كشكول أنمي مراجعة سنة 2020 جزء 3

السلام عليكم ورحمة الله وبركاته
حي الله الشباب جميعا اللي جاء واللي ما جاء
حلقة حلوة وجميلة ، بالنسبة للنظام هذا ما ادري يمكن وجهة نظر لحالي او يمكن احد يتفق معي اشوف انها طولت بزيادة يعني كان ممكن اختصار الوضع بحلقتين او بحلقة وحدة لكن تقريبا ضاع شهر كامل بحلقات كلها ريكاب للسنة ، اكيد ودنا نسمع وجهات النظر منكم وكذا لكن زي ما قلت كان من الامكان انها تكون حلقتين لكن انتم ابخص واهم شي نسمع صوتكم يا لبى قلوبكم واحد واحد 🤍 .
~~~~~~~~~~~~~~~~~~~~~~~
طيب ودي اقولكم افضل تجربة عشتها هالسنة يعني مهب شرط انه شي نزل هذي السنة بس اني شفته انا هالسنة ، السنة ممكن تعتبر اكثر سنة شفت فيها انميات يمكن حول +50 انمي ، بداية السنة كنت ادور شي طويل اتابعه وطحت في افضل اختيار ( دراغون بول ) الصراحة كان من التجارب الجميلة اللي عشتها هالسنة ورهيب ورهيب كان 150 حلقة تقريبا ولا حسيت فيها اللي حببني فيه اكثر الكوميديا اللي موجودة فيه وشخصية غوكو 😂 ، ناوي اكمله قريب ان شاء الله وادخل في Z وليس كاي ( كيفيني وانا صايد جو الفانز ) ، بعدها تقريبا في نص السنة شفت اطلق انمي ممكن يمثل تصنيف ( شريحة من الحياة ) gin no saji رهيب رهيب طحت في حب الشخصيات والعااااالم اللي هم فيه شي اسطوري اول حلقة شفتها بغيت اسوي له دروب 😂 لكن سبحان الله كملته الى نهايته وانا راضي ودي يكملونه بسيزون ثالث ورابع لكن ما اتوقع 💔 ، على نهاية السنة تقريبا شفت اطلق تختيمه عشت تجربتها في حياتي انمي من 5 اجزاء خلصته تقريبا في اسبوع وشي من رهابته اقولكم من اجمل التختيمات اللي عشتها كان له جو ثااااني وغير عن اي شي شفته هالسنة الا وهو Food War 🔥😻 رهيب رهيب بعد ما نزل الموسم الاخير وتاكدت انه خلص قلت خلني اشوفه كامل كله مره وحده وما حسيت الا وانا مخلصه بسرعة😂 الشخصيات اللي فيه تتعلق فيها بسرعة حرفيا جميل ، من افضل العلاقات الابوية هي اللي شفتها بين سوما وابوه ، ميغومي كيوووت بشكل مهب طبيعي ودك ما تسكت من الكياته واذا توترت وبدت تكتب في يدها ( شخص ) وتاكل تبتسم لا شعوريا 😂🥺 النهاية تمنيت يجيبون اللي كانت في الغلاف حق المانغا قال لي عنها قيثم كانت جميلة ونهاية تليق بهذا العمل ، بس هذي الاعمال اللي شفتها وما كانت نزلت هالسنة هل انتم عندكم شي شفتوه وما كان نازل هذي السنة؟
~~~~~~~~~~~~~~~~~~~~~~~
لا لا لا عبدالرحمن يفجرها ويعلنها صريحة وواضحة بيتابع ياهاري ؟ و دان ماتشي لكن يا شباب بلاهي واحد يعطيه احساسه اذا بيتابع ياهاري لانه اذا كان بلا احساس مهب مستمتع عديم المشاعر هذا 😭 ، كمل جميلك اجل وتابع الانمي حقي انت تخبره عاد ما يحتاج اتكلم عنه 😂 .
~~~~~~~~~~~~~~~~~~~~~~~
اقولها وبالفم المليان والعريض افضل واطلق واجمل شي ينزل حاليا من الانميات الموجودة هو موشوك تينسي ولا عزاء للعماليق والا تدري عزائين بعد من زينهم هو وانميهم لكن موشوك اذا بتل على هذا الرتم ( وانا اتوقع ذلك ) سيكسر جميع الارقام وتذكروا كلامي وسجلوني من الان شبيح لاعظم انمي ايسكاي رأته عيناي . + السلايم مشعلل 🔥 ابي اشوف ريمرو وش بيسوي في هالجزء
~~~~~~~~~~~~~~~~~~~~~~~
وبس والله الله يوفقكم ويسر اموركم ويجزاكم الف خير جميعا 🤍