كشكول تقنية 227

بواسطة كشكول


محتويات الحلقة
00:00 المقدمة 
02:30 موضوع الحلقة : مؤتمر آبل 
47:00 اخبار متفرقة
01:14:50 تسريبات 
الحضور:بدر ،  وليد ، ، ابو باسل ، عبدالرحمن الوهيبي

5 تعليقات
1

شاركنا تعليقك

5 تعليقات

MrD7ToOk
MrD7ToOk 27 سبتمبر، 2020 - 1:55 م

السلام عليكم ورحمة الله وبركاته
يالله حي الشباب جميعا اللي جاء واللي ما جاء
انا مستمع قريب لبودكاست التقنية وعريق بالانمي😅 ، ممكن اخر خمس بودكاستات سمعتها وندمت الصراحة اني توي اسمع له ولو اني ما عندي هوس بالتقنية كبييير مثلكم ما شاء الله
اول مرة اعلق وترا مشكلتي اذا استرسلت في الكلام ما اسكت فحاولوا توقفوني وتتحملوني 😂 .

بالنسبة لساعة ابل انا كشخص مستخدم لاجهزة ابل اتكلم عن ان عندي ايفون وايباد برو ( طبعا كلمت برو عشان يبان اني فخم والا اقدر اقول ايباد بس ) ففكرت اني اخذ الساعة ، خاصة ان الساعة اللي معي ما شاء الله لها حول 6 سنين معي ( ساعة الفجر ) ما قصرت والله السؤال هو وش الانسب لي ؟ لان التقنيات الجديدة الصدق ما اعرفها وهل لها فايدة كبيرة؟ اللي هي تخطيط القلب وقياس الاكسجين ( هذي ما ادري وش سالفتها ) فهل الساعة اللي بتنزل الجديدة مناسبة لي ؟ ومتى تنزل عندنا في السعودية وهل اذا نزلت انتظر الى البلاك فرايدي يعني ممكن يكون فيه عروض والا شي ( تفكير قصيمي بحت ) 😂😂

يخي ابل شوي وبتصير تعطيك الجهاز بدون كرتون الحسنة الوحيدة اللي للحين تجي هي الستكرات وليتهم شايلينها بعد لكن فيه مشكلة بالايباد برو والايبادات بشكل عام اذا احد قال لي شرايك فيه ومواصفات وكل شي اعطيه اياه ينبهر يجي يقول لي كم سعره هنا اجلس افكر شوي اقول له سعره بالقلم والا بدون 😂 بعضهم يهون بعد ما يعرف ان سعر القلم لحاله ب 600 والا 500 ريال

حسبة بسيطة بليون دولار قسمة مية الف موظف ( لو افترضنا ان هذا عدد كل اللي بالشركة ) = عشرة الاف دولار لكل موظف ، يقبلون طلاب جامعيين ؟😂😂

الحركة الوحيدة اللي اعجبتني في المؤتمر كله هي البصمة حقت الايباد رهيييييبة لكن يوم قلتوا انها مهب مطبقة على الايفون 12 ضاق صدري شوي 💔 مع ان اتوقع ممكن تجي له لانه بيجي باطراف عريضة فمن الممكن انها تنزل له ونقول ان شاء الله

جوال LG الجديد ابو حركة ال T ما احس انه عملي ابدا يعني ميزته الوحيدة انك تكشخ به توري العالم كيف تفتحه وانك تشغل في شاشة والشاشة الثانية شي ثاني ، لو بيجي مع زيت W40 بشتريه 😂😂 ، لكن سؤال ليش حاليا التوجه كذا يعني نفس نظام الفولد وهذا وما تدري وش يطلع لك بكرا هل فيه احد يشتري هالاشياء ؟ يعني احسها طفة كذا وتنتهي

سؤال وش افضل جوال جاء بكميرا متحركة من وجهة نظركم؟ يعني ما حطوا الكاميرا الامامية، اما تطلع او تنبثق او يصير اللي يصير بس اهم شي تطلع ، عن نفسي انبهرت جدا بفكرة ال Asus ZenFone رهييييبة الكميرا حقته .

معليش على الاطالة والله يوفقكم جميع وطبعا انا استخدم الموقع بالدارك مود وهذا شي اكيد وجوالي كله دارك مود فاهنيكم على الفكرة هذي واللي صمم الموقع الجديد ،لكن مشكلتها الوحيدة اني اذا ابي اعدل على التعليق ما اقدر اشوفه لازم اطفي الدارك مود فاذا لها حل ( اتوقع عشان الخط اسوط في التعديل ) ،

شكراً ودمتم بود 🤍

الرد
B0_7N4N
B0_7N4N 24 سبتمبر، 2020 - 1:19 ص

وش الفرق بين الآيباد الجيل الثامن و البرو غير الهاردوير؟ وكيف أعرف أن الآيياد هذا الجيل الثامن او اللي قبله بحكم أنهم نفس الشكل؟ سعره خرافي واحتاجه للدوام.

الرد
بدر الناصر
بدر الناصر 25 سبتمبر، 2020 - 10:15 ص

باذن الله تسمع الرد في حلقة بودكاست تقنية 228
تحياتي وشكرا على التعليق

الرد
غير معروف 20 سبتمبر، 2020 - 5:18 ص

حلقه خفيفه لطيفة و شعور رهيب ان الي تسمعهم بودكاست الالعاب و الافلام موجودين في بودكاست التقنية
اول تعليق في الموقع بسبب اني اسمع البودكاست دائما عن طريق ابل بودكاستس ف حبيت هالمرة اشكركم ع مجهودكم الاسطوري و احب اقلكم انه فترة الكورونا كلها ما في ثانية تمر من كل اقسام البودكاست ما اسمعها .

الرد
بدر الناصر
بدر الناصر 25 سبتمبر، 2020 - 10:18 ص

حياك الله اخوي الغالي ..
وان شاء الله تتكرر اكثر … ولا تفوتك حلقة مسلسلا 223 فيه اجتماع جميل
وان شاء الله ما تكون اخر مشاركة

الرد