كشكول أنمي 234

السلام عليكم ورحمة الله وبركاته
حي الله الشباب جميعا اللي جاء واللي ما جاء
منورين كلكم ومنوررررر رئيس #حزب_تصنيف_قيثم الكبييير رجع ورجعت الموازين يا ناس ايه هذا اللي يجلد ولا يبالي في الفانز مهب واحد جلس حلقه بدونه وصار يتغاضى عن اي شي ( بدون ذكر اسماء ) ، على العموم اكتب التعليق متاخر وبسرعة فطبيعي يصير فيه اخطاء فلا تدقق يا ايو داحم تكفا هالمره مشها .
~~~~~~~~~~~~~~~~~~~~~~~
الاخبار رهيبة الصدق لكن ارهبها انمي الدونجن من زمان وودي بواحد زي كذا فيه الانتقام لفل عالي ، ديييكستر الترجمة الكويتية مطلووووبة😭😭😭😭😭 مع اني اتفق مع قيثم الكرنج فيها عالي لكن حقت سعة صدر مهب تناظر منها دايما ، اخيييرا بيجي شي كوميدي يمتعنا تصدقون اخر شي مت ضحك عليه صدق صدق هو فلم كونوسوبا وقبله قراند بلو بعدها ما لقيت شي كوميدي ابدددا ابي شي انفجر ضحك منه لكن ما حصلت لكن دام بيطلع شي من ايدين كاتب كونوسوبا فطبيعي بيصير ضحك ، عبدالرحمن لو سمحت اسم الانمي مهب بوفري ولا اسمه بالياباني الطويل او الانجليزي اسمه ( ميبل وشلتها ) والانمي ما يعجب الا عناد وهو الوحيد اللي بيشوفه بعد بس صدق يخي تحس كل شي بالانمي ذا غير منطقي 😂😂😭 ،
~~~~~~~~~~~~~~~~~~~~~~~
في هذي الحلقة او الحلقة اللي قبلها تكلمتوا عن ذا بريكر وكنتم تتطاقون هل هي مانهوا والا مانغا ، تعليقي يقول انها مانقا لامها ابيض واسود ونفس نظام المانغا ( تفهم يا دكستر ) اذا مهب ملونة وجايتك بالطول تسمى مانغا غير كذا مانهوا you can’t change my mind وعلى العموم اذكر قبل فترة بديتها ودعست شوي فيها يوم شفت دكستر مدحها سويت لها دروب ، معليييييش والله لكن واحد يعجيه الشوجو وش بتاخذ منه لكن للأمانة الفلم اللي قاله احسه كويس لان طبعا قيثم دعمه فيه والا ما فيه امل التفت له
~~~~~~~~~~~~~~~~~~~~~~~
الفلم اللي تكلمتوا عنه على المدح ذا كله بعطيه فرصة ان شاء الله قريب بشوفه لكن عندي مشكلة يناس في ذوق عبدالرحمن يجي يختار لك شي غريب جدا في الانمي او الفلم ويعطيك وضعية هذا رهييييب 😂😭😭😭 يعني لو تساله وش جايز لك في ناناتسو عادي يقول لك يخي الهوك ماما رهيبة شفتها يوم قامت ونقزت من محلها وطارت ذيك اللقطة رهييييبة 😭😭😭😭😭😭😭😭😂 معليش احاول امشيها لكن ما اقدر ، ما عليك من المحطمين تراي احبك دحومي تشوااانننن 😍😍 .
~~~~~~~~~~~~~~~~~~~~~~~
اما عاد الفلم غير اللي محطوط في الصورة وغير المكتوب 😂😂😂😂 وانا اقول فيه اشياء غريبة يتكلمون عنها ومهب موجودة لكن فيه تشابهات بعد مع بعض الحين بينوا لنا وش الفلم اللي تكلمتوا عنه ( هاوز كاسل والا وش)؟
~~~~~~~~~~~~~~~~~~~~~~~
على طاري نتفلكس يا عبدالرحمن انت تتابع مسامير وانا اتابع شن ذا شيب رهييب😂😂😂 الحين يعتبرون انمي ؟ والا انميشن صح وش الفرق بينهم بعد هممم تساؤل تالي الليل
~~~~~~~~~~~~~~~~~~~~~~~
مبطين عن سؤال الحلقة يا ناس رجعوه تكفون وعلى طاري رجعوه مالكم نية ترجعون نظام حرق الحلقات الموسمية؟ للاسف ما لحقت عليها لكن كانت الفكرة رهيبة ، طبعا اعرف الرد من قبل انه بيروح صندوق الاقتراحات اللي ما قد انفتح الا مره وحده يوم تحطون في الوصف الاخبار اللي تكلمتوا عنها شكرا جزيلا🤍🤍🥺 احبكم ( طبعا حب خاص وقلب خاص لحبيبي عبدالرحمن 💜 وخرووووو عنه ) يحتاج اقول تعال اخمك والا خلاص مليت مني؟😢 .
~~~~~~~~~~~~~~~~~~~~~~~
بس والله وان تصل مناخرا خيرا من ان لا تصل 👌🏻
مشكورين ودمتم بود 🤍🤍.