كشكول 89

الله يعطيكم العافية على الحلقة الدسمة الممتازة و الي كانت أفضل بعودة فيصل و ابو ابراهيم و باقي الشباب ما قصروا طبعا.
بالنسبة للعبة Zombie كل مرة أشوفها في الستور أقول ويش هاللعبة الي اسمها رخيص ، إلا طلعت هي نفسها لعبة الوي بس بدون u ، و من كلام أبو فراس اللعبة تستحق إنها تنعطي فرصة.
فلم Focus كنت مأمل إن راح أسمع كلام إيجابي و لكن كلكم اتفقتم إن الفلم لا يستحق و بالأخص ابو إبراهيم الي أنهى على الفلم نهائيا بتقييمه بين ٣ و ٤.
بالنسبة لأنمي Arslan شاهدت منه ثلاث حلقات أول ما نزل و شداني صراحة لكن انتظرت و جالس أحمل الحلقات عشان اشاهده في فترة وحدة ، و لكن في نقطة إما ما تطرقتم لها أو ما انتبهت يوم تذكرونها إلا هي السي جي(CG) السيء أول الحلقات و إن كانت بتتحسن مع مرور باقي الأنمي أو لا.

حاب أسأل عن رأيكم في أنمي Evangelion هل هل يستحق المشاهدة أو لا ؟ من الانميات الي سحبت عليها هو و Monster و ما أعرف سبب سحبتي عليهم صراحة.

يعطيكم العافية وما قصرتوا
متابع جديد لكم أن شاء الله ، صراحة الآراء اللي سمعتها منكم معظمها يتناسب مع ذوقي بالافلام والمسلسلات وهذا اللي خلاني استمتع من بداية الحلقة لنهايتها ، حتى في قسم التقنية أبو ابراهيم كفى ووفى في طرح وجهة نظر مقاربة لوجهة نظري ، إلا في سالفة كيبورد بلاك بيري خالفته شوي XD
عندي ملاحظة بسيطة يمكن ما تستحق ذاك الاهتمام بس شوي نغزتني بالنسبة للقسم الثاني من المسلسلات افلام الكرتون احس لو كان بمسمى “انميشن” كان بيكون أشمل لهالنوعية من الميديا ، بالنهاية أنا متابع جديد ويمكن التسمية لها قصة
حمستوني لمسلسل يوتيوبيا شكلي بشوفه قريب

يعطيكم العافية وبانتظار الجديد

يعطيكم العافية حلقة جميلة
بغيت اسألكم احد فيكم شاهد مسلسل Gangland Undercover?
مسلسل قصير ومظلوم جداً نادر اشوف احد يتكلم عنه في مواقع التواصل

ايش الحلاوة ذي ي شباب , حلقه 4 ساعات و رجعه ابو ابراهيم و ابو عبدالله خلت الحلقه اسطوريه زياده , ان شاء الله رجعه دائمة باذن الله

عندي تعليقات ع الحلقه , برجعة ابو ابراهيم ( الاصلي ) صارت فقرة التقنيه بصراحه ممتعه ورهيبه زي زمان , انا جاتني فتره كنت اقدم الحلقه للالعاب وابدا وارجع للتقنيه اذا طفشت مافي شيء اسمعه, كان ناقص للفقره ابو يوسف عشان المحارشه وكذا

بالنسبة لـ الاسبن اوف حق سونز اوف اناريكي , هو عن الماينز ( العصابة المكسيكيه )

بالنسبه للانمي اتمنى من كل قلبي تحطون جينتاما في اللسته وتعطونه حقه , في وحده من الحلقات قال ابو عمر انه شاف 15 حلقه وكان يوقف من الضحك لكن ماقدر يكمله وهو بنفسه مايعرف ليه
السبب اللي ابغاكم تتكلمون عليه اني صارت لي نفس المشكلة لكن رجعت كملته و طلع توب 5 بالراحه

اتمنى اتمنى اتمنى ترجعون تعطونه حقه كـ احداث و قصة وشخصيات , و الانمي عمييق جدا

وبس ويعطيكم الفين عافيه

افتقدنا الامريكي