حلقة خاصة – حرق فلم باتمان ضد سوبرمان 2016

سمعت و استمتعت لحواركم الجميل و الهادف احيانا و المضحك احيانا و تمنيت اكون مشترك معكم لأن هناك نقاط كثيره عبرت عليكم و حسب فهمي نواف فقط كان عنده خلفيه لكن عبر عليكم اهم مشهد في الفيلم و اجملها سينمائيا في كل افلام باتمان و هي مضاربة عصابة لوثر في انقاذ مارثا

*sigh*
يعطيكم العافية وما قصرتوا..
اربع ساعات ما شاء الله تحليل في الفلم اكيد شيء متعب والله يقدرنا ان نوفيكم حقكم في الفيدباك ..
بداية استمتعت بنقاشكم كان نقاش مفيد جدا في ادراك بعض الاشياء الغير واضحة مثل علاقة اللوحة و داركسيد وهذي نقطة اغفلتها في اثناء مشاهدتي للفلم
والعديد من النقاط الاخرى اللي اشكركم عليها شكر جزيل في توضيحها ..
ولكن ..
حسيت ان نقدكم هالمرة خارج عن المألوف شوي ، يمكن بسبب تأثير تقييمات ميتاكريتيك على حكمكم النهائي للفلم او بسبب عاطفة شخصية
في البداية ابي اقول اني ما اشوف الفلم جبار وارهب شي في الدنيا بس ما اشوفه بالسوء اللي حاولتون تبينونه اثناء النقاش حسيتكم فعلا متحاملين على الفلم وانكم جايين تمسحون فيه القاع ، واحترم آرائكم الشخصية لكن بعض الاحيان احسكم مب فاهمين الموقف اللي تحللونه مع انه كان واضح للمشاهد العادي (نفسي)
مثل بناء العداء بين باتمان وسوبرمان او سالفة عدم استخدام سوبرمان لقدرة الاستماع الي عنده في تحديد مكان امه ونسيتوا الضغط النفسي اللي يمكن يسببه موقف مثل هذا على اي احد بالاضافة الى ان امه كانت مكممة في ذاك الوقت والمسافة بينهم ما كانت بالبسيطة عكس يوم مع لويس وهي تحت الماي كان يقدر يسمع الضربات بسبب قرب المسافة ، الفلم من غاياته اللي فهمت انهم يبون يوصلوها للمشاهد توضيح ان سوبرمان مب اله وقدرته مع وسعها الى انها محدودة وهالشي نوعا ما منطقي ، يعني حتى لو تذكرون بالمسلسل الكرتوني لسوبر مان كان يعطي لبعض الشخصيات ادوات تساعدهم في استدعاءه بسبب محدودية قوته وهالمحدودية اشوفها تخدم بناء الشخصية
بالنسبة لظهور اعضاء الجستس ليق اشوفه انه مناسب كونهم اصلا مو المرتكز الاساسي بهالفلم فالوقت اللي اخذوه من الفلم كان اكثر من كافي بوجهة نظري ، لو كنت بعتب على شي من هالناحية بكون نقص الاسباب اللي تدفع باتمان انه يجمعهم مثل ما ذكر باخر الفلم وانه اعتمد على اشياء غير يقينية مثل الاحلام او الرؤى اللي هو نفسه ما كان متأكد منها اذا كانت احلام او حقيقة
في عدة نقاط اخرى بس بكتفي بنقطة اضافية اللي هي مشهد كلارك كنت مع شبح ابوه ، مادري عنكم بس اشوف العبرة واضحة ولكن يمكن ما طبقت بالشكل المناسب واشوفه مشهد مهم في الفلم وهالمشهد يعتبر مشهد القيام بعد السقوط والسبب الي يخلي سوبرمان يقوم بعد نكسته ، فاهم من الثلج واللحية انهم يبون يرجعون لنا جزء من جو مان اوف ستيل يوم كان كلارك في رحلة استكشاف لذاته بس ما اشوفهم نجحوا في توظيفها بهالفلم ، فالمكان لعب دور كبير في هالمشهد واعتقد ان المكان لو كان عند الجسر اللي مات فيه ابو كلارك (على ما اذكر) او حتى في مزرعتهم كان بيكون افضل بكثير
على كل حال لو ابقى اتكلم ما راح اخلص
وفي اشياء غبية كثيرة في الفلم نعم مثل الحركات الاوفر والي اكل الدهر عليها وشرب واللي يمكن تطلع من احد الشخصيات
واكرر الفلم ما كان جيد ولكن ما كان بهذا السوء
ويعطيكم العافية وبانتظار حرق سيفل وار ????

بتفرج على الفلم باسرع وقت ممكن عشان اسمع الحلقة ، متحمسه والله

الله يعطيكم العافيه يارب ويسعدكم , جاري مشاهده فيلم باتمان والرجوع للحلقة الخاصة
وتحياتي لصاحب الصوت الجهير ابو ابراهيم الكبيـر