كشكول أنمي 242

السلام عليكم ورحمة الله وبركاته
حي الله الشباب جميعا اللي جاء واللي ما جاء
حلقة جميلة جدا وولكم باك صغيرنا دكستوري ها بشر عساك خلصت الجامعة ؟ #لا_للتمنر_بعد_الآن معك قلباً وقالباً بسم الله نبدأ التعليق .
~~~~~~~~~~~~~~~~~~~~~~~~~~~~~~~~~~
الاخبار ||~
ليش فيه اخبار حزينة كذا 💔💔💔 موشوك تينسي الحب الوحيد تأجل 💔💔 طيب وش الاسباب الله يستر بس على الانتاج شفت البوستر الأولي للموسم الثاني حفلة لكن نقول ان شاء الله تتعدل حرام هالتحفة الفنية يلعب فيها وهذا وحنى مدحنا في الاستديو وانه ماسكه هو لحاله لكن يله ان شاء الله يطلع بافضل حله .
~~~~~~~~~~~~~~~~~~~~~~~~~~~~~~~~~
كومي سان بيجي لها انمي اخيرا بنشوفها تصدقون عاد تابعت اول تشابترين تقريبا ثم خليتها وقالوا بيجي لها انمي 😂😂 اي توصيات شباب اذا فيه مانغات تبون لها انمي والل مانغات اوقف كتابها احيانا 😂😂 ، لكن ما تحسون ان 300 تشابتر واجدة شوي ؟ اوكي كومي سان ( تشان**) ومهما تعطي من هالشخصية الكيوت جدا ما تمل منها لكن برضوا احس الافكار بتخلص خاصة انها مدرسية فما عندك الا رحلة الشاطئ ( يا رب انهم راحوا لها ) ويوم المهرجان والمهرجان الرياضي بالمدرسة وعطلة الصيف يعني اشياء كذا معادة لكن الشخصيات مختلفة والا جوها غير هي وينفع انك تشوف اي شي منها وباي وقت وزمان ، على العموم بغض النظر عن بربرتي الواجدة كومي سان جاء لها انمي وخلاص انا فرحان اخيرا بشوفها 😂 ، + الانتاج وتصميم الشخصيات يصييييييح رهيييب ننتظر بقوة .
~~~~~~~~~~~~~~~~~~~~~~~~~~~~~~~~~~
على طاري سباي اكس فاميلي بديت وفيها وانتصفتها رهيبه 😂😂😂😂 يخي الفكرة خورافية انت تخيل عائلة فيها جاسوس وقاتلة ووحدة تقرا عقولهم😭😭😭 البنت ذي احب اشكر الكاتب عليها اسطورية اذا جت تقرا عقل امها هذي اجمل فقرة فيها .
~~~~~~~~~~~~~~~~~~~~~~~~~~~~~~~~~~
التوصيات ||~
توصية قيثم الصراحة ما شفته لكن انترستنق ودي اشوفه لكن بما انه قديم ما اتوقع بيكون له ترجمة عندنا وهذا شي يحزن 💔 ، رواية ديكستر حلوة وخاصة انها من كتابة عربية ودك تشوف تفكير العرب عندنا وكيف هم يطلعون الافكار والعوالم ويبنون هذي الاشياء بانفسهم فانترسنتق انا ما قد قريت رواية لكن ممكن اشوفها وادخل بعالمها فبحط من ضمن قائمة المخططة بالصيفية ان شاء الله .
~~~~~~~~~~~~~~~~~~~~~~~~~~~~~~~~~~
هيييييه عبدالرحمن حدك على ميد ان ابيس وبالتخصيص ناناتشي ادري انك تكرها لكن لوو سمحت لو سمحت الانمي له عشاقه وفرحان جدا بموسمه الثاني لكن المشكلة نفس ما قال دكستر المانجا ما شدت واجد فهل بيكملونه اوريجنال ؟ عن نفسي اشوف عادي يكملونه احسن من الكاتب اللي ساحب عليها واذا كانت من اشرافه بيكون افضل وافضل 👌🏻 .
~~~~~~~~~~~~~~~~~~~~~~~~~~~~~~~~~~
من الاشياء اللي شفتها حديثا هي مانغا Kusuriya no Hitorigoto او بالانجليزي The Apothecary Diaries ، المانغا عبارة عن وحدة صيدلانية اسمها ماو ماو اختطفت وبيعت لبيت المتعة ( الدعا*ة ) ثم صارت بعدها تشتغل في البلاط الملكي كمتذوقة طعام ( طبعا اجرها كان يروح لبيت المتعة بسبب انها صغيرة وما تقدر تخدم الزباين ) القصة في حقبة اليابان القديمة ، طيب وش جاز لي فيها شخصية البنت رهييييبة يعني البنت ذكية ذكية جدا وتحقق احيانا في اشياء تصير في البلاط الملكي او قصر الحريم شغلتها كمتذوقة هي باختصار انها تاكل الاكل قبل لا ياكله احد مهم او شخصية كبيرة عشان تشوف هو فيه سم والا لا وبطبعها كصيدلانية فهي تعرف انواع السموم كلها وتعرف اذا شافته من سمه ويجيك عاد احداثها الحلوة وكيف اصلا تربت ومن وين هي اصلا ووش وضع اللي تشتغل معهم الصدق المانغا خلصتها بكم جلسة عبارة عن 43 تشابتر مستمرة ( شهرية💔💔) حلوة لا تفوتكم للي ما يعرفها وحاليا احس بفراغ بعد ما خلصتها 💔.
~~~~~~~~~~~~~~~~~~~~~~~~~~~~~~~~~~
تكلمتوا عن مؤديات ومؤدين الاصوات طيب خلوني اقول المفضلين عندي مؤدية الصوت فيه Kobayashi, Yuu طبعا الشخصية اللي حبيتها منها ومن أدائها لصوتها هي يوكيشما سينسي من انمي Seitokai Yakuindomo طريقة تغييرها لصوت الشخصية من المنحرفة لوحدة عادية رهييييبة😭😭 وترى هي نفسها مؤدية صوت ناو من دوروهيدرو وصوت شارلوت من بلاك كلوفر ، اما مؤدي صوت فبدون اي شك ويفوز طبعا Sugita, Tomokazu مؤدي شخصية العظيم اسكانور ساما 🤤🥵🥵 نص اعجابي بالشخصية بسبب مؤدي صوتها .
~~~~~~~~~~~~~~~~~~~~~~~~~~~~~~~~~~
وبس والله ادري طولت عليكم لكن اتمنى اني كنت خفيف ظل وتعليقي ما يتعبكم ( حتى لو اتعبك يا عبدالرحمن انت اللي تقول علقوا هيا خووذ ) يا حبيله يناس هالادمي ودي اشوفه على الطبيعة واخمه بيجي هاليوم لا تتوقع انه مهب جاي يوووه يناس 😻 ، خلاص دمتم بود 🤍🤍