محتويات الحلقة
تكلمنا عن إطلاق بلايستيشن 5 ورأينا بالجهاز وكيف الاستعدادات اللي عملوها المحلات عندنا
بعدها تكلمنا عن لعبة
Destiny 2: Beyond Light
Marvel Spider-Man Remastered
Astro’s Playroom
وبعدها تكلمنا عن اخر الاخبار
واخر شي استمتعنا في قراءة تعليقات المتابعين في الموقع
الحضور
فايز، سعد، علي
4 تعليقات
السلام عليكم
بديت أتحمس أكثر لسايبر بنك من بعد ما شفت المراجعات. بس ما لاحظتوا أن فيه مشكلة مع “قراءة الشفاة”؟ تتوقعوا تنحل المشكلة؟
وش تعليقكم عن إضافة فورتنايت الجديدة؟ كريتوس.
هل كان الغرض من الإضافة جمع فلوس؟
السلام عليكم يا رائعين
برأيكم هل الآن الوقت مناسب لبناء PC للألعاب؟ و اي نصائح عامة ؟
مشكورين
السلام عليكم متابعكم من زمان
سوال انتم متحمسين لسايبر بانك بعد العرض الاخير ولا تحسون ان المطور كبر اللقمة بزيادة
السلام عليكم
معليش بس بعقب بموضوع التنمر
# الجزء الاول بتكلم على النقاط اللي انا متفق مع علي فيها :
١- كلامه صحيح اذا عندك اخ او ولد صغير لازم تنتبه له وتسوي ميوت من الاعدادات لاي شخص ماهو صديق.
٢- صحيح ان في ناس كثيرين تلعب معهم من بره السعوديه وانت مو قادر تتحكم فيهم.
٣- صح ما وضحوا وش اللي يشمله تنمر ، هل لما اقول مستوى يعتبر تنمر او بس القذف
# الجزء الثاني النقاط اللي بختلف فيها :
١- مهما كنت متحكم بولدك في النهايه تجي رساله من هنا بالخاص فيها سب. هذي احدى مخاطر الانترنت وصحيح هذا الحال، لكن ما نجلس نقول والله فلان قذفك وقذف اخوك ولا ولدك نقول مشكلتك انك دخلت الانترنت !!! هذا اذا اهله ما ربوه القانون يربيه
٢- لا يعني ان فيه نسبه كبيره من اللي بتلعب معهم مهب سعوديين فمفروض نلغي العقوبه ، الغير سعودي اذا سب الشكوى لله ، لكن السعودي اذا سب احلى شكوى واحلى تربيه ويعرف كيف يمسك لسانه
٣- من كلامك تقول ان القانون ماله فايده و(كابوس للقيمر) انا اسف لكن يالقيمر ما تعرف تمسك لسانك او انك تصير محترم مع الغريب ؟؟؟
٤- انا” كأخ اهبل اقول لازم نشغل شرطة الانترنت” ونربي الاشخاص الترولز اللي لما يكلم احد بالانترنت ما يسلم اول كلمه له تكون قذف
٥- “السبيكه اخوي” يعرف يعطي ميوت وبلوك لكن وش ينفع بعد ما تجيه الرسايل خاص ، وايه ماعندي مشكله بين كل ١٠ نمسك ٣ سعوديين في النهايه ربينا ٣
٦- هي مهب سالفه اكتئاب ولا اعتقد فيه احد يكتئب من القذف ، لكن سالفة القذف تنرفز ولا ودي انا ولا غيري يمر بتجربتها
* معليش لكن القانون مهب حمايه للاطفال فقط بل هو تنظيف للانترنت ايضا لان انا قاهرني لما العب يطلعلي كم “قيمر” يقذف ولا همه هذا باذن الله يتربى
** ذكرتني يوم طلعوا قرار ان اللي يقذف في مواقع التواصل الاجتماعي يكون معرض للعقوبه ، وطلعولنا كم واحد كانوا يقولون يعني ما نسولف ؟!
*** وردا من الحين على علي ايه انا الحمدلله ماقد قذفت حتى بين اخوياي + انقد على اللي يقذف
**** التبليغ اشوفه مفروض يعتمد على اللي يقذفون لكن التنمر اللي ترا مستواك خايس هذي اشياء معليش ما تسوى احد يبلغ