محتويات الحلقة
ألعاب لعبناها
Ghost of Tsushima Legends
Tell Me Why
بعدها تكلمنا عن الالعاب الجايه خلال 10 أيام بعد صدور الحلقة
وبعدها ناقشنا آخر أخبار الجيل القادم واخبار متنوعه.
واخر شيء ناقشنا ردود المستمعين اللي استمتعنا في قراءتها
الحضور
فايز، سعد، فيصل، عبدالرحمن
12 تعليقات
السلام عليكم ، اول شي يعطيكم العافية عالبودكاست الرهيب ، بخصوص الجيل الجديد انا ناوي اخذ يلايستيشن 5 ، ومعاه احتاج اخذ شاشة ف ايش تنصحوني بشاشة او تلفزيون ينفع للجيل هذا بحدود ال 2000 ريال ، انا حصلت تلفزيون 55 بوصة LG 4k لكن 50 هيرتز , وحصلت شاشة 4kبينكيو 28 بوصة , 60 هيرتز ، وبعد فيه شاشة28 بوصة 1080p فوق ال 120 هيرتز ، انا ضايع صراحة ف ودي تعطوني ارائكم في الموضوع هذا وشكرا لكم جميعا.
السلام عليكم
ياربي انك تحييهم والله من زمان عنكم. لي تقريبا ٣ شهور ماعلقت معاكم والصراحة اشتقت لكم.(ادري محد اشتاق لي) سبب قطعتي عنكم انه قبل 3 شهور تقريبا اكتشفت ان الps5 مابقى له شي وينزل (واو يالاكتشاف) طالعت في المكتبة اللي عندي واستوعبت ان عندي جبل من الألعاب متراكمة ولحد الان مالعبتها. وبعض الألعاب ختمت قصتها بس وما كملتها. فقررت اني انظف المكتبة هذي فلعبت كل الألعاب اللي عندي. العاب بعضها لها سنة أو أكثر شاريها وكل مرة اقول بعدين يجي وقتها. طبعا مراح اعدد كل الالعاب اللي لعبتها لاني خلال ال3شهور الماضية انقطعت عن العالم كله وماطلعت من الغرفة. لكن باذكر بعضها. منها رجعت لred dead 2 وجبت البلات فيها بعد رحلة استمرت ل325 ساعة. وفيه العاب رجعت العب اضافاتها مثل بوردر لاندز 3. و nioh 2 اللي رجعت ولعبت الNG+ والNG++ وبرضه لعبت الاضافتين اللي نزلت لها وحطيت تقريبا 400 ساعة في اللعبة غير ال200 ساعة اللي حطيتها فيها اول مانزلت (لحد يلومني لاني اعشق هذي السلسلة) ولكن اللي كان ماخذ وقتي الفترة الماضية كانت دخولي لسلسلة assassin’s creed. صراحة فالاهالا جابت راسي. وقررت العب السلسلة كاملة قبل العبها. لحد الان وصلت إلى جزء syndicate باقي لي origin و odyssey واختم السلسلة. اللي خلاني أطول فيها اني قاعد اجيب البلات في الأجزاء كلها. واذا كملت السلسلة كاملة ان شاء الله باعطيكم انطباعي عنها وكم اخذت مني وقت. طبعا الحمد لله المكتبة على وشك انها تتنظف باقي لي 5 العاب تقريبا. واكون فرغت نفسي تماما للجيل الجديد اول ماينزل. وبهالمناسبة خلوني أسألكم سؤال اختم فيه تعليقي. وش وضع مكتباتكم؟ هل عندكم خطة انكم تلعبون الألعاب اللي مخزنينها والا مصيرها بتنسونها وتسحبون عليها؟
ياخي فيصل رهيب يدور عيب في واجهة مستخدم ال ps5 وماحصل شي. في النهاية قال عيبها انها ماهي حلوة لكنها لطيفة. ذكرني بالمثل اللي يقول (مالقى في الورد عيب، قال له يا احمر الخدين). بالنسبة لسالفة الكروت ونظام التروفيات والشروحات الجديد اللي أضافوه. فيصل يقول مالها فايدة وأثبت كلامه انها كانت موجودة على الاكس بوكس ومحد كان معبرها. اكبر غلطة انك تقارن مجتمع الاكس بوكس بمجتمع البلستيشن. ترى الtrophy hunters اعدادهم هنا مهولة على البلايستيشن. واحد من المجتمعات اللي انا داخلها على البلايستيشن عدد الأعضاء فيه حول ال13 الف والمجتمع بس عبارة مساعدات واجوبة للتروفيات في الألعاب. وفيه غيره مجتمعات كثييييير واعضائها بالألوف. وازيدك من الشعر بيت فيه موقع اسمه psn profile هذا موقع يبين لك تروفيات الألعاب وشروحات لها وفيه ليدربورد من خلاله تقدر تشوف من اول شخص جاب البلات في لعبة معينة وتقدر تشوف ترتيبك انت على العالم. روح وشوف كمية التفاعل في الموقع هذا غير مقاطع اليوتيوب اللي تكون مدتها قصيرة لكنها تشرح تروفي معين روح شوف المشاهدات كم بعض المقاطع توصل مشاهداتها فوق المليون وهو مقطع شرح تروفي. اختصار لكلامي هذي الميزة بالنسبة لملاك البلايستيشن تعتبر شي نتمناه من زمان وهو من أفضل الأشياء الجديدة اللي أضافوهها مع النظام الجديد ومقارنتك لها مع مجتمع الاكس بوكس كان غلطة وشكرا.
في عام 2015 تفجرت فضيحة قيام مايكروسوفت بالتعاون مع شبكة Machinima بالدفع لعدد من اليوتوبر في عام ٢٠١٣ لإبراز نقاط إيجابية وأخفاء سلبيات جهاز اكسبوكس ون والعاب الإطلاق
يقولون أبوطبيع مايخلي طبعه
تتوقعون مايكروسوفت تكررها مع اكسبوكس سيريس X !؟
لحملة أسهم اكسبوكس😁 هذا مصدر للتأكد :
– https://www.polygon.com/2015/9/2/9248527/ftc-machinima-deceptive
– https://arstechnica.com/gaming/2014/01/stealth-marketing-microsoft-paying-youtubers-for-xbox-one-mentions/
سؤال ثاني لو سمحتوا وأهم من الاول 😂
الآن نظامي شخصيا على PS4 اشترك بلس على حساب اخوي وافعله عندي بجهازي وبكذا نستفيد كلنا من البلس ( توفير) 😂، هل بيكون نفس الوضع على PS5؟
السلام عليكم،، اول تعليق وانا مستمع قديم لكشكول ولكن حديث على قسم الألعاب صراحة شكرا لكم مبدعين بشكل رهيب ♥️
استفسار ممكن يكون غريب لكن حاب انه يكون كنقاش ونطلع بأرائكم الجميلة.
انا انسان عاشق للعبة اساسنز كريد وطلبت فالاهالا طلب مسبق وبرضو طلبت PS5 طلب مسبق ، المشكلة بين نزول اللعبة والجهاز ٩ ايام ومع التوصيل ممكن تزود 😂
تنصحوني اصبر والعبها على 5 او ما راح يكون فيها فرق كبير؟ مع العلم اني اعد الايام بس متى يجي ١٠ نوفمبر وتنزل اللعبة 🤦♂️
السلام عليكم و رحمة الله و بركاته
محتار بين لعبة Watch dogs legion و لعبه Cyberpunk 2077 لأن اللعبتين بينهم تقريبا 20 يوم و اللعبتين يتشابهون ف نوع العالم حقهم و معروف لعبة العالم المفتوح يبي لها وقت على ما تخلصها و تفصفص كل شيء فيها و حرام اشتري اللعبتين في نفس الوقت لأني متأكد انه ما راح يمديك تخلص الأولى قبل الثانيه
ماني قادر ارجح الكفه
watch dogs تقدر تلعبها مع اخوياك
Cyberpunk اللعبه سولو بس مطورينها سي دي بروجكت
أنتوا وش رايكم ؟ و شكراً و أسف على الإطاله
فيصل في مواقع التواصل نظامه يا غريب خلك اديب
فيصل في البودكاست نظامه يامير تسبدي
السلام عليكم ورحمة الله وبركاته،
معكم خويكم دحمي..
بتكلم عن شي كنت أسمع عنه ولا متوقع انه بالشي الكبير، ألا وهو 4k.
توني شاري شاشة ٢٧ انش lg ul 550-w سعرها حلو ١٧٠٠ ريال. بصراحة اللعب على 4k شي خيالي، ماكنت اتوقع هالشي. أقول لأي لاعب كاجوال ماعليك من 144 FPS اذا انت مو competitive وتلعب ألعاب عالم مفتوح أو قصصية أو تستنى الجيل الجاي، اشتر شاشة 4k.
وبالنسبة للي يبي يلعب 4k 60FPS مع Ray-Tracing على البلايستيشن والاكس بوكس، أقولك انسى. أنا عندي كرت ٢٠٨٠ سوبر ومعالج i9900k
وبدون overclocking وبدون Ray-Tracing ولا جبت ٦٠ فريم في بعض الألعاب، زي Far Cry 5, The Witcher 3
الفريمات توصل ٥٠-٥٥ تطلع ٦٠ في بعض الاماكن بعدين ترجع.
كيف لو شغلت Ray-Tracing يمكن الفريمات توصل ٣٠
فأقول لحقين الكونسول لا تستعجلون، خذها قاعدة
4k 60FPS with Ray-Tracing is impossible
ولاعليك من كلام الشركات سواءً سوني أو مايكروسوفت
اول شيء
يا سعد انا ما اسحب عى احد يسأل بس ما اشيك يوميا
لسببين
1- احب اسمع اسئلة من داخل الحلقة
2- عندي اختبارات
اخوي أبو ديالا GeForce GTX 765M لا تهايط بجهازك وهذا شغل الجهال ما نقبل به
بس انت تقول حقيقة لو قلت pc اقوى منصة في اداء لاننا ما نعترف بالاجيال
طبعا لين تجي الكلود
واخبار xcloud مبشرة برضوا متحمس اجربها زي ما جربت حق نفيديا واتوقع يكون كويس لان حق نفيديا كان مشكلته بعد السيرفر ولا جودة كويسة وستجابة مقبولة
اختلف بشكل كبير مع الأخ سعد بخصوص ان مايكروسوفت جالسة تنافس سوني بشرائها لبثسدا وانه صحي للصناعة ! ، اللي سووه هو احتكار وهيمنة فليست شركة بثسدا معروفة بمنصة واحدة عكس الاستديوهات القلة اللي اشترتها سوني وسوني سياستها تأسيس فرق أكثر من انه استحواذ ويوم شرو انسوميناك هذا لأن تاريخهم مع بلايستيشن واضح وحتى بعض الناس كان يعتقد ان انسوميناك طرف أول لسوني من قوة ارتباطه في لايستيشن لكن في حالة مايكروسوفت كل اللي سووه هو انتازع اسماء معروفة مسبقاً ماساهموا في صنعها ولا تأسيس شعبيتها في السوق وهذا لمجرد فقط انه لديهم المال ولو نقارن من اللي رفع اسم انسوميناك قبل لا يشترونهم سوني ؟ هم سوني انفسهم لأنهم كانوا يتعاقدون معهم لسنوات طويلة بألعاب مثل راتشت اند كلانك و وسبايدرمان غيرها وكان يدعمونهم مالياً ولوجسيتاً ولكن في حالة بثسدا وش سوت مايكروسوفت لهم قبل لايشترونهم ؟ ولا شي ابد بالعكس شعبيته بيثسدا كان قائمة لوحدها
شركة بيثسدا ليست الشركة اللي معروفة ارتباطها بمايكروسفت ولا اي شركة بل كانت شركة لكل اللاعبين ، فقط لأن مايكروسوفت عندهم الدراهم فقط قدروا يشترونهم وهذي هيمنة واحتكار عكس المنافسة ، المنافسة هو انك تشتغل بنفسك يكون عندك ادارة قوية تبتكر اسماء وعناوين بنفسك مثل سوني وليس مثل مايكروسوفت اللي ماعندها ادارة فقط أموال من ٢٠١٧ وهم يستخوذوا على استيدوهات ومعقولة الى الآن ماشفنا شي فعلي ؟ ماقدروا يصممون ألعاب خلال السنوات هذي كلها لحتى تكون ألعاب اطلاق لأكسبوكس ؟ ثقتي في مايكروسوفت منعدمة لأنها شركة لاتحسن إدارة في الألعاب بل بالعكس تدفنهم ومن الاستديوهات هذي rare و حتى يوم تعاقدو مع scalebound اجبروا المخرج هيديكي كاميا على توجهات معينة تخص الاونلاين الى ما ألغي المشروع بسبب سوء التفاهم بين الطرفين ، وترا بيثسدا في الفترة الاخيرة قل مستواها بشكل كبير واذا كانت العاب ممتازة فأنها ماتبيع والدليل ان dishonored اللي اعتبرها أفضل لعبتين عندهم مع doom ما باعت كثير بل انهم صرحوا انها راح توقف لأنها ماحققت مبيعات ترضي أهدافهم ، لذلك لعبة مثل deathloop ما اعتقد كانت بتظهر بشكل أكبر لولا حصريتها على بلايستيشن
doom اعتقد انها انجح لعبة عندهم حاليا لكن الباقي يعاني ولو ان مستواها عالي كمثل the evil within وغيرها .. فأخيرا احب اقول ان اللي جالسة تسويها مايكروسوفت مع بيثسدا هو هيمنة واحتكار وماهو شي صحي ولا يعتبر منافسة متكافئة شريفة .الشي الصحي انت تشتغل بنفسك موب تدور شي جاهز وتسلب اللاعبين منه ، سوني وننتتندو هم اللي يقودون الصناعة بصنع ألعاب أيقونية بأنفسهم فكلنا رأينا النجاح الساحق لي god of war و spiderman و ghost of tsushima و مع نتندو legend of zelda botw و ماريو اوديسي ومقابلهم ماذا فعلت مايكروسوفت ؟ نزلت halo infinte بشكل يفشل وتأجلت ومن ٢٠١٧ ماشفنا شي منهم فعلياً غير الآمال .. وشكرا لكم على قراءة التعليق
السلام عليكم جميعا والله يعطيكم العافيه جميعا على المجهود الي تقدمونه
بس حاب ارد على اخوي فيصل الي ماشاءالله عليه يصرف لنا تصاريح قدعنه من عنده بموضوع ان الاكس بوكس ماراح يقدر يشغل ٤ العاب او اكثر بالخلفيه وماراح تجلس اكثر من ٥ دقايق
فيه كثيير جربوا الجهاز والعبه حرفيا مع المعالج الجديد والاس اس دي قادره تجلس وقت طويل بالخلفيه حتى فيه شخص جربها وقفل الجهاز وخلها على الريست مود ورجع بعد فتره والعبه مثل ماهي موجودة وعلى المكان الي وقف فيه
ماادري تقنيا كيف سووها هل يحفظها على الهارديسك ويرجعها او بالرام لكن فعليا الخدمه شغاله وكل الي جربوها يمدحونها
واخيرا لابو يوسف تراني مو فان للاكس بوكس احب حتى البلاستيشن واغلب حصرياتهم جبت فيها بلاتينوم لكن فيه ناس مجرد ماتنتقد بلاستيشن بالتويتر على شي معين حطوك فان يالنينتيدو او الاكس بوكس ماراح احد يجي مثل جودة سوني بالعابها الحصريه بس من مسك الرئيس الجديد احسها بادي يخربط وبيجيب العيد