كشكول ألعاب 239

السلام عليكم جميعاً.

أولاً جواب لـM_50_Q السبب هو أبي أسمع وجهات نظر مختلفة فقط لاغير.

عندي وجهة نظر بخصوص تعليقي الأخير:
أنا مثل ماقلت قبل ما يفرق معي سعر اللعبة، لأن أحب اللعبة الي تمسكني من البداية الى النهاية، وتقدم جودة ممتازة.

أمثلة: Devil May Cry 5 من أفضل عندي في الجيل الي فات، وشريتها مرتين (نسخة ديلوكس +ريماستر حق PS5) وخلصتها خمس مرات. قدمت لي على بعض متعة وجودة أكشن مع موسيقى رهييبة وإستهبال.

‏Crash Bandicoot 4، قدمت أحسن جزء في السلسلة ومركزة مرة كأنك تشوف فلم أنميشن ممتاز.

‏Resident Evil 3 مسكتني من البداية الى النهاية بدون ملل، وماحسيت بالوقت.

الناس مب أقصد الكل، لكن من الي شفته بعض ردودهم أغلبها Copy-Paste أو متكررة، يقيسون بمقياسهم العجيب: بالوزن، بالطول، بالكيلو، بعدد خطوات المشي…بالأخير هذا ردهم.

الناس: اللعبة ناقصة – قصيرة – ما تستاهل – يلعبون علينا – الحرامية – النصابين – لاعبين فيكم عشان تدفعون سبعين دولار.

اذا كان هذي نظرة الناس للألعاب مع إحترامي الشديد لهم ماعندهم سالفة.

الحين مطورين تعبوا وقدموا لعبة متعوب عليها بالأخير هذا ردهم (يلعبون علينا – يستغلونا) طيب هم ماقالوا بنسوي أكبر من اللعبة الأخيرة بأربع مرات وفيها مايكروترانساكشنز وبتكون طويلة على غير سنع، غثيثة مافيه الا 10% متعة فقط.

أذكر واحد من المطورين قال إنه يفضل رفع الأسعار أكثر من إنه يحط Lootboxes

طبعاً ردود الناس: الله يخلي الإشتراكات و Game Pass.

وهذي مشكلة ثانية إنه اذا كان ألعابك على إشتراكات و Game pass فهذا يعني ما أبغى أبالغ بس كأنك ما إمتلكت اللعبة من الأساس.

وأنا ما أقصد إنه الإشتراكات شي سيء بالعكس ممتاز، لكن أنا بالنسبة لي أشترك فقط للألعاب الي منب متحمس لها ومتخوف منه أو ماعندي ثقة بالمطور نفسه نهائياً زي أغلب ألعاب EA مثلاً.

شف أنا أتفهم لو كان طالب ياخذ بس مكافأة أو مصاريف، والا موظف مكان عمله ما أبغى أقول العمل نفسه سيء لكن خنقول ضعيف مقارنةً في باقي الأعمال الأخرى.

وبس هذي وجهة نظري للموضوع، يعطيكم العافية ومعليش على الإطالة.