كشكول أنمي 245

السلام عليكم ورحمة الله وبركاته
حي الله الشباب جميعا اللي جاء واللي ما جاء
شلونكم عساكم طيبين وبخير 🌚 ها ما احد غاب حلقتين ما علق احس عادي اني اغيب يستاد عبدالرحمن عندي عذر بس لا تدق على ولي امري تعلمه 💔 عشان لا يدري اني هاج من المدرسة 😂 ، يا زينكم بس اشتقت اسولف معكم والله 🤍🤍 بسم الله نبدأ التعليق اتوقع خلاص ما يحتاج اعدلها واكتب تعليق ❌ مطوية دحتوك✅ لان عبدالرحمن خلاص صار يعدلها من نفسه 🌚 دحوووومي تشان دايسكي
~~~~~~~~~~~~~~~~~~~~~~~~~~~~~~~~~~~~~
الاخبار :-
ما اذكر الصدق الاخبار للحلقتين الماضية لكن اذكر تكلمتوا عن كاغيوا وودي صراحة اقول لكم لا تفوتكم الاوفا اللي نزلت😭😭😭😭 حرفيا فيها اسقاطات على فود وارز اسطورية ومجلة شوشيا حبيت الاوفا غير طبعا #حزب_تصنيف_قيثم اللي تم ارضائهم بشكل كامل ( اشيغامي يمثلنا ) .
~~~~~~~~~~~~~~~~~~~~~~~~~~~~~~~~~~~~~
لوف از هارد فور اوتاكو اخخخ يا عظمته هالانمي صدق بعد ما تكلمتوا عنه رحت حملت الحلقات بعيده وبكمل المانغا صدق نادر ما نلقى انميات صافية ونقية حبها مثل هذا اللي جايز لي في هذا الانمي انه فيه علاقتين رئيسة ومافيه اي تدخل من اي طرف ثالث وهذا اكثر شي حلو مافيه اي مثلثات حب ونادر جدا تلقى انمي رومانسي مثله ، طبعا بالرومانس هو في التوب 3 الاول ياهاري بلاشك الاسطورة .
~~~~~~~~~~~~~~~~~~~~~~~~~~~~~~~~~~~~~
‏children of the see طرزان لكن بالبحر هذا ممكن اقرب وصف توصفه للفلم بشوفه يوم من الايام خاصة بعد مدحكم + عبدالرحمن ما يمدح شي الا وهو جيد فهذي فرصة اذا مدح شي نروح نشوفه
~~~~~~~~~~~~~~~~~~~~~~~~~~~~~~~~~~~~~
هاف ريما الفكرة انترستنق مرره😂😂 عاد انا قايل لقيثم ابي انميات كلاسيكية ولعلي بضيفه للقائمة
~~~~~~~~~~~~~~~~~~~~~~~~~~~~~~~~~~~~~
مانهوات عبدالرحمن الاجمل بلا منازع بس باقي المانقات اللي مغبيهن يرجال طلعهم نبي نبي + صاير يتغلى ما يرد على الخاص نبي توصيات مضبوطة بس الرجال شكله مشغول ( ها عذرتك هالمره ) حبيبي ابو داحم تعال اخمكككك يبعدي ان شاء الله بيجي هاليوم اللي يتحقق فيه الحلم واخمك وووه يا ناس بسس . ~~~~~~~~~~~~~~~~~~~~~~~~~~~~~~~~~~~~~
نحتري مراجعتكم لانمي راغنروك لان الصدق الناس انقسموا قسمين احد يقول انه زين والاخر يقول ماش فعطونا اراكم فيه بالتفصيل .
~~~~~~~~~~~~~~~~~~~~~~~~~~~~~~~~~~~~~
هههههههههههههه الشباب ما يصدقون علطول طلع عبدالرحمن غيروا مسار الحلقة اثر عبدالرحمن ماسكم ويعرف يضبطكم لكن اهنيكم على الموضوع المثري وبتكلم عن رأيي فيه هالمره واتوقع اني بطول فيه ( عاد تحمل تعليقي لي حلقتين ما جيت بطلع كل طاقتي في ذا ) موفق ابو داحم هذا المثال السامي للعمل المتواصل جاي الى اخر دقيقة ما شاء الله تعلموا منه يا شباب قبل لا يروح من ايدينكم تراه عملة نادرة .
~~~~~~~~~~~~~~~~~~~~~~~~~~~~~~~~~~~~~
بريك شرب ماء يا اطلق ادمن بالتاريخ لانه جايك تعليق قوي ….. عافية عافية .
~~~~~~~~~~~~~~~~~~~~~~~~~~~~~~~~~~~~~
من الانميات اللي شفتها حديثاً هو سورد ارت اون لاين شفت اول ثلاث مواسم بمجمل 74 حلقة وبقول رأيي بكل صراحة سواءاً بتتقبلونه او لا ما علي منكم ( الا قيثم الحب ما ابيه يزعل علي 😔💔) 1- سرد الاحداث ما ادري هل الرواية كذا طريقتها بسرد الاحداث ؟ او ان الانمي ينقز اشياء كثيرة يعني والله العظيم ممكن حول خمس مرات ارجع اتاكد انا داخل الحلقة الصح والا ناقز حلقة لدرجة والله اني ارحت اشوف الحلقة من موقع ثاني قلت ممكن ان اللي محمل منه ناسي حلقة والا شي لان يصير تايم سكيب دون ما يقول لك والا شي يعني اشياء كثيييير متغيره بين حلقة واللي بعدها فهذا الشي ازعجني كثير بالانمي 2- العلاقات بشكل عام ، ممكن انه رأي شخصي لكن اول ارك هو افضل ارك جاء بالانمي استمتعت فيه مرررره خاصه علاقة اسونا وكريتو لكن الاركات اللي بعدها احس ان العلاقة ضعفت شوي يعني ((( ممكن حرق لكن ابي دكستر وقيثم يقرونه ام اسونا كانت تبي تشوف كريتو لكن تدرون ما جابوا هاللقطة الا في اغنية النهاية للفلم الثاني!؟؟ حتى انها لقطة عابرة مافيها اي شي ))) ، 3- طيب خلني اتكلم عن الايجابيات شوي الڤيلين اللي بالانمي رهيبين صدق صدق ان الڤيلين في سورد ارت شي ثاني يعني التويست اللي حصل بالارك الاول وفيه افضل ڤيلين من وجهة نظري حق الموسم الثاني ناسي اسمه لكن هو ابو جمجمة ، + الموسم الثاني طلعت سينون 🤍🥺 4- الانتاج ما انكره نهائيا خاصة الموسم الثالث كان اسطوري ونقلة نوعية حبيت والله الانتاج لكن يعيبه شي واحد بس ممكن ما احد لاحظة لكن انا شخص احب ال OST واعشقها جدا فلذلك البس السماعة وارفع الصوت على اعلى شي عشان استمتع بالقتال مع الاوست لكن التعبان اللي اشتغل على الانمي قال لا دقيقة عندنا واحد يحب الاوستات نبي نخرب عليه ارفعوا اصوات القتال اكثر يعني صوت ضرب السيف صوت السقوط على الارض وما الى ذلك فصرت اسمعها واتنرفزززز جدا خاصة انها عالية مره ولو اي احد يرجع لاي قتال كان موجود بيلاحظها بشكل واضح لكن ممكن انكم ما ركزتوا عليها ( خاصة صوت ضرب السيف يقعد خمس دقايق وهو يحك سيفه ) ، 5- على العموم طولت مره فيه لكن هذا كلامي عنه اصدقكم القول احيانا ابي اخلص الحلقة من باب اني اخلصها بس ومافيه اي حماس ما قد تحمست مع الانمي الا ممكن بالسيزون الثالث وبعصوها في اخره وقفلت ام الايباد وقلت الموسم الاخير بشوفه اذا خلصت الانميات اللي عندي كلها ارجع له بالنهاية رأي شخصي وممكن احد يتفق وممكن احد يختلف .
~~~~~~~~~~~~~~~~~~~~~~~~~~~~~~~~~~~~~
طيب نجي للموضوع اللي تكلمتوا عنه يا قيثم ودكيستر عن انميات هالموسم خلوني اقولكم وش شفت لاني الصدق ودي اسردها كلها 😂
‏1- Higehiro: After Being Rejected, I Shaved and Took in a High School Runaway
الاسم اطول من حياتي 😂 طبعا التصور الاولي من اول حلقة كنت اقول انه مثل انمي غّن لي البارحة البطل ينرفض وتجيه وحده اصغر منه تحبه وهكذا لكن ابدا ما طلع زي كذا تابعته الى اخر حلقة وممكن احزن ماضي شفته هالسنة هو ماضي سايو 💔💔 وارجل شخص في هذا الموسم هو يوشيدا 😻 الانمي رهيييب واستمتعت وانا اشوفه
2- ديابلو الموسم الثاني
😂😂😂 هاريم ديابلو يكثر لا جديد في ذلك الموسم هذا جميل وارضى #حزب_تصنيف_قيثم بشكل تااام اهنيهم 😂😂 لكن الصراحة الموسم هذا مهب هاك الزود الاول كان اجمل بشوي يعني صحيح هالموسم جميل لكن الماضي كان افضل لكن يبقى عطوني موسم ثالث نبي زيادة من ماؤوو ديبالو 🔥😂
3- 86
انمي الموسم بلا منازع ما يحتاج اكثر فيه لانكم اعطيتوه حقه ننتظر الكور الثاني بحرقه و ان شاء الله نشوف شي اسطوري كما كان بالكور الاول
‏4- Combatants Will Be Dispatched!
ضحك الموسم بلا منازع 😭😭😭😭 كنت اشوفه حلقة بحلقة هو الافضل من ناحية الكوميديا شخصية رقم 6 يخي ضحك خاصة اذا جاء بيجيب نقاط شر افقع ضحك 😭😭😭😭
‏5- Super cub
قد لا يكون معروف عند البعض لكن هذا النوع من الانميات اسميع ( ريلاكسنق انمي ) وايضا الانميات المفقودة اللي يصير مسحوب عليها في الموسم وما يتابعها لكن نصيييحتي لا يفوتكم عبارة عن بنت تشري لها دباب وتسوق فيه ( القصة باختصااااار ) لكن هو حلاته انك تسوف حلقة حلقتين باليوم تصفي راسك خاصة ان الرسم حق الانمي حلو وتجي خلفيات رهيبه ، شخصية البنت اسطوووورية اذا جت تشوف الدباب وتعطيك ذيك الابتسامة علطول تعطيها وضعية زر ( protecct smile ) عطوه فرصة للي ما شافه حلقة حلقتين المشكلة ان المترجم العوبي وقف على الحلقة 7 والان مالك الا مواقع مشاهدة مباشرة والجودة الله بالخير 💔 .
‏6- To Your Eternity
انمي احتريه من زمان وما خيب الظن اتوقع الحلقة الخامسة ما بقي احد ما صاح منها لكن نحتريه لين يخلص ونعطي رأينا فيه .
تقريبا هذي الانميات اللي شفتها لاخر حلقة باقي اشياء لازم اكملها مثل ايدين زيرو وانمي Saint’s Magic وغيره بعد .
فيه اشياء طبعا سويت لها دروب مثل ناغاتي ( هذا الكم من التنمر مززززعج جدا ) وايضا انمي الكورة Farewell, My Dear Cramer 💔💔💔 الانتاج حقه يخي الامال تمنيت انه افضل ليش كذا .
~~~~~~~~~~~~~~~~~~~~~~~~~~~~~~~~~~~~~
سؤالي لكم وش متحمسين للموسم الجاي ؟ بالنسبة لي السلايم الكور الثاني وماهوكا وانمي من #حزب_تصنيف_قيثم بدون ذكر اسماء ،
طولت عليكم مرة لكن اعذروني على الاطالة وعشان نصير رجعنا بقوة واحسن من قبل بعد هالايام منشغلين بالدوام وهيك فياله نلقى لنا وقت نشوف شي والا نسمع والا تراي اسمع البودكاست اول باول لكن احيانا ما اقدر اعلق علطول 💔 غديك عادرني هالمره يا عبدالرحمن 🤍 و ان شاء الله انكم بصحة وبخير و دمتم بود 🤍