كشكول أنمي 240

السلام عليكم ورحمة الله وبركاته
حي الله الشباب جميعا اللي جاء واللي ما جاء
اول شي الشهر عليكم مبارك ( مع اننا انتصفنا الشهر ) والله يجعلكم من صوامه وقوامه يا رب العالمين ، ادري ادري منقطع لي ثلاث حلقات ما علقت معليش والله كانت ضغوط الدراسة وابشركم تخرجت اليوم تقدرون تباركون 😻👨🏽‍🎓 ( غيرنا للحين بكالوريوس طلاب اخر زمن ) ، والله مشتااااق وحنشف ريقك يا عبدالرحمن وانت صايم وبتشوف كيف التعليقات صح بسم الله نبدأ المطوية❌ الجريدة ✅

الاخبار :-
بما ان لي فترة ما علقت فبجمع اغلب الاخبار الفترة اللي فاتت ، فيه سورد ارت اون لاين الصدق مدري متى ببدا فيه لكن الى الان بمخططاتي و ان شاء الله قريب بختمه كله واعطيكم تقيمي له والانمي اللي بينزل له او الفلم مدري بشوفه معكم ان شاء الله
~~~~~~~~~~~~~~~~~~~~~~~~~~~~~~~~~~~
راقنروك كنت بقرا مانغته بعد ما تكلم عنها عناد اتوقع لكن يوم طلع اعلان الانمي قلت وقف خلنا نشوف الانمي لكن يخي شي رهيب ان نتفلكس بتعرضه يخي يعجبني فيهم انهم ينزلون لك الحلقات كلها ورا بعض 😂 اساطير يخي مهب تقعد تجمع الموسم كله وبينحرق عليك وانت تجمع تحتريه يخلص ثم تشوفه نتفلكس جت وقالت لك خووووذ الانمي كله مثل باكي وغيره من الانميات
~~~~~~~~~~~~~~~~~~~~~~~~~~~~~~~~~~~
انوهانا ( طبعا ما ننسى انه يوجد ناس لا يشعرون بهذي الكمية من العاطفة وعديموا احساس ومشاعر ولنتجاهلهم ) يناس يكفي حلب ؟ خلاص السلسلة كانت للصياح وخلصت وش بيسوون اذا كبروا مالي شغل فيهم اهم ما علي كانت البنت ثم خلاص خلصت قصتها وش تبون الحين ؟؟ ابي اعرف يعني انمي كامل وفلم ملخص للانمي ثم الحين فلم زود بعد ليتهم وفروا دراهمهم بس وسووا لنا جزء جديد من سلفر سبون
~~~~~~~~~~~~~~~~~~~~~~~~~~~~~~~~~~~
انمي كانجو نو كانجو متحمس له الصراحة😂😂 تدرون ليه لانه نفس كاتب اهو قيرل 😂😂😂😂 يناس الكاتب ذا بيجلطني والله رهيب الكوميديا عنده حلوه مره ، ما ادري عن كانجو هل فيه اشياء نفس اهو قيرل لكن اتوقع ايه نفس الكاتب
~~~~~~~~~~~~~~~~~~~~~~~~~~~~~~~~~~~
انمي ميوكي متحمس له واي شي من العظيم ماهوكا اكيد بشوفه لكن اذا ما كان فيه لقطات لمايومي انا اعتذر لن اشاهده هذي الحب يا ناس 😂 ، بالنسبة للتريلر انا من الاشخاص اللي ما يشوفون اي تريلر نهائيا لانه بيحرق علي وهذا شي ما احبه ودي اتفاجئ وانا اشوف الانمي مهب اشوف اللقطة نفسها بالتريلر وخلاص اعرفها وانها بتجي فهمتوني والا شرحي صعب 😭 .
~~~~~~~~~~~~~~~~~~~~~~~~~~~~~~~~~~~
مبيعات بلاك كلوفر والله الصدق مظلومه معقوله انمي فيه يامي وميرليونا والناس ما تشتري ؟ اخخخ من تخاذل اليابانيين بس 💔💔 ، لكن الصدق الانمي جبار انتاجيا وقصصيا وبينزل فيلم بعد وهو بينه وبين المانقا عشر تشباتر يخي يعجبك اللي كذا ما يعلقك .
~~~~~~~~~~~~~~~~~~~~~~~~~~~~~~~~~~~
كأني كأني اسمع احد سب راديان ؟! شباب ما اتفقنا كذا هدو اللعب شوي ، يخي الانمي جميل ما ادري وش فيكم كارهينه لكن المانغا حقته شهريه هذي المشكلة 💔 ( عبدالرحمن في داخله الحمد الله انها شهريه والا كان ذلنا ) .
~~~~~~~~~~~~~~~~~~~~~~~~~~~~~~~~~~~

الانميات :-
كان فيه سؤال الحلقة الماضية وش التوب 3 حقك للسيزون الماضي حاب اقولكم انه فيه واحد يغطي على التوب 10 كامل مهب 3 بس وهو الاعظم موشوك تينسي اخخخ من هالانمي يا جماعة بسسس تعرفون صورة هارفي اللي بسوتس اللقطة اللي قال فيها ( i am like this and you like this ) وكان يأشر بيده وحده فوووق مره والثانية تحت هذا مثال موشوك مع باقي الانميات لانه غطى عليهم كلهم ، بس لو فيه شي بعده كان بيكون السلايم لان السيزون الثاني اسطووووري بما تعنيه الكلمه لولا وجود موشوك بنفس الموسم كان اخذ حقه لكن اللي سواه ريميرو ساما شي فظييييع🔥🔥 وعزائي لانميكم الرومنسي اللي بتكلم عنه بعد شوي
~~~~~~~~~~~~~~~~~~~~~~~~~~~~~~~~~~~
امس خلصت ججك بجلستين متخيلين وحده تابعت فيها 17 حلقة ورا بعض بدون توقف والثانية خلصته كله والله الانمي عظيم ومابا مبدعين فيه شي اسطوري وشخصية سوكونا ارهب ڤيلين شفته لقطته مع موهيتو ذيك اخخخخ لكن ما اخذ حقه بالانمي ، حاليا بديت بالمانغا لان واضح ان السيزون الثاني مطول لكن بسالكم وش افضل شخصيات عندكم غير اساسيه ؟ عن نفسي ( الباندا ، تودو ( ماااا فرييند ) ، ماكي💙💙 ) .
~~~~~~~~~~~~~~~~~~~~~~~~~~~~~~~~~~~
نجي لانميكم الرومنسي هورياما وش مشكلتي معه بالاستعجال في الاقتباس يعني الاحداث تصير بسرعة ؟! وهذا شي خرب علي متعة العمل والله القصة والشخصيات اسطوورية ورهيبه انا اعجبني مره عشان كذا متنرفز من الاقتباس حقهم يخي ليش تخرب متعة العمل ؟ يعني بسالكم هل مره شفتو بيت مايامورا ؟ المخبز حق الكعك حقهم ؟ لا طبعا تدرون انهم يروحون له بعد المدرسة احيانا وهذا شي ما جابوه يخي حلاة الانميات الرومانسية الحياة خارج المدرسة وش يسوون وش يحبون وش ياكلون ليييش تسون كذا ؟ بقولكم معلومه تدرون ان المانغا 120 تشابتر واقتبسوها كلها ب 13 حلقة ؟؟! هذا يوضح لك الاستعجال يعني معليش اول مره اشوف اعتراف بالحلقة الثالثة كومون مان وش هالعجلة وانا اتابع والله اني احس فيه شي غلط فيه شي بسرعة قاعد يصير يخي ليش ما اخذت راحتك ؟ وقسمت لي الانمي كورين والا سو اي كور واحد 12 حلقة واقتبس زي العالم والناس عشان اروح اشوف المانغا اقرب مثال لاقتباس كويس ونفس العدد التوائم الخمس 122 تشابر ومخلصه والى الان منزلين بس موسمين كل واحد 12 حلقة وما اقتبسو الا يمكن 80 تشابر وشف كيف الابداع تخيل التوائم مخلصينه ب 12 حلقة والله من البيض اللي بيصير ، بشكل عام الانمي عاجبني مرررره ولا ما كان زعلت عليه وقلت كذا بس ليتهم ما اقتبسو كامل المانغا وللمعلومية تراه نفس الاستديو اللي مسوي نيفرلاند الموسم الثاني .
~~~~~~~~~~~~~~~~~~~~~~~~~~~~~~~~~~~
انمي قيثم اذكر اني شفته قريب والصراحة اكثر شي كلن عاجبني اذا حطوا للاستراتيجيات يجيك التحويك وذا رهيب مره 😂 والانمي بشكل عام كويس انصح فيه .
~~~~~~~~~~~~~~~~~~~~~~~~~~~~~~~~~~~
ها نشف ريقك يا عبدالرحمن والا توك ؟ نكمل والا نوقف هنا 😂😂 يا حبي له هالادمي بسسس تعال اخمك يشييخ .
بالنسبة لهالموسم وش تشوفون ؟ بالنسبة لي رقم واحد واعتبره افضل انمي هالموسم 86 يا لبييييه بس ثم بعده الانمي اللي خبري خبركم بدون اي توصيات😂 وفيه دياااابلو ساما 😭😭😭 رهيب هالموسم وفيه اكيد وطبعا انمي Sentouin, Hakenshimasu! نفس حق كونوسبا 😭😭😭😭 #حزب_تصنيف_قيثم Not this season boys
~~~~~~~~~~~~~~~~~~~~~~~~~~~~~~~~~~~
عبدالرحمن حاب اعطيك لقب كنق التوقعات شلون جبت حقت اوفر لورد 😂😂😂 منتب خطير يا وحش والله اهنيك مع اني مقصر معه وما تابعت الا الموسم الاول بس ولازم اروح اكمل باقي المواسم
~~~~~~~~~~~~~~~~~~~~~~~~~~~~~~~~~~~
شفتوا فلم كيميتسو تسرب ؟ الحمد الله شفت الفلم قبل لا ينحرق علي وحاب اقول لدكيستر تعال نتناقش ونترك هالاشخاص اللي ما شافوه على جنب الضعيفين 😂😂 بس الصدق تسريبه اسطورية 😂 الفلم كله حكاية واغنية النهاية حكاية ثانية
~~~~~~~~~~~~~~~~~~~~~~~~~~~~~~~~~~~
وبس والله حبيت اكتب تعليق وارجع بشي يعوض الحلقات اللي راحت اتمنى اني ما قصرت معكم والله يوفقكم ويسعدكم ودكتم بود🤍.