كشكول ألعاب 229

السلام عليكم.

عندي موضوعين وودي أشاركهم فيه.

الموضوع الأول:
‏Xbox للأسف مافي أي سبب يقنعني عشان أشتري جهازهم Series X ولا إستعرضوا لعبة تستفيد من قدرات الجهاز، وألعابهم مع الأسف مافي شي يحمس من ألعابهم الي تقول “واو” لازم أشري الجهاز عشان اللعبة الفلانية، يمكن Hellblade 2 هي الشي الوحيد الي تشري الجهاز عشانه لكن الى الآن ما شفنا أسلوب لعب للعبة.

‏و صراحة ماودي أبالغ بس أحس Xbox تبي تشيل أو تمسح شي إسمه “متعة” في عالم الألعاب.

‏طبعاً في مجموعة من الناس يدافعون الإكس بوكس فقط عشان إشتراك Game Pass وما أقول إنه سيء بالعكس ممتاز لكن هل الألعاب تبقى في المكتبة بشكل دائم وهل جميع الألعاب ستنضم لهذه المكتبة ؟
‏لا في بعض الألعاب تروح لفترة معينة وفي ألعاب غير مهتمين يضمون ألعابهم في Game Pass حتى مطورين Cyberpunk بنفسهم قالوا غير مهتمين بإصدار اللعبة في Game Pass

‏بينما بليستيشن قدروا يستعرضون قدرات ألعابهم على أجهزة الجيل الجديد.
‏مثال Ratchet & Clank الإستعراض كان متعة بصرية، قدرة التنقل بين العوالم وأيضاً الرسم المبهر وأسلوب اللعب رهييب.
‏Spider-Man: Miles Morales قد لا يقدم شي جديد لكن تقنياً مبهر جداً.
‏Demon’s Souls أيضاً متعوب عليه جداً.

‏بإختصار طريقة تعامل Xbox مع مطورين ألعاب الطرف الأول = الكمية على الجودة.
‏طريقة تعامل بليستيشن مع مطورين ألعاب الطرف الأول = الجودة على الكمية.
‏شخصياً أنا أهم شي عندي التجربة وجودة اللعبة نفسها سواء كانت لعبة خطية، عالم مفتوح، بلاتفورم أو من مطور مستقل.
‏حتى ولو السعر وصل ٦٠-٧٠$.

هذي وجهة نظري بالنسبة لي مب شرط تتفقون معي على الأقل تتفهمون وجهة النظر.

————————————————————

المرضوع الثاني:

‏من أغرب، أسخف وأغبى شي تشوفه “فئة سمية من الناس” الي يهاجمون بعض ويفرضون على بعض إيش الجزء الحقيقي في السلسلة وإيش الي لا وكأنه في تعريف واحد فقط. سواء كانت في الألعاب أو حتى في الأفلام أي سلسلة فيها تغيير بتلقاهم يهاجمون ويخربون ومايخلون بعض يستمتع بلعبة أو فلم ولا حتى بالإعلان.

‏ولا أزيدك من الشعر بيت، مب بس الناس حتى يهاجمون على المطورين/المبتكرين/مخرجين للألعاب والأفلام ولا لازم يطب في كل تغريدة لك/المبتكر أو تعليق ويكتبلك بالقذف أو بكلام بذيء “كلام قمامة” يعلمك كيف إنه هذا خايس وماعندك سالفة.

‏ولا أسوأ شي إنه يجي يتهمك إنك منتب “فان حقيقي” لأنه أعجبك جزء ما أعجبه. السلاسل تتسع لكل الآراء وبالعكس مفيد لنموها.
‏لازم تعرف انه في بعض الحالات يضطرون للتغيير عشان مايحسون بالملل أو More of the same again ولازم تكون متفهم مب شرط تتفق بالشي وأيضا لازم تكون Open-Mind مب مقفول.

‏النقد وإبداء الرأي له مكان ووقت محدد، غير كذا القذف والتخريب أبداً مب الحل المناسب. تقبل إنه فيه اختلافات ولكل واحد حق يعجبه الي يبي، تنتقد الشيء بالمنطق يعني إيش الإيجابيات والسلبيات بصورة واضحة وبكل أدب وإحترام إيه أما تجي بعقل مقفول وتهاجم الناس بالقذف هذا الشي غير مقبول أبداً.

أبعطيكم أمثلة:

يعني أبسط مثال في الفترة الأخيرة The Last Of Us Part II بالنسبة لي أشوفه أفضل من الأول لكن القصة عندي عادية حتى قصة الجزء الأول عندي عادية، يعني أنا عندي Uncharted 4 هي أفضل لعبة لإستوديو Naughty Dog حتى الآن ومتحمس للعبتهم القادمة على PS5، الناس زعلانين بس أوه مدري وشو ليش كذا ومن هالكلام ولا تهديدات بالقتل، تراه بالأخير لعبة ياناس لعبة مب نهاية العالم.

مثال ثاني سلسلة Resident Evil أنا بالنسبة لي عندي Resident Evil 7 أفضل جزء بالسلسلة وحتى أفضل من الريميك الثاني، الناس زعلانين عشان أوه first person، وين Leon وين Chris، انا ما همني هالكلام أنا همني جودة اللعبة والتطور والتغيير في السلسلة كان أفضل قرار اتخذوه.

مثال آخر ألعاب يوبيسوفت أنا شخصياً أشوف الشركة جيدة مب أفضل شركة ولاهب أسوأ شركة يعني في ألعاب بعضها تعجبني وبعضها ما تعجبني، لكن الناس بس موجة من الغضب بس يقولون “يوبيزفت” وهذا مع إحترامي للجميع أسلوب طفولي وغبي بنفس الوقت، لازم توضح انه هذا الشي أعجبني وهذا الشي ما أعجبني، مب بس تجي بدون تفكير وبرد غبي “يوبيزفت” كذا لا هذا مب مقبول أبداً. يعني عندك سلسلة Assassin’s Creed أنا عندي Black Flag و Origins أفضل جزئين في السلسلة وValhalla أثارت إهتمامي لأنه يعجبني الحقبة الإسكندنافية، الناس يقولون لا هذي مب Assassin’s Creed، ولا وين Ezio ولا من هالكلام، زي ماقلت لازم يكون في تطور وتغيير وهذا أفضل شي في السلسلة ويعني حتى وحدة من حلقات Game Informer أحد أعضاء قال انه الناس لازم يفكرون مب بطل واحد وخلاص انتهينا لا لازم كيف إنتشرت المنظمة Assassins و منظمة Templars حول العالم من الأساس الى بدأ الحرب بين المنظمتين وكيف انه الحرب مستمرة بدون توقف طوال وأيضاً يكون في Protagonist خاص في حقبة معينة وتدخله بين المنظمتين.

مثال أخير أنا شخصياً ماتعجبني ألعاب روكستار مب عشان القصة ولا الرسم ولا العالم، مشكلتي الكبرى لألعابهم انه أسلوب اللعب نفسه مايغيرون بطيء وثقيل، وتصميم المهام الي بالنسبة لي أشوف من أسوأ تصاميم المهام في ألعاب عالم المفتوح يعني كإني أتبع مسار خطي مب أخذ راحتي ليه، يعني رحت أخذ مسدس من الحصان عشان أغيره فجأة Mission failed ليه تركت العصابة، ألحق سيارة خويي بس اذا تعيدته Mission failed ليه عشان تركت خويك، فيه ناس ماعندهم مشكلة بس بالنسبة لي أشوفه عيب كبير في ألعابهم

وأكون صريح معاكم أشوف شركة روكستار مخيبة للأمال يعني مستمرين في GTA V و مانزلوا الا لعبة وحدة جديدة لهذا الجيل و EA أشوفه أسوأ شركة ألعاب لهذا الجيل يعني غير Respawn ألعابهم كانت سقطة كبيرة بالذات Bioware وحتى مع العابهم الجيل القادم مايحمس.

و‏الحمدلله أنا منب شخص سلبي، أناني، نفسية أو زي بعض الناس كلامهم عبارة عن قذف بطريقة همجية وسطحية، ‏أحب أكون شخص إيجابي وموضوعي وأعطي كل حقٍّ حقه وأبين إيش الأشياء الإيجابية والسلبية.

معليش على الإطالة والتعليق الطويل بس عشان تفهمون وجهة نظري مب شرط تتفقون معي ويعطيكم العافية.

– نمر بفترة ذهبية بعودة فان اكسبوكس بقوة اللي اختفو قبل ٧ سنوات من ٢٠١٣ من بداية الجيل الحالي
سعيد لمااشوفهم ناشبين بمنشن كل واحد بتويتر وهنا بكشكول
واتمنى مايختفون مع الجيل القادم 😁
Welcome home boys

– حاب اوجه سؤال لأحد أشهر فان الماستر ريس الأخ ibrahim_1243 عندي لابتوب قديم كرت الشاشة اللي فيه GeForce GTX 765M
قادر انه يشغل ماينكرافت باقل جودة 😂😅
سؤالي هو اقدر اسوي زي ٩٠% من فان البي سي واهايط ب8K و٢٠٠ فريم؟
والا لازم يكون عندي جهاز قادر انه يشغل الجودة هذي عشان اهايط فيها؟ 😁

السلام عليكم ورحمة الله وبركاته.
عندي سؤال مهم جدًا بخصوص الـ HDMI 2.1 ، اللي انا فهمته ان الـ 2.1 ميزته انه يشغل الالعاب على 4K&120fps بنفس الوقت، في حين ان الـ 2.0 يشغل الالعاب على 4K&60fps او 1080p&120fps يعني ماتقدر تجمع مابين الفريمات والجودة العالية لازم تضحي بواحد منهم.
كلنا شفنا الآن الموصفات اللي اغلب الالعاب راح تشتغل عليها في الجيل الجديد، مافيه ولا لعبة قريت انها راح تشتغل 4K&120fps، هل يعني ان الـ 2.1 مضيعة للمال؟ وخاصة اننا في بداية الجيل والالعاب تكون بالعادة اخف في البداية من نهاية الجيل، يعني المفروض فيه كم لعبة تستغل هالشيء وهذا ماحصل للاسف.
سؤالي هو: هل تنصحوني اشتري تلفزيون يدعم 2.0 فقط؟، وخاصة ان فيه بعض التلفزيونات فيها نظام انه تقدر تخليه يشتغل 4K&60fps او انك تقدر تحوله 1080p&120fps.
اجابتكم مهمة خاصة ان التلفزيونات سعرها غالي جدًا.
وفي النهاية تحياتي لسنيك علر زميل الريد سابقًا 🥰.