كشكول أنمي 233

السلام عليكم ورحمة الله وبركاته
حي الله الشباب جميعا اللي جاء واللي ما جاء
ابشررررركم خلصت اختبارات الحمد الله 😻😻
حلقة جميلة لكن لكن نقصها رئيس #حزب_تصنيف_قيثم 💔💔🥺 we miss you boss ارجع بسرعة ترا عبدالرحمن بدأ يتأثر وصار يمدح قينتاما ما احد صار يردعه مثلك 💔 ، منورين خالد ومعن ، معن انا اقول ضموه لبودكاست الانمي خلاص صار معنا ما شاء الله ( ودي اذب على عناد بس بخليها مستورة ) بسم الله نبدأ المطوية 😁
~~~~~~~~~~~~~~~~~~~~~~~
عبدالرحمن في البداية يخي تحسه رد آلي مهب شخص بشري مثلنا ( حياكم الله في بودكاست الانمي بودكاست حواري خفيف يغطي اهم الاحداث الاسبوعية بعيد عن الرسمية ) وما شاء الله ما يغلط فيها لكن تقدم للامام ما عليك من اللي يحسدونك ( طبعا اللي يسفلون فيه انا بس 💔) هو من حبك طقك بس منتب جنبي فأطقك بكلامي يقلبي انت دحووومي تعال ….
~~~~~~~~~~~~~~~~~~~~~~~
😂😂😂😂😂😂 اششششتقت لفعالية المايك 😭😭 اذا جاك عبدالرحمن معصب ويقول لا تطق مايكك من زمان ما عصب زي كذا 😂😂😂😂 دكستر شكرا لانك اظهرت هذا الجانب
~~~~~~~~~~~~~~~~~~~~~~
بلاك لاقون اتوقع يا عبدالرحمن اللي قالك ان نهايته سيئة هو قيثم لانه هو الشبيح لهذا العمل لكن انا اذكر اذكر اني شفت اول سيزون منه وكان رهيب ثم وقفته مدري ليش لكن خبره رهيب من زمان عنه وشكلي بعيده واكمله الى نهايته لكن له ترتيب معين ؟ لاني اذكر له افلام اتوقع + فيه لقطة مستحييييل انساها 😭😭😭 حقت الخادمة وماسكها واحد من وراها وخانقها قامت رفعت رجلها لاخر شي وطلع من جزمتها سكين ونزلتها لييين طقته 😭😭😭😭😭 كانت ميمز رهيب لها .
~~~~~~~~~~~~~~~~~~~~~~~
من تابع كينقدوم انمي فهو شخص لا يستحق ان يسمى شبيح لهذا العمل اصل كينقدوم هو مانغا ومن تابع غير المانغا وشاف السي جي المخيس حق الانمي فهو فوت عليه متعة عظيمة حتى رسم المانغا القديم افضل من الانمي بلا منازع انا علطول بديت مانغا ما شاورت احد والانمي ما اعرفه الا لقطة وحده لاوكي وكانكي بس غيرها ما شفت لانه ما يستحق ابدااا + عبدالرحمن انت متابعه من التشابتر الاول؟؟؟ واو ما شاء عليك كيف امداك تصبر كل هالسنين وتونا باقي له بعد زود الله يعينك انت رجل شامخ يشيخ تستاهل جائزة المتابع الرهيب ( طبعا الجائزة مقدمة مني وهذا شرف كبير المفروض تبروزها في غرفتك )
~~~~~~~~~~~~~~~~~~~~~~~
عبدالرحمن مبروك فزت بالتحدي 600 تشابتر يا ظالم ؟؟! ابو قدر ذا بيجلطنا لكن بعطيها فرصة ( اذا فيه ترجمة عربية لها ) لكن صدق بعد ذا بيقنق افتر ذا ايند ما لقيت مانهوا تشبع رغباتي 💔 ابي شي رسمه رهييييييب ابي متعة بصرية لكن للاسف ما حصلت تنازلت عن اشياء كثيرة لكن برضوا ما حصلت شكلي خلاص منب قاري مانهوات بس باقي يومين وترجع المانهوا العظيمة 🔥🔥🔥 الارك الجاي اتوقع بيكون نار
~~~~~~~~~~~~~~~~~~~~~~~
ثاني توصية اخذها من عناد بعد انجل بيتس هي مانقا monster 8 يا ناس رهيييييييبه بشكل خورافي 🔥🔥🔥😻 البطل فيها رهيب والكوميديا فيها برضوا اسطورية وغير مستهلكة اول تحول له يوم قال له ابتسم مت ضحك😭😭😭😭+ الهولو او اللي هو شكله رهييب اذا تحول اقول يلبييييه صدق مانغا اسطورية شكرا عناد على التوصية مع ان ذوقك محد يعرفه لكن هذي فازت اهنيك + اذا فيه اي توصية اخرى ( الشخص الطبيعي يقدر يقراها ) عطني وحده تكفا تراي اعيش في فلس مانقات بعد هذي ما لقيت الا وحده رهييييييبه ونازل منها تشابتر واحد وعطيتها عبدالرحمن مدري قراها والا لا لكن اختصار لها تخيل ان فيه ديك ينقذ البشرية الفكرة لحالها تضحك😭😭😭😭😭😭 اعترف عبدالرحمن كيف التوصية ؟ استاهل رجل التوصيات ل 2020 .
~~~~~~~~~~~~~~~~~~~~~~~
فلم الحلقة قد شفته من زمان بس ما ادري ليش ما اعجبني للان السبب ما اذكره لكن ممكن لو شفته مره ثانية يعجبني
~~~~~~~~~~~~~~~~~~~~~~~
بالنهاية شكرا لكم على وقتكم الجميل 🤍 ومشتاقين لكم وراجعين لكم بقوة ان شاء الله دمتم بود ❤️🌹
~~~~~~~~~~~~~~~~~~~~~~~
تحية خاصة ل #حزب_تصنيف_قيثم الرهيبين ايه وصح تراي بديت اتابع فود وارز 😭😭😭 الحلقة الثالثة تقريبا ورهيييب مشهد التذوق لحاله هو ارهب شي شكرا قيثم سينباي على التوصية السريعة .
~~~~~~~~~~~~~~~~~~~~~~~