كشكول أنمي 223

السلام عليكم ورحمة الله وبركاته
حي الله الشباب جميعا اللي جاء واللي ما جاء
حلقة رهييييبة بوجود قيثم وحسين وفيه واحد ثالث ما ادري منهو جديد علي لكن ان شاء الله يكمل 😂😂😂 يا حبي لك يا ابو داحم ودي اشوفك يوم واخمك هذي وحده من امنيات حياتي يا رب تتحقق 🥺🤍

حسين توي مقفل من بودكاست التقنية ثم تطلع هنا بالانمي يخي انت شهم ومغوار ليت بعض الناااس اللي ما ودنا نسمي بدون اسماء يا شباب يتعلمون كيف يسجل حلقتين ورا بعض لكن ما عليه يله نتحمل وش نسوي

ضحكتوني في التسميات يرجال شرط اللي كان يسمي قبل للحين ماسك التسميات لكن صار اكثر ضياعا 😭😭😭 اجل صراع الطبخ صار ( لا سلام على طعام ؟؟؟) اكامي قا كل ( قاتله بالاكراه ؟؟؟) تورادورا ( النمر والتنين ؟؟؟؟؟؟) وش ذاااا 😭😭يخي امسكوه ذا وادبجوه خلوه يعرف يسمي او يخي خلها على اسمائها الانجليزية وش زينها

سبويلر الحلقة رقم 1854 من بودكاست انمي :
عبدالرحمن : دان ماتشي بتابعه قريييب مره
لكن تبي الصدق انا اكثر شي يعجبني في دان ماتشي ان ما عنده جمهور ( علني ) يعني يتكلمون عنه في تويتر وغيره عشان كذا حبيته اكثر ما كرهته بسبت الفانز مثل العملاقة وسولو💔

مدري ليش بس احس فانز انفايد مدري وش اسمه مفحطين تعرف اللي بعد ما تتابع كم حلقة تروح تدور لك دوار يا وحش واحلى تفحيط 😂😂 ، اذكر اني تابعته قديييييما وخلصت الجزء الاول المشهد الوحين اللي اتذكره هو كان موقفه السيارة وقاعده تهز مدري وش اللي يهزها يمكن الهوا وخفت عشان كذا ما نسيت هذيك اللقطة .

قيثم قبل لا تقول التوصية مجرد ما اعرف انها منك علطول ادد تو لست وتصير من اولوياتي .

شفت فلم خورافي اسمه Black fox الغريبة ان ما احد يتكلم عنه مدري اذا شفتوه والا لا لكن تابعوه جميييييل جدا قصة انتقام لكن المشكلة الوحيدة اللي ممكن ما تخليكم تتابعونه هو ان النهاية غير كاملة ولازم جزء ثاني قصدي ان عشان تكمل قصة الانتقام لازم يكملونه ، لكن بشكل عام ممتاز مره واوستاته رهيبه وفيه قتالات بتعجبكم

قبل فترة شفت واحد من الانميات اللي كانت معشعشة عندي باللستة والصراحة ندمت اني توي اشوفه يا جماعة بطل و خورافي و شي شي مهول Death Parade انا ما ادري ليش توي اشوفه لكن ماد هاوس بدعووووو فيه صح لا من ناحية اوبننق خورافي ولا من فكرة وقصة خورافية واذا جينا للدراما اللي فيه مبدعييييييين فيه اما من ناحية الاوستات الصدق الصدق افضل اوست هادي سمعته هو عندهم مهوووول يا جماعة افضل لقطة بالعمل كله هو لقطة التزلج وتذكر الماضي هذيك فضت من الدموع والاحزان اخخخ ، لكن الفكرة صراحة جايزه لي مرررره + نظام كل حلقة حلقتين قصة هذي بعد تحسب لهم ما تمل من العمل ولا يحتاج تربط الحلقات مع بعض عشان تفهم الحبكة اللي فيها ، افضل حلقة بالنسبة لي او قصة هي حلقة 3 ماضيهم كان حزين وجميل بكل الحالتين + الايندينق مدري اذا ركزتوا فيه والا لا دايم يجي عن الشخصيات اللي كانت في الحلقة ، شي شي رهيب افضل عمل اورجنال شفته عن نفسي اذا عندكم شي غيره عطوني خلوني استمتع ، نقطة اخيرة عناد ما ادري ليش ما جاز له لكن هذاك الشخص تقدر تقولون عنه تصنيفه واختياراه للاعمال غريب شوي

وبس والله اتمنى اني ما اطلت عليكم مع اني اعرف واحد يدعي اني ما اكتب عشان ما يقرا بس وش نسوي له مهب هو اللي قال ( انا اسف علقوا ) يوم نكبكم بعد سالفة ال 80 تعليق ولا يقالك حاط نظام جديد ( ما نقرا التعليقات اللي تحت ) 😂😂😭 اخاف انحرم الحلقة الجاية ما ينقرا تعليقي 🌚🌚🌚 انا اسف جدا جدا وحقك علي وامسحها بوجهي هالمره ، على العموم الله يوفقكم ويسر امركم نراكم على خير دمتم بود 🤍🤍

#حزب_تصنيف_قيثم