كشكول أفلام 238

السلام عليكم ، كيف حالكم ان شاء الله انكم جميعا طيبين وفي أفضل حال ❤️ .
من أكثر الأفلام الي كنت متحمس اشوفها هو WW84 وكنت متوقع استمتع على الأقل بالأكشن ، ولكن من كلام جميع المراجعين عاليوتيوب ومن التسفيل الي جاه منكم 😂 ، قررت ما اشوفه فالسينما وبيتأجل الى وقت لاحق ، لأني قلت لو كانت فيه آراء مختلفة حول الفلم ممكن اشوفه ، لكن الإجماع من الكل على سوء الفلم صدمني ، لذلك قررت ما اشوفه الا في وقت لاحق .
أبغى اتكلم او أفضفض عن جمال وسحر فلم السنة ، فلم soul كان خير ختام لسنة ٢٠٢٠ وأجمل بداية لسنة ٢٠٢١ ، الفلم الي ممكن يضحكون فيه الأطفال لكنه مؤثر وممكن اقول مؤلم للكبار ، أقول مؤلم لأن الفلم يخليك توقف للحظة وتتأمل حياتك وانت فين بالضبط وايش اولوياتك واهتماماتك ، كيف ان الشغف فالحياة مهم ، لكن هل اقدمه على كل شي وانسى استمتع بتفاصيل حياتي الي قاعد اعيشها ؟ ، كيف ان سعيك فالحياة عشان توصل لهدفك هو بلا قيمة اذا وصلته وكان الثمن هو خسارة من حولك ومن يدعمك ، لحظات كثيرة وسط الفلم قاعد احسد جو ( الشخصية الرئيسية ) وأقول يا حظه انه جات له صدمة زي هذي تخليه يشوف حياته من منظور ثاني ، هل لازم نمر في حياتنا بصدمات او مواقف مؤلمة تخلينا نفكر ونعيد ترتيب اولوياتنا ؟ ممكن ، الفلم عظيم و رسالته أعظم ، أفضل هدية ممكن تهديها لنفسك ولذاتك ولشخصك الحالي والمستقبلي انك تشوف فلم soul ، عندي كلام كثير جدا ولكن أكتفي بما كتبته تجنبا للحرق .
وأعتذر للشخص الي قرأ تعليقي على الإطالة ، شكرا لكم على جهودكم المبذولة وعلى كل شي تقدمونه ❤️ .