كشكول ألعاب 231

أهلاً
في البداية ودي اشكركم على جهدكم الله تقدمونه، وحقيقة اني مستمع لكم من ايام قروب الشيبان، واظن هذه اول مرة اعلق عندكم في بودكاست ألعاب وبكذا اكون ختمت التعليق في جميع الاقسام 🙂
وفعلياً ماعندي شيء لكن نوع من السوالف وكم سؤال يمكن
وللعلم ماني قيمر أبداً أبداً لكن لسببٍ ما استمتع وانا اسمع حواراتكم حول الالعاب واخبارها لدرجة اني احياناً انبرش في حوارات مع اخوياي حول بعض الالعاب اللي سمعت نقاش عنها في حلقاتكم
وبما ان الجيل الجديد من الكونسول نازل الفترة الجاية، اصدمكم بمعلومة ان اول واخر كونسول اخذته كان بلايستيشن 1، وقت مانزل ومن بعدها الله كريم، واذكر ايامها كنت العب (ميتل قير) عاد وقتها كنّا نسميها لعبة الجاسوس 😂 وعدد من الالعاب الكلاسيكية المعروفة، ومؤخراً عرفت اسماءها الصحيحة او الرسمية ان صحت العبارة
وعلى مسالة ماني قيمر لاحظت اني افضّل متابعة الجيم بلاي لبعض اليوتيوبرز سواءً مسجل او لايف، خصوصاً في البداية كانت العاب الرعب والمغامرات لكن مع الوقت بدأت اغيّر، والغريب لاحظت اني ممكن اتابع اكثر من جيم بلاي لنفس اللعبة لكن من كَذا يوتيوبر وكل واحد وله جوه ومتعة المتابعة له وهالشيء ينطبق كذلك على التويتش ولو انه اقل بالنسبة لي ومتعته اكثر في اللايف
و واحدة من الالعاب اللي تابعت لها جيم بلاي مسجّل كانت (بلود بورن) بعدما سمعت عنها في البودكاست ايام مانزلت وحقيقة كنت مصدوم من حجم العالم الخاص باللعبة وعمق القصة وعرفت منكم انها تعتبر من نفس عالم العاب السولز واسمع حلطماتكم دايم عن العاب السولز والجلد اللي يجيكم 😂
ومؤخراً قررت كذا ابدأ اتابع جيم بلاي لالعاب السولز خصوصاً ان لعبة (ديمن سولز) بتنزل ريميك اظن على الفايف، وفعلاً بدأت اتابع ديمن سولز القديمة، يارجل كمية التعقيد باللعب ماهي طبيعية واظنها اصعب واعقد نوعاًما من العاب دارك سولز كأسلوب لعب واقول هالشيء لاني شايف جيم بلاي (لدارك سولز 1) قبل ديمن سولز فحسيت ان فيه ترابط بين العوالم او المناطق واقل تعقيد من ديمن سولز، وممكن اطرح سؤال هنا >> العاب السولز تعتبر من العاب العالم المفتوح صحيح؟ وايش تصنف كمان في اسلوب اللعب؟

أعتقد اني انتهيت كذا والله يعين اللي بيقرأ التعليق من كثر الاستطرادات 🙂
ومشكورين ويعطيكم العافية