كشكول أفلام 244

السلام عليكم ورحمة الله وبركاته،

كيف حالكم يعطكم العافية جميعا. بالنسبة ل justice league زاك شنايدر. الفلم كان أفضل بمليون مره من اللي نزل قبل. هذاك كان فضيحة لDC بالذات CGI. صحيح ان الفلم طويل، وكنت ناوي اشوفه على جلستين بس ماحسيت بالوقت الا وانا مخلصه، واللي ساعد في هذا الشيء هو تقسيم الفلم إلى شابترات.

في البداية أزعجني aspect ratio 4:3 ولكن تعودت عليه مع مرور الوقت. نصيحة اذا بتشوفه لازم تشوفه 4K من LG 😂😂😂😂😂😂

أعجبني تركيزهم على الشخصيات الثانية
– فلاش و سايبورغ، لأنهم انظلموا في الجزء الماضي
و أتفق معكم على خياس مشهد فلاش اللي في المحل ( ماكان له داعي).
والشيء الثاني اللي أزعجني كان wonder woman ما أدري ليه هالممثلة ما دخلت مزاجي من الفلم الأول لwonder woman تحس تمثيلها تشيزي و أوڤر. بصراحة قمت أخطي مشاهدها في هذا الفلم. ما أدري ليه بس كل ما أشوفها ودي أصكها بكس. زي مايقول المثل الانقليزي
She has a Punishable face 😂😂😂😂😂😂

بالنسبة للمشهد الأخير، أشوفه كان موجود لزيادة الوقت فقط. ممكن اذا زاك ناوي يكمل بتوجهه للمشهد الأخير بس ما أعتقد ان DC الأم عندهم تفكير زي مارڤل في ربط العالم، أحس انهم يبون يسوون أفلام ونزل في السوق.

بعد المشهد الأخير رحت بحثت عن الشخصية اللي طلعت، مابقول مين عشان الحرق. بس من اللي قريته ان قوته مساوية لسوبرمان ( وفيه شخصيات ثانية في الكوميك على اللي قريته انها تفقع وجه سوبرمان بالراحة)
ما أدري ليه ما يجيبون هذي الشخصيات. ترا ملينا من سوبرمان وباتمان والحين معهم wonder woman. أدري انهم يبون attraction اللي يي مع ذي الشخصيات لأنها تبيع على سمعتها. بس اذا ناوين يلحقون بمارڤل لازم يدخلون شخصيات جديدة.

آسف على لإطالة. ومشكورين على استمراركم الدائم.