محتويات الحلقة
تعليقات المستمعين
اخبار متفرقة
وش شفنا
مسلسل الحلقة
Raised by wolves
الحضور
ابو حصه, خالد العجلان, عبدالعزيز المنيع
كشكول مسلسلات 225
محتويات الحلقة
تعليقات المستمعين
اخبار متفرقة
وش شفنا
مسلسل الحلقة
Raised by wolves
الحضور
ابو حصه, خالد العجلان, عبدالعزيز المنيع
9 تعليقات
السلام عليكم يعطيكم العافية انا متابعكم اكثر من سنة بشوي جدًا مستمتع بالبودكاست واستمروا قبل فترة خلصت مسلسل broadchurch المسلسل جميل و رائع خلطة ممتازة بين الدراما و الغموض و الحوارات ممتعة و مكتوبة صح و اتعلقت جدًا في المسلسل بعد ما انتهى و اكثر شي عجبني شخصية البطل المحقق آليك شخصية مغطرسة منفسة في نفس الوقت لكن مخلص في عملو و مايرتاح الين يقبض على المجرم اتمنى اسمع رأيكم عن المسلسل الي تابعو و شكرًا لكم
السلام عليكم، يعطيكم العافيه جميعا على المجهود، شاهدت مسلسل Raised by Wolves ،تعليقي ان الفكره ممتازة ولكن تحس ترابط القصه وسير الأحداث فيه خلل كبير، النهايه كانت غامضه وغريبه وغير مفهومه، ما اتوقع اني متحمس لموسم ثاني، من المسلسلات إلى شدتني في الفتره الاخيره، Patria، مسلسل اسباني من إنتاج HBO وأعتقد يستاهل المتابعه من اول خمس حلقات، كذلك مسلسل Helstrom من إنتاج hulu وفيه خيال علمي مع غموض وذكرني بمسلسل The Haunting of Hill House ،المسلسل فيه حوارات طويله ممله احيانا واقدر اعطيه 6/10، ختاماً معجب بالموسم الرابع من Fargo ولا يفوتكم هذا المسلسل تحفه فنيه، شكراً لكم وآسف على الإطالة
انا تابعت اول اربع مواسم من مسلسل Lost في آيام الحجر المنزلي وقفت على الحلقة الأولى من الموسم الخامس إذا شفتوه هل يستاهل اكمل للأخير ام لا لأني اخاف يطيح من عيني مثل game of thrones لأن كثير ناس يقارنون بين النهايتين.
تقييمي للمواسم :
الأول 10/10
الثاني 9.4/10
الثالث 9.5/10
الرابع 9/10
بختصار أمتع مسلسل شفته و أفضل مسلسل BB.
السلام عليكم ورحمه الله وبركاته
بودكاست اكثر من رائع
اصبح جزء لا يتجزأ من يومي ، شكرا من القلب على الجهود الجبارة
بالأخص ابو حصه وابو عمر وحبيبنا سعد والجميع بدون استثناء
بالنسبة لمسلسل raised by wolves متحمس للموسم الثاني
صحيح القصه فيها لحسه مخ لكن تتحمس تكمل المسلسل تبغي تعرف ايش راح يصير ، اكثر شيء اعجبني في المسلسل Father ، وبالذات النكت الغبيه اللى يقولها ههههه
حاليا اتابع succession وبعده ان شاء الله The Crown الى الآن ما شوفت ولا حلقة .
وأعتذر على الإطاله
صباح الخير .
تابعت مسلسل better call saul الموسم الأول واستمتعت جدا بمشاهدته بشكل غير متوقع واللي لاحظته ان اسلوب الكتابة فيه فيها من طابع breaking bad لكن مع كتابة محكمّة أكثر وفيها ترابط عكس breaking bad اللي في غالب الاحيان احداث تمشي الى الأمام بدون ربط متسلسل وكان غالباً مواقف ينحط فيها والتر وايت ونشوف مغامرته بداخل الاحداث عكس better call saul اللي فيه من الاثنين ، انا اتوقع لأن الكتاب مو vince Gilligan لوحدة بل لأنه معه peter guald اللي اضاف ترابط إضافي على اسلوب طرح كتابة فينس قليقان ..
هل احد لاحظ منكم هذه النقطة في اسلوب كتابة better call saul ؟
وكيف رأيكم في better call saul مقارنة بي breaking bad هل هو أفضل من نفس المستوى؟
طبعا انا متحمس أكمل الموسم الثاني بعده وماتوقعت بيعجبني الى هذه الدرجة والسلام
السلام عليكم والله يعطيكم العافية
حبيت اعلق بخصوص مسلسل raised by wolves
بالنسبة لي المسلسل كان نايم في كثير من الاحيان وسبب لي الملل لكن غصبت نفسي اخلصه ومتردد صراحة اتابع الموسم الثانية
وفي الاخير احب اشكر جهودكم على هذا البودكاست الرائع
شكراً على الحلقة
كل واحد يعطينا أفضل
مسلسل تابعه هذي السنة
السلام عليكم ، إن شاء الله انكم جميعا طيبين وفي أفضل حال ❤️
كلامكم عن Raised by wolves كافي ووافي ولكن احس اني ابغى ازيد عليه ، المسلسل هذا غريب احس اني كنت مستمتع فيه فالبداية بعدين صرت اشوفه عشان اخلصه بس ، احس انهم ضيعوا القصه وما يدرون وين متجهين بالضبط ، الCGI من اغرب الاشياء في هذا المسلسل كانت سيئة خصوصا الحيوان الي طلع فالأخير ، الموضوع يشمل Lovecraft country طبعا كل واحد يقول السوء عندي .
HBO سنتها قد ما كانت اسطورية بتواجد اشياء عظيمة زي I know this much is true و Perry mason و watchmen قد ما خربت بتواجد الاثنين المذكورين فوق ، صراحة احس اني فقدت الاهتمام كليا في Raised by wolves وما اعتقد بتابع الموسم الثاني .
وبالنسبة لمسلسل Ted lasso هذا من أجمل الاشياء الي صارت في 2020 المسلسل يعطيك جرعة إيجابية في كل حلقه تشوفها ، والممثل الرئيسي ررهييييب جدا واحلى شي ان المسلسل كان في قالب كرة القدم رغم انه ما جت سيرتها كثير وسط المسلسل .
اش رايكم في عودة الأسطورة DEXTER ؟ انا متحمس بشكل كبير جدا ، كثير ناس متخوفين لكن بالنسبة لي حتى لو كانوا هم قاصدين يسوون نهاية اسوء من الي صارت مستحيل يصير الشي هذا 😂 ، ان شاء الله تكون 10 حلقات نظيفة وخالية من الحلب ، لأنه ما اتمنى اشوف بعد الموسم الجديد الي بينزل موسم زيادة ، هذي تعتبر فرصة اخيرة لهم .
شكرا لكم على كل ما تقدمونه ❤️❤️ ، أتمنى لكم جميعا التوفيق وأعتذر على الإطالة فالتعليق .
السلام عليكم
حياكم شباب حبيت اشاركم باللي تابعته في الفتره السابقه
RAISED BY Wolves مسلسل كانت بدايته ممتازه بس من بعد الحلقه الثالثه صار سيء ومن أسوء إلى أسوء و النهايه مع الجرافيك السيء كانت نهايه كارثيه شكله خلصن فلوسهم على نهاية المسلسل تقييمي ٦من ١٠ و احس كثير عليه بعد.
THE BOYS المسلسل ممتاز مع اني استمتعت بالجزء الأول اكثر من الجزء الثاني لاكن انتاجيا الثاني أفضل تقييمي له ٨ من ١٠
TED LASSO هاذا المسلسل بصراحه مفاجأة بالنسبه لي ممتاز جداً ما كنت متوقع منه أي شي بس كنت ابي اشوف مسلسل لتقضية وقت، بس بصراحه كان فعلاً ممتاز. تقييمي له ٩ من ١٠.
في النهايه حاب اشكركم على مجهودكم و على الشي اللي تقدموه.