كشكول أنمي 222

السلام عليكم ورحمة الله وبركاته
يالله حي الشباب جميعا اللي جاء واللي ما جاء
حلقة رهيبة كالعادة ورقمها مميز 222 بس كان ناقصها تعليقي ( واحد متحسف ) لكن يله ما عليه عبدالرحمن مهب مقصر بيروح يقراه ان شاء الله يخي ودي مره اجرب نظام فيلسوف اللي اسمع الحلقة واعلق احسه رهيب ما تنسى شي ، مع انه ساحب على الموقع مدري ليش ، قبل لا ابدا برد على قيثم ( يب هذي من بلاك كلوفر فخر الاسود الملوك القرمزية ميرلونا🔥🔥) .

😂😂😂😂 اجل فلم BL وبطولة عبدالرحمن وديكستر بطني 😭😭😭 والله من الحلفلة اللي بتصير ولا يجيك قيثم يصير كاميرا تشان اوووف اهلين زوايا خورافية يله متحمس اشوف الفلم متى بينزل بلوراي ابي اشوفه ولو في صالات السينما اووووه ازين وازين .

اخخخخ فتحتوا موضوع كاتمه بصدري من زماااان 💔💔 سولو تمنيت انها ما طلعت من كثر الناس اللي يتكلمون عنها يخي اقسم بالله ان لي حول اربع تشباتر ما قريتهن بسبب ان خلاص مالي نفس اشوفها وكرهتها كلها بسبت هالناس اللي تشبح تشبيح مهب صاحي لها واللي ينزل ابيات شعر فيها خيييير مهب لهالدرجة نوصل ، الموضوع غابني وبردتوا حرتي فيه وعلى فكرة توي بادي ذا بريكر هي مانهوا؟ غريبة نظامها بس تصدقون يوم دريت انها معجبة دكستر سويت لها دروب .

المقالات انا قاااادم يا عبدالرحمن 😂😂 والله فكرة مهب شينه ننزل لنا مقال عن #حزب_تصنيف_قيثم ونقول للعالم كيف تنضم لنا ووش المميزات والاشياء اللي تخليك تختلف عن عقول الاشخاص الاخرين ، من الشروط عندنا انك تعطينا لستتة انميات تعجبك وحنا نقيمها ( الرئيس والنائب ) ووقتها نقرر نشوف حنا نضمك لنا والا لا ، لكن الفكرة مش بطالة شكرا عبدالرحمن اول مرة تصير مفيد لنا ( يبي الشر باللي هي به)

هههههههههه قيثم الانكل حقتنا غير اللي يعرفها عبدالرحمن معليش اعذره مستوى ال IQ عنده منخفض شوي والرجال نواياها دايما صافية بسم الله عليه الرحمن الرحيم ولد طاهر ما يعرف هالامور هذي منزلن من السماء 😂😂😭 .

يا جماعة الصدق وشهادة حق قيثم هذا انسان من عالم اخر شخص يستقبلك بصدر الرحب تبي توصيات يعطيك تبي تفضفض له يسمع لك تبي تسفل في احد يجي يسفل معك ( اسفين عبدالرحمن حللنا ) تبي تكلمه عن ال IT الرجال يشبك معك الرجال على جوك وش تبي انا معك رووح ، رهيب رهيب رهيب هذا كنز لا تفرطون فيه نصيحة ( كيف التعزيز قيثم ؟ الحساب عندك لا اوصيك ها البخشيش يوحش) .

هههههههههههه يوم تكلم فيلسوف عن kissanime ثم قال عبدالرحمن دحتوك لا يقرب شي عاد تصدق توي داخل عالم نيا والتورنت بشكل عام يله يا شباب احتروا خبر التقفيل بعد كم يوم اذا تبون تحملون شي يااااله يمديكم من الحين تلحون عليه اسف قيثم لكن الموقع رهييب .

تدرون وش توي مخلص منه ؟ ڤايوليت ايڤرقاردين الانمي رهيييييييييييييييب يعني بالعقل شي خلا مساعر الشخص اللذي بلا مشاعر واحاسيس يحس تبونه ما يأثر علي ، لكن الحلقة العاشرة حقت البنت الصغيرة هذيك فااااضت الدموع والمشاعر ما قدرت اتحمل ، مدري ليش بس احس النظام هذا من الانميات يجوز لي يعني اللي يجيب لك كل حلقة حلقتين عن شخصية معينة ويقول لك قصتها وتكون درامية وفي النفس يركزون على الشخصية الاساسية يعني مثال غير ڤايوليت انمي ديث باريد كان نفس النظام الزبدة اذا تعرفون انميات نفس كذا عطوني تعجبني مره ما تحسسك بالملل .

ديكستر الصدق شكرا انك وصيت على فلم كثر من ( توصيات الافلام ) لان ابي افلام درامية استمتع فيها وما حصلت واذا لقيت فيعني اني شايفه يعني اخر فلم شفته درامي وجاز لي قبل ثلاث شهور تقريبا اللي هو ( ماكيا ) ممتع جدا .

بالنسبة لسؤال الحلقة الواجب صعب يستاااد ، بيجيك عاد الطالب الدافور بيعطيك ملخص كامل للانمي اعرف هالشكليات في المدرسة ودكستر هو من نظام يستاد ما عطيتنا واجب اليوم يخوي اسكت اسكت ناقصين حنا 😭😂😂 ، لا الصدق ناوي عليه وبقوة بعد ما مدحتوه وطبلتوا فيه تطبيل مهب صاحي لكن عطوني وقت ( طبعا انا قلت بتابع الفلم بعد حق الحلقة اللي قبل وللحين ما شفته واضح نظام نسيت الواجب في البيت ) .

شفت انمي بس بكرم المجلس عن اسمه ( قيثم يعرفه ) ضيعت من وقتي 12 حلقة بغير اي فايدة نهائيا ليتني شايف انمي الحلقة ولا تابعت هذا لكن تباً لمثلثلات الحب .

يعطيكم العافية جميعا ومشكورين على الجهود المبذولة والصراحة كل حلقة استمتع فيها اكثر ، لكن لحظة وش سالفة اللي لازم نرفعكم فوق بالموقع ونعلق ونحطكم الاول ؟ مافية شي ببلاش سيد عبدالرحمن هتدفع؟؟ حزبطك غير كذا الله يستر عليكم سالفة الاستغلال هذي مهب عندنا ( اول واحد علق واول واحد حط لايك) لكن سؤال شلون اشوف الاول على الموقع؟ قيثم الصوت اللي باخر ثانية وشو هذا؟🌚

دمتم بود حبايبي 🤍🤍

اصلا عادي تعليقي الحلقة الماضية ما قريتوه 💔 هذي ضريبة انك تجي متاخر