كشكول مسلسلات 238

– السلام عليكم ، كيف حالكم جميعا ان شاء الله انكم طيبين وفي أفضل حال ، مبارك عليكم الشهر وكل عام وانتم بخير.
– أول شي أحب أقول أن الأعضاء الجدد علي وسلطان منورين البودكاست .
– أبغى أتكلم عالسريع عن شوية أعمال شفتها الفترة الي فاتت وكلها كانت برعاية عبدالله لأنها أشياء يشبح لها كل ما جا طاريها ، أول شي لازم أتكلم عنه هو HTWJW الي ما تدري كيف توصفه ، بالنسبة لي أفضل وصف للشي الغريب هذا انه عبارة عن فلوقات يوتيوب لكن بإنتاج أفضل ، كان خفيف لطيف وأفضل حلقة بالنسبة لي كانت حلقة السقالات استمتعت فيها جدا ما ادري ليش ، وافضل ثاني حلقة هي الحلقة الأولى ، مع الاسف الحلقة الاخيرة والي اساسا شفت المسلسل عشانها وكنت متحمس لها من كثر ما مدحها عبدالله كانت ممكن اقول متوسطة ومو من افضل ٣ حلقات حتى ، يعني عبدالله فوق ما انه حرق الحلقة حمسني عليها وخلى التوقعات عالية شوية 😂 ، لكن ممكن كتأثير عاطفي الحلقة كانت قوية لكن كمحتوى فضلت حلقة السقالات وحلقة ال small talk .
– ثاني مسلسل هو what we do in the shadows ، وصلت نص الموسم الأول ، المسلسل رهيب الى الان والفكرة جديدة علي لأني ما شفت الفلم اصلا ، متحمس اكمله واوصل للموسم الثاني لأنه على كلام عبدالله وأبو حصة انه افضل من الأول ، طبعا الشخصية المفضلة الى الان هي Guillermo 😂😂 ، ما تدري تضحك ولا تحزن على وضعه .
– برضه فيه كلام عن fleabag ( كلام سلبي غالبا ) لكن بأجل رأيي فيه لين ابدأ الموسم الثاني واخلصه .
– فالختام تقييمي لذوق عبدالله ٧.٥/١٠ 😂 .
– عندي كلام كثير عن مسلسلات رمضان ، لكن أوفر كلامي أحسن لأن الواحد ما صار يتأمل ان الوضع ممكن يتطور أو يتحسن ابدا .
– شكرا لكم جميعا على جهودكم المبذولة فالبودكاست وكل عام وانتم بخير مرة ثانية ❤️ .