كشكول أنمي 221

بواسطة كشكول


نقاشات متفرق

تكلمنا عن أنمي
Tanaka-kun wa Itsumo Kedaruge
Hachimitsu to Clover

أنمي الحلقة
Deathstroke Knights & Dragons

الحضور عبدالرحمن و قيثم و ديكستر

8 تعليقات
3

شاركنا تعليقك

8 تعليقات

MrD7ToOk
MrD7ToOk 30 أغسطس، 2020 - 12:53 م

السلام عليكم ورحمة الله وبركاته
يالله حي الشباب جميعا اللي جاء واللي ما جاء
حلقة خورافية والصراحة افضل حلقة في 2020 مت ضحك وفصلتوا في اخر 20 دقيقة اما عاد عبدالرحمن انت شخص لازم نحطة ونحطك في قزاز مقفل والله يا انت قديييم نظام النت والمودم يا قدمك

اخخخ فتحتوا موضوع تقفيل المواقع والقرصنة وفتحتوا معه جرح في قلبي 💔 شكيت لقيثم ، يخي قيثم رهيب فاتح صدره للكل رح اشتك له وهو يضمك واذا خلصت يعطيك احلى توصية لمواساة قلبك شكرا يا رئيس #حزب_تصنيف_قيثم 🤍 ، وعلى الطاري التقفيل فيه موقع عربي مشور قفل ( زي ما بدك ) بيخلص هالموسم ويقفل لكن الله يعين بعدين ما شهر هالانميات الا القرصنة المفروض يدفعون للمشاهدين فلوس ( مدري ليش بس كذا ) 😂.

عبدالرحمن يتشكى محد يرسل له خاص 😭😭😭😭 يبوي الله يلوم اللي يلومهم تخيلوا ترسل له كلام عشرين سطر ويرد عليك بفيس واحد حتى ما يكلف نفسه واذا حشرته في نقاش يقول لك ( معليش بكمل لعبة ) طبعا اللعبة اهم مني انا وياكم طبعا فما تقدر تلومه فنصيحة من مجرب لا تقربون الرسايل الخاصة لعبدالرحمن لان 1- مهب راد عليك الا بعد شهر تصير نسيت السالفة وتتسائل ليش انا مرسل له اصلا 2- مهب قاري رسالتك خير شر لانه مهب فاضي لك 3- ابي اخرب السمعة زيادة بس ما لقيت شي 😂🤍 ، لا صدق من الناس اللي احب اسولف معهم وانا خايف الصدق مدري ليه له هيبه لكن ليته يرد بسرعة💔

حمستوني اناظر فلم الحلقة والصدق الصدق تحمست اكثر اني اشوف افلام DC مدري ليه بس احسها سلسلة ممتعة بشوفه واعطيكم رايي عنه الحلقة الجاية ان شاء الله ، لكن شفت فلم خورافي اسمه Black fox الغريبة ان ما احد يتكلم عنه مدري اذا شفتوه والا لا لكن تابعوه جميييييل جدا قصة انتقام لكن المشكلة الوحيدة اللي ممكن ما تخليكم تتابعونه هو ان النهاية غير كاملة ولازم جزء ثاني قصدي ان عشان تكمل قصة الانتقام لازم يكملونه ، لكن بشكل عام ممتاز مره واوستاته رهيبه وفيه قتالات بتعجبكم .

طحت في المانغات ( اخذت بريك من كينقدوم ) رحت ختمت مانغا ون بيس لاخر تشابتر وقريت مانغا فاير بنش لتشابتر 50 تقريبا يعني المانغا هذي انا نفسي ما اعرف ليش للحين مكملها والله كئيييييييييبة بشكل غير طبيعي + رسمها مخييييس يا جماعة مخيس قسم بالله بعض الفريمات تقعد سنة عشان تطلع وش اللي حاصل لكن وقفتها لان الترجمة وقفت هناك برجع اكملها لين اخلصها بعدها تخيلوا دخلت على مانغا طوكيو ريفنجرز متخيلين فرق الرسم قلت هيييييه وش كنت اشوف انا 😂😂 هي يا ان رسمها خورافي او عشاني طالع من فاير بنش ورسمها الابو كلب 😂 ، عاد توي باول التشباتر ويمكن اكملها ويمكن لا ما ادري يعني .

قبل فترة شفت واحد من الانميات اللي كانت معشعشة عندي باللستة والصراحة ندمت اني توي اشوفه يا جماعة بطل و خورافي و شي شي مهول Death Parade انا ما ادري ليش توي اشوفه لكن ماد هاوس بدعووووو فيه صح لا من ناحية اوبننق خورافي ولا من فكرة وقصة خورافية واذا جينا للدراما اللي فيه مبدعييييييين فيه اما من ناحية الاوستات الصدق الصدق افضل اوست هادي سمعته هو عندهم مهوووول يا جماعة افضل لقطة بالعمل كله هو لقطة التزلج وتذكر الماضي هذيك فضت من الدموع والاحزان اخخخ💔💔💔 لكن الفكرة صراحة جايزه لي مرررره + نظام كل حلقة حلقتين قصة هذي بعد تحسب لهم ما تمل من العمل ولا يحتاج تربط الحلقات مع بعض عشان تفهم الحبكة اللي فيها افضل حلقة بالنسبة لي او قصة هي حلقة 3 ماضيهم كان حزين وجميل بكل الحالتين + الايندينق مدري اذا ركزتوا فيه والا لا دايم يجي عن الشخصيات اللي كانت في الحلقة ، شي شي رهيب افضل عمل اورجنال شفته عن نفسي اذا عندكم شي غيره عطوني خلوني استمتع ، نقطة اخيرة عناد ما ادري ليش ما جاز له لكن هذاك الشخص تقدر تقولون عنه تصنيفه واختياراه للاعمال غريب شوي .

في النهاية بالنسبة لسؤال الحلقة ( ما خليوا حركاتكم في الشات للحين 💔) ، حق الوهيبي رح تابع المانغا بعد ما ينزل فلم القطار لان الانمي مطول وما تدري كم بيقتبسون من تشباتر ، اما بالنسبة للسؤال الثاني انا ما شفت افلام واجد الصدق عشان انصف السؤال يعني اذا مره مره خربتها تابعت سلسلة فاست اند فيورست ، لكن ما ادري يمكن انا جوي افلام الاكشن والانتقام وحسها تنفع انميات على جوي فممكن اقول افلام جون ويك هذا رايي ولا يمثل احد غيري 😂😂 ( مديور كبييير)

معليش على تاخر التعليق و ان شاء الله نبكر المرات الجاية دمتم بود 🤍🤍

الرد
غير معروف 30 أغسطس، 2020 - 4:54 ص

انمي ديكستر رهيييب + مهو شوجو يا عبدالرحمن

الرد
NMNL 29 أغسطس، 2020 - 1:18 ص

في الحلقة الماضية كان مع الاخبار مانجا Since I Became a Saint, I’ll do Whatever I Want with My Second Life وقال عبدالرحمن قصتها فتحمست ورحت اقراها, طلعت شيء ثاني تماماَ بس الصراحة ممتازة وانصح بها بقوه, اتمنى اسم المانجا اللي عطيتنا قصتها على انها ذي.
متابع من قبل فصل الاقسام عن بعض عشان قسم الانمي والتقنية, صلحو خير يوم قسموها. اول تعليق مع الموقع الجديد قلنا نبدا نعلق …. وممكن يكون ذا اخر تعليق ما ادري
بالمناسبة احزر الاسم NMNL: No Money No Life مأخوذ من وين؟
احد جاوب؟
.
.
.
الاجابة: من The Legendary Moonlight Sculptor

الرد
Neonyne
Neonyne 27 أغسطس، 2020 - 3:15 م

الله على الجمال والابداع, الموقع صار يفتح النفس للتعليق
وانا متأمل خير في كلمه “تقييمات الانمي” لانه ما شفت الى الان مواقع انمي تقيم مثل الالعاب مختصر ومفيد فانشاء الله تكون بدايه خير

وبالنسبه للحلقه……شكرا على مجهودكم حلقه جميله(نسى وش فيها الحلقه اصلا)

الرد
Neonyne
Neonyne 27 أغسطس، 2020 - 3:17 م

اللله اكبررررررر صار في تعديل بعد كل ذي السنين

صح انها اول عشر دقايق بس انا اعتبره انجاز 🎉

الرد
MrD7ToOk
MrD7ToOk 27 أغسطس، 2020 - 5:56 ص

لاه لاه لاه وششششش ذا وشششش ذا ، على البركة البيت الجديد يا شباب الله يجعله منزلن مبارك علموني تكفون من مسوييييه ضروري اشكره على ال Dark mood هذا انسان مخضرم على العموم شيكو على البروفايل حقي حسيت اني فخم

الرد
MrD7ToOk
MrD7ToOk 27 أغسطس، 2020 - 10:28 ص

طيب تبون الصدق يمكن لي ساعتين افرفر في البيت الجديد والله مستمتع لابعد درجة 😻😻 وقاعد اضبط البروفايل حقي لا يفوتكم الهيدر ، + معلومة اكتشفتها ترا التعليقات تقرأ من تحت لفوق ( بس الردود انتبهوا لها تصير نفس قبل نفس هذا التعليق رد على اللي قبله لكن جاي تحته ) مهب زي اول من فوق لتحت لان الترتيب حقها صار عكس

الرد
MrD7ToOk
MrD7ToOk 27 أغسطس، 2020 - 11:06 م

SSK شالوا صورته واضح انكم قايلين لهم اعترفوا 😭😭 قايلكم عبدالرحمن لا يمسك شي ( مدري وش دخلها بس لازم اقولها )

الرد