايه ) ماكتب معاهم السيزون ذا , صار السيزون اضعف من المواسم السابقه ؟
2- لما جوراه و تيريون لما كانو رايحين وشافوا سينة القراصنه جوراه ( مسك تيرويون ) وسحبوه ورا الحجر هل ممكن انه اعداه ؟ او انه خطأ من المخرج ؟
3- في الحلقه الخامسه براين ( المرأه الرجل ) كانت تطالع ع وينتر فيل من الشباك , وقالت للشايب تعرف نيد ستارك ..الخ بعدين قالت لك ابغاك توصل رسالة لسانسا . بعدها بكم مشهد جات العجوزه وقالت لسانسا باقي عندك اصحاب في الشمال و ولعي شمعه اذا صارلك شيء , هل هذي كانت رسالة براين ؟
4- تتوقعون فاريس له دور في باقي الموسم ولا انتهى خلاص بعد ما افترق عن تيريون ؟
5- النقطه ذي لو ماتبغون تتناقشون فيها براحتكم راجع لكم الخيار
قبل الموسم قال جورج ار ار مارتن ان الكتاب الحالين يقتلون الشخصيات اكثر منه ( فيما معناه ) والى الحين ماشفنا شيء تقريبا .. مين تتوقعون راح يودع المسلسل الموسم ذا
ويعطيكم العافيه
السلام عليكم
لاحظت تايون أبو سيرسي وجيمي لانستر طوال الموسم الثاني أغلب مشاهده وهو يكتب رسائل أتضح بعدها أنه يعقد أتفاقات من تحت الطاولة ونتج عن ذلك قلب الطاولة على الستارك وقتل روب.
الآن في الحلقة السادسة شفنا سيرسي جالسة تكتب رسائل، يا ترى ناوية على أيش خاصة أنها بدت تستخدم عقلها وتركت العاطفة!!
الرهيبه جده التايريلز قالتها , كلنا ندري انك منتي جالسه تكتبين شي ياقلبي
وابوها تايوان قالها , منتي ذكيه بنص مانتي تعتقدين
ترا سيرسي ماعندها عقل عشان تستعمله , وجالسه تجيب العيد في نفسها وعائلتها , شفنا يوم بيتر بايليش قالها عن سانسا وش قالت ؟ قالت لازم يموت والخ , هل تفكر انها ترسله جيش كمان ؟ يعني سبحان الله شوي من الجيش بريفر لاندز , وكثير ماتوا وتمردغوا , والحين عندها التايريلز الي جالسه تحارش فيهم , وكمان تبغا تقتل ستانيس ولا ننسى ستورمز اند , والحين برضوا روز بولتون ؟ لو عندها طيارات بدون طائر ماتسوي هالشي ومايحتاج اقولك ان دوبهم طالعين من حرب , اغلب الجنود يبغون يرجعون لاهلهم ويجهزون وضعهم ومحصولهم ومخازنهم للشتاء
شكرا لكم وفّيتوا وكفّيتوا
عندي ثلاث نقاط
١- كان فيه تساؤل يدور براسي عن شخصية “جاكن هقار” وجا له طاري بالحلقة فحبيت أسأل لو عندكم خبر عنه، تذكروا يوم كان “جاكن” مسجون في أول ظهور له
كيف يُسجن وهو له القدرة على تحويل الوجوه وأيضا قدرته الهائلة على القتل؟
زي ماشفنا لما قتل تقريبا جميع حراس القلعة هذيك، هل للسحر علاقة زي ماذكر أبو عمر؟ بحيث ماكان يستطيع يسوي شي، مع العلم إن حلقة ظهوره جات بعد حادثة حرق “الكال دروقو” اللي ظهرت بعدها التنانين، فمنطقيا إنه تكون قدرته نَشِطة، إلا إذا كان فيه اختلاف بالزمن بين المكانين.
٢- “سيرسي” يوم ورطت “لوراس” في القضية حقته، لا ننسى أنها أيضا مسوية مصيبة مع أخوها واللي تعتبر أتوقع أسوء من قضية “لوراس”، فلو أحد ورطها فيها، بس المشكلة عدم وجود شاهد، إلا في حالة إن أحدهم ياخذ نفس نهج “نيد ستارك” ويبحث في الكتب عن لون الشعر، وقتها بيصير كلام ثاني.
٣- أولاد الستارك الخمسة الباقين، جون سنو، سانسا، آريا، بران، ريكون
لو تلاحظوا فقط اثنين لهم القدرة على وراثة حكم الشمال “سانسا” و “ريكون”
لأن “جون سنو” ماسك الوول وزي ما احنا شايفين وماوده يتركه
“آريا” تتخلص من جميع ما يدل على شخصيتها فيعني تقريبا مالها أي شي
“بران” زي ماشفنا حيطير أو حيمسك محل العجوز المتعلق بالشجرة.
تعليقي على النقطة 3
لا تستعجل بالحكم على مستقبل آريا.
مالها شي اقصد من ناحية وراثة الحكم، لكن كمسقبل في الـ “فيس لس مان”
أكيد بيكون لها شي ماندري وش هو
بالبدايه احب اشكركم على الحلقه , ويارب الحلقه الجايه تكونون اربعه كاملين , آشتقت لآبو يوسف الصدق بهذي الحلقه , ولا يهونون الباقين
بس نقطه بسيطه صارت تضايقني شوي ببودكاستكم او بأي موضوع نقاش اخر
هو المقارنه بين الكتب والمسلسل ووش صار هناك ووش صار هنا
يعني كنا حلوين قبل كم حلقه :d , يوم قلتم المسلسل صار بعيد عن الكتب وماراح نقول الاختلافات
لاني انا حالياً بالكتاب الرابع , نصه تقريباً , وصرت ماخذ المسلسل شي ثاني آو زي مايقولون عالم موازي والكتب عالم اخر , نفس الشخصيات لكن باحداث مختلفه اكثر , نقطتكم مع تيريون وجوراه حرقت علي شي من الكتب , اتمنى فعلاً لو يمديكم تناقشون الحلقه بدون التطرق للكتب الا طبعاً للاحداث المتشابهه او معلومات رهيبه زي الي تقدمونها عن بعض الاماكن الشخصيات او العوائل
بالنهايه هذا بودكاستكم , ويحق لكم تسوون اي شي , وراح اكمل اسمع الحلقات كذا ولا كذا , بس شي كان عندي وحبيت اقوله لكم 3>
عشان لانروح بعيد , كتبت بأحد المنتديات رد عن الحلقه التآسعه
بختصر لكم لاني لاحظت اني ابربر كثير , عموماً
الحلقه التاسعه هي اهم حلقه تقريباً بكل موسم , وتصير فيها احداث تغير مسرى الاحداث والقصه تغيير مجنون , نشوف اهم شي بالحلقه التاسعه من كل موسم
الموسم الاول = موت شخصيه مهمه * ستارك *
الموسم الثاني = حلقه كامله عن معركه , مافيه ولا لقطه خارجه عن المعركه * البلآك واتر *
الموسم الثالث = موت شخصيات مهمه * ستارك برضوا *
الموسم الرابع = حلقه كامله عن معركه ايضاً * الجدار *
الموسم الخامس = هل بيكون موت ؟ ولو كان موت بيكون ستارك برضوا ؟ او ممكن بسبب عنوان الموسم , راح يكون العكس وراح يكون شي كويس للستارك ؟
بالنسبه للحلقه مافيها ولا شي ماتكلمتم عنه ودي آقوله
شكراً مره ثانيه
مشكورين ياشباب ماقصرتو ذي الحلقة للاسف ماشفتها بجمعها مع السابعة واسمع البودكاست بعدهم