كشكول أنمي مراجعة سنة 2020 جزء 2

السلام عليكم ورحمة الله وبركاته
حي الله الشباب جميعا اللي جاء واللي ما جاء
واهلا بالفتى الضايع اللي ضايع هالحلقة بعد وبيضيع دايم بس ما عليه بيرجع مره ثانية يوم من الايام 😂 حلقتين مراجعة كانت جميلة وفيها اشياء كانت انترستنق بقول لكم اشياء تابعتها بعد ما تكلمتوا عن الحلقات وشدتني واجد ان شاء الله بسم الله نبدا .
~~~~~~~~~~~~~~~~~~~~~
عبدالرحمن والله اني زيك جيجيتسو احتريه يخلص كامل واشوفه ثم بعده ادخل على المانقا لانه انمي رهييييب اذكر شفت المانغا قبل لا ينزل يمكن حول 15 تشابتر كذا ثم وقفته يوم دريت ان بيجيه انمي والحمد الله اني وقفته يقولون مابا مبدعين فيه ، اجل ماسك عمرك عن نيفرلاند ( اللهم لا شماته) .
~~~~~~~~~~~~~~~~~~~~~
طيب اللي اكتشفت في الاعضاء هذي السنة هو شي واحد عبدالرحمن عنده ( حواجب فتيش ) Fetish انترستنق الصراحة 😂😂😂😂
~~~~~~~~~~~~~~~~~~~~~
عبدالرحمن اخر الحلقة يبي يرقع حقت السنة الماضية يقول اوعدكم اقرا كل الكومنتات وش عقبه يبن الحلال لكن ما عليه انا عن نفسي مسامحك يا حبي لك بسسس و ان شاء الله تعليقاتي تبي تخليك ترجع النظام القديم انتظرني بس مطوية طحتوك بتقلب جريدة 😂
~~~~~~~~~~~~~~~~~~~~~
الصراحة رحت اشوف دارونز قيم وديييييم يالانمي الاسطوري ما اقدر اتكلم عنه زيادة لان اذا قيثم تكلم عن شي فالجميع يلبي هالشخص بالذات لو قال لي رح تابع قينتاما رح اتابعه بدون اي سبي فقط لانه قال لي توصياته رهيبه ، شوكو او مساعدة البطل ر ه ي ب ة بكل ما تعنيه الكلمه اسطووورية OP وتطور البطل رهيييييب والله الاثنين اذا اجتمعوا وقلبت البنت ينديري تصير رهيبه 😂😂😂 اللي ما تابعه يتابعه .
~~~~~~~~~~~~~~~~~~~~~
الانمي الثاني اللي قررت اشوفه بعد مراجعات السنة حقتهم هو ريلغن نسخة ((( انديكس ))) اللي نزلت 2009 ، باختصار تابعت اول حلقتين مرضت وصوت طريح الفراش لمدة يومين رجعت ابي اشوفه صدع راسي قلت تدري والله ما اشوفه انقلع لا ابوكم لا ابو انميكم البايخ المخيس المريض وصلت يمكن حلقة 12 لكن كل ما شغلت حلقة جاني مغص والله العظيم 😭😭 .
~~~~~~~~~~~~~~~~~~~~~
في نهاية السنة هذي حاب اجدد عضويتي في #حزب_تصنيف_قيثم اللي يترأسه القائد اللذي لا يهاب المخاطر قيثم ونائب الحزب اللذي لا يخاف من احد كائنٍ من كان معن والشادو المغوار للحزب ( من قايل اسمه لانه شادو ومهب لازم تعرفونه ) وبقية الاعضاء المبجلين وحاب اوصل رسالة الا وهي سوف تخضعون للحزب هذه السنة بالانميات المدججة بهذا التصنيف وعلى كل عضو ان يجدد عضويته ويفتخر انه احد ركائز واعمدة هذا التصنيف الجميل .
~~~~~~~~~~~~~~~~~~~~~
بس والله حبيت اعلق قبل لا يفوتني القطار والله يوفقكم ويسهل امركم دمتم بود 🤍