كشكول ألعاب 241

هففففف كل ماقلت علي مستحيل يستفزني اكثر. يثبت لي العكس، علي في كل مرة يفاجئني بطرق استفزازية تخرجني فعلا عن طوري. ولكن ماتوقعت انه يستخدم اسلوب ببغاوات تويتر. ببغاوات تويتر للي مايعرفهم هم فئة في تويتر حافظين لهم كلمه ولا جملة ويرددونها في كل منشن وفي كثير من الأحيان مايعرفون وش معنى الكلمة اللي يرددونها او يستخدمونها في غير محلها في كثير من الأحيان. اللعبة اللي تكلمتوا عنها ماهمتني ولا دريت عنها الا من كلامكم عنها اصلا. ولكن بعد البودكاست رحت شفت لها قيم بلاي ومراجعات وقلت الحمد لله اني ما اعرف عنها شي. كلامي مش انتقاد لهذي اللعبة ولا انتقاد للناس اللي تلعبها. كلامي هو انتقاد لوصف الأخ علي للناس اللي مالعبوا اللعبة وقتها عشان الأفكار اللي فيها وربطها بلاست اوف اس. عموما كلمة مستشرف اللي علي وصف فيها الناس اللي مالعبوا لاست عشان الأفكار اللي فيها. اثبتت لي أن علي ماهو فاهم معنى مستشرف ورماها كذا. وراح اثبت كلامي. اولا :مستشرف تنقال للشخص اللي يرفض فكرة او سلوك معين ويبين للناس انه ضد هذي الفكرة او السلوك وهو في الواقع عكس ذلك. على سبيل المثال واحد يقول انه يكره الكذب ويُظهِر للناس انه يكره الكذابين. ولكن في الواقع هو كذاب. في هالحالة تنطبق عليه كلمة مستشرف. ثانيا: نرجع لاستخدامك للكلمة انت قلت ان الناس اللي مالعبوا لاست عشان الأفكار اللي فيها هم مستشرفين. واستخدامك للكلمة هنا غلط. لان الناس اللي مالعبوها ماناقضوا كلامهم. هم ضد الشذوذ ولمن جت لعبة تدعم الشذوذ مالعبوها لأنها باختصار تدعم افكار ومعتقدات هم ضدها. فالاستخدام الصحيح للكلمة على نفس مثالك اللي انت طرحته. يكون للناس اللي يقولون انهم ضد الشذوذ ولكن في الواقع هم داعمين للمسلسلات والالعاب اللي تدعم هالقضية. هذيلا تنطبق عليهم الكلمة اذا اخذناها بتعريفها في معاجم اللغة. لانهم ناقضوا نفسهم وأفعالهم عكس كلامهم. ياليت محد يفهم كلامي على أنه هجوم او استنقاص للي لعبوا اللعبة. لان هذا ماهو قصدي انا بس ابغى أوضح رأيي الشخصي كوني مالعبت اللعبة ولا راح العبها. وعلي عمّم فكرته فكان لازم ارد عليه في هالنقطة. وأخيرا لازم ياعلي تفهم ان فيه ناس في هالحياه عندها مبدأ وقواعد ماشيين عليها. واذا كان فيه بعض الناس كسروا هالمبدا او غيروا من أفكارهم هذا الشي مايعني انك تعمم على الكل. عن نفسي انا ضد هالفكرة ومستحيل ادعم اي منتج يشجعها او يحتويها سواء كان مسلسل او فيلم او رواية او ايا كان. وسبق وذكرت لكم في تعليق سابق. إن بداية ظهور هالاجندة والأفكار في المسلسلات والأفلام خلتني اسوي دروب لها من زمان. انا لي سنين طويلة وانا تارك المسلسلات والأفلام. وفي السنة ما اتفرج الا عدد محدود منها. وبتوصيات من أشخاص اثق في رأيهم عشان اتجنب هالقرف. ولكن الآن هذي الأفكار لحقتنا في عالم الالعاب. ولكن رأيي ماراح يتغير. اي لعبة فيها هذا القرف انا ماراح العبها. ولكن لمن يجيني واحد ويقول عني مستشرف عشان مالعبتها كان لازم ارد. صح ان ردي طويل ولكن ياليت تقرونه كامل. على الاقل تقدير للتعب وانا اكتب هالكلام وشكرا. واخيرا رسالة لحبيبي علي اتمنى تستقبل كلامي بصدر رحب وماتاخذ في خاطرك مني. في النهاية مهما اختلفنا في الاراء المحبة تبقى موجودة. وبالتوفيق لكم جميعا