كشكول مسلسلات 236

سلام عليكم
هذي اول مشاركة لي معاكم في قسم المسلسلات وان شاء الله ماتكون الأخيرة. عموما يمكن يكون أكبر سبب لي في المشاركة هنا هو اني جاي افضفض لكم عن مسلسل خلاني ارجع اسحب عالمسلسلات مره ثانية بعد ماقررت ارجع لها بعد سنوات من توقفي لمتابعتها . السبب في اني تركت المسلسلات هو باختصار اني انزعج من الاسقاطات والرسائل والاجندة اللي فيها. للامانه انا مادري كيف الناس تتحمل تتابع بعض المسلسلات على الرغم من القرف اللي فيها. (اتوقع انكم عارفين وش اقصد بالقرف). عموما السالفة باختصار قررت ارجع اتابع وقمت اقلب في المسلسلات واشوف وش ابدا فيه. عجبني مسلسل. وما اتوقع ان فيه احد بيتابع الحلقة الأولى منه وما يتحمس. ياجماعة المسلسل شدني من اول حلقة بشكل عجييب. وحطيت توقعات للمسلسل بناء على اللي شفته من اول حلقة. ولكن اكلت اكبر مقلب لمن مشيت اكثر في الحلقات. المسلسل بدأ يركز على قضايا جانبية للشخصيات وانصبّ التركيز عليها. بدؤوا يناقشون قضايا مثل الشذوذ والعنصرية. والاديان وغيرها من الأمور اللي خربت المسلسل وطلعتني من الجو. وكالعادة يناقشون هالقضايا من وجهة نظر واحدة فقط. ولكن قلت دامني رجعت اتابع راح اتحمل هالسخافات واكمل. ولكن جا مشهد من كمية القرف اللي فيه ماقدرت اكمل. وقفت وحذفت المسلسل على طول. المشهد باختصار وبدون حرق هو شخصية شاذة ومتزوج من رجل شاذ مثله ومتبنين بنت مسلمة. (شر البلية مايضحك) وطبعا امه وابوه قاطعين علاقتهم معاه عشان شذوذه. وكان طول المشهد جالس يكلم الطفلة ويقنعها ان الخطأ من أمه وابوه وان علاقتهم (طبيعية) وماسووا شي غلط. ماقدرت اكمل ياجماعة والله ما ابالغ اذا قلت لكم انه جتني ضيقة وانا اتابع. بعد مافضفضت لكم الحين عندي سؤالين. الأول هو كيف تتحملون تتابعون وتكملون بعض المسلسلات من هذا النوع؟ . لاني شخصيا ما اقدر صدقوني حاولت ولكن مثل هالاشياء تزعجني وبقوة وتخرجني من الجو. الناس الصاملة( tell me your secret) لا جد علموني كيف تقدرون تتجاهلون هالاشياء.
سؤالي الثاني لكم هو طلب اكثر من ماهو سؤال. وهو هل فيه مسلسلات حاليا ممتازة وما احصل فيها هالقرف؟ إذا عندكم قائمة عطوني اياها تكفون.
اسف عالإطالة وشكرا